Sən Azərbaycansan
Ümummilli lider, müasir Azərbaycanın memarı
Heydər Əliyev cənablarının 100 illik
yubileyinə həsr edirəm
"Doğma, canım-varlığım qədər
sevdiyim
Azərbaycanım mənim
qibləgahımdır"
***
"Mən həmişə fəxr etmişəm, bu gün də
fəxr edirəm
ki, mən azərbaycanlıyam"
Ümummilli
lider Heydər Əliyev
Proloq
Tanrının adı ilə başlayıb bu dastanı
Vəsf etmək
istəyirəm mən
elə bir insanı
Adı-sanı, şöhərti
bürüyübdür dünyanı.
Bir insan ki xalqına həsr edib həyatını,
Bir insan ki çapanda meydanlarda atını,
Elə bil titrədirdi göyün yeddi qatını.
Bir insan ki, zülmətdə sökülən
dan olubdur,
Bir insan ki, yenilməz bir qəhrəman olubdur,
Bizə son vəsiyyəti
Azərbaycan olubdur.
Vətən adı gələndə ayağa
duran insan,
Görüb də öz yurdunu dağılmış, viran
- insan,
Bu viranda möhtəşəm bir dövlət quran insan!
Onu zaman yetirib, onu tale seçmişdi,
O, hünərlər
göstərib od-alovdan
keçmişdi,
O, bu gündür, sabahdır,
o, silinməz keçmişdi.
Rəhbərlər sırasında
birincidir, o, başdır,
Əlimiz üstə
əldir, gözümüz
üstə qaşdır,
Analara oğuldur,
oğullara qardaşdır.
Bir məşəldir
- alovu heç zaman sönməyəcək,
Bir atlıdır
- atından heç
zaman enməyəcək,
Onu heç kəs yenməyib, heç zaman yenməyəcək!
Qadirəmmi elə bir insanı vəsf etməyə,
Dahilər dahisinin
məqamına yetməyə,
Başladığım bu işi axıracan getməyə!
Tanrım, köməyim
ol gəl bu işdə mənə özün,
Kəsilməsin üstümdən
lütf ilə baxan gözün,
Əvvəli də, sonu da çünki sənsən hər sözün!
Baba Heydərin
ruhuna xitab
Heydər baba, izn
ver xalqa səndən söz açım,
Sözlərin işığında
mən də işıq, nur saçım!
Bilirəm ki, hər
sözüm indi sənə əyandır,
Ürəyimdəki təbi
cana gətir, oyandır!
Bu yolda mənə rəhbər, yolgöstərən, yoldaş
ol!
Sirlərini açaraq,
mənə munis, sirdaş ol!
Aç üzümə
çox gizli, çox mübhəm həqiqəti,
Alovlandır qəlbimdə
haqq sözə məhəbbəti!
Qoy dağılsın
gözümdə dünyanın
dərd, ələmi,
Boşuna gəzdirməyim
kağız üstə
qələmi!
Görsən harda səhvim var, sözümə
düzəliş ver,
Yaxşı gələn
gəliş ver, yaxşı gedən gediş ver!
Öz siyasi zəkanla dəstək ol bu şairə,
Qoy dönməsin yazdığı ilaxır
və sairə!
İndi sənin haqqında çoxları
şeir yazır,
Hərə bir təmənnada, hamı dayanıb hazır!
Sən yaxşı
bilrsən ki, hansı
arzu, kamım var,
Şairəm, qələm-kağız,
bir də ki ilhamım var!
Təmənnam öz yurduma layiq şair
olmaqdır,
Sözün düzün
söyləmək, xalqa
dair olmaqdır!
Xalqın məhəbbətindən
özgə umacağım
yox,
Yurdun dağından
özgə sinəm üstə dağım yox!
Ey böyük ruh, yurduma yenə
hami, dayaq ol!
Vətənin göylərində
bir ədəbi bayraq ol!
İlham Əliyev
və Mehriban
xanıma dua
Cənablar və xanımlar deyərək başlayıram,
Bir cənab, bir xanımı çünki alqışlayıram.
Bir cənab ki, layiqdir atasının adına,
Bir xanım ki, bu məqam
Müyəssər olmayıbdır,
Hər qıza,
hər qadına!
Cənab İlham Əliyev,
əziz Mehriban xanım!
Xalqın ümidi
cənab, ürək xanım, can xanım!
Tanrım sizi qorusun hər bəla, hər qadadan,
Daima arxanızda dursun böyük Yaradan!
Daima üstünüzə
qanadlarını gərsin,
Lütfünü kölgə
kimi qoy üstünüzə sərsin!
Yalnız xeyir tapasız, qol qoysaz hansı işə,
Paxıllar salammasın
sizləri dilə-dişə!
Millətim hər bir işdə sizlərə dayaq olsun,
Qaraçuxanız gecə
və gündüz oyaq olsun!
Yola salasız hələ neçə belə illəri,
Sizlər yönləndirəsiz
millətləri, elləri!
Biriniz xalqa ata, biriniz anasınız!
Biriniz bir igidsiz, biriniz sonasız!
Nə gözəldir
sizin tək xalqın yolunda yanmaq,
Bir elin, bir ölkənin keşiyində dayanmaq!
Sizi dünya tanıyır, qürur yerimizsiniz,
Ürəyimiz, sözümüz,
bizim şeirimizsiniz!
İlhamımı daima mən sizlərdən alıram,
Hər sözdə,
hər misrada sizi yada salıram!
Sizləri yetiribdir
Heydər baba ocağı,
Zərifə xanım
olub sizə ana qucağı!
Odur ki, belə müdrik, odur belə kübarsız,
Harda ədalət varsa sizlər də orda varsız!
Siz millət üçün yanan məşəlsizniz əbədi,
Ürəyiniz çevrilib
olub işıq məbədi!
Bilin ki, bu gün sizə dikib gözünü vətən,
Ölkəyə başçı
olmaz çünki hər yoldan ötən!
Siz daim bacarıqlı, siz daim düz oldunuz!
Qaranlığın bağrını
yaran gündüz oldunuz!
Qaytardınız millətə
müqəddəs Qarabağı,
Düşmənin sinəsinə
çəkdiz dağ
üstə dağı!
Güldü vətən
torpağı!
Onun əsl rəhbəri, başçısı
kim olduğun,
Bir daha əmin oldu,
Bildi vətən torpağı!
Otuz illik həsrətə
Son qoyuldu, gözündən
Axan acı yaşları
Sildi vətən toprpağı!
O gün ellər, obalar sevindi, çox şad oldu!
Tarixə düşdü
o gün, şöhrət
oldu, ad oldu!
Qırx dörd
günə qazandıq
elə qələbə,
zəfər,
Dünyada eşitməyən
qalmadı bircə nəfər!
Bizi məğlub millətdən
Qalib gələn, yenilməz
Millətə çevirdiniz!
Bakını çiçəklənən
cənnətə çevirdiniz!
Bu gün gələn qonaqlar
Yurduma qalır
heyran!
Sizlərin sayəsində
Gündən-günə boy atır,
Ucalır Azərbaycan!
Tarixdən qisas, vaxtdan
Bac alır Azərbaycan!
Siz ucaltdız bu yurdda
Tolerantlıq bayrağı,
Bir qardaşlıq
məbədi!
Müstəqillik yolumuz
Əbədidir, əbədi!
Neçə zəfər
gözləyir
Bizləri gələcəkdə!
İnanıram ki sizin
Başçılığınız altda
O günlər uzaq deyil,
O günlər gələcək də!
Tanrım, bizə
çox görmə
Bu parlaq zəfərləri,
Dərd-qadadan sovuşaq!
İlhamla, Mehribanla
Bizi daim var elə,
Gələcəyə qovuşaq!
Baba Heydərim
Gözlərin mavidir, sanki bir dəniz,
Bir sonsuz ümmansan, Baba Heydərim!
Sənsən millətimə
əzizdən əziz,
Doğma, mehribansan,
Baba Heydərim!
Qorqud ölkəsinin
baharısan sən,
Babəklər, nəbilər
diyarısan sən!
Cavanşir yurdunun vüqarısan sən!
İgid, qəhrəmansan,
Baba Heydərim!
Hər şah gedişinə mat qaldı
fələk!
Kəsmədi önünü
min fitnə, kələk!
Sinəmdə döyünən
ürəksən, ürək!
Damarımda qansan,
Baba Heydərim!
Sevdin doğmasını,
sevdin yadını,
Verdin millətinə
könül odunu!
Yazdın tarixlərə
xalqın adını,
Tarxisən, zamansan
Baba Heydərim!
Haqqın, ədalətin
tərəfisən sən,
İlhamtək oğulun
sələfisən sən!
Bilgə xaqanların
xələfisən sən,
Bilgəsən, xaqansan,
Baba Heydərim!
Heykəlin ucalır
bu gün hər yanda,
Cismin torpaqdadır,
sən asimanda!
Çox şahlar,
xaqanlar görən cahanda,
Özün bir cahansan, Baba Heydərim!
Göylərə baş vuran bir qoca
dağsan,
Əbədi gül açan bağçasan,
bağsan!
Naxçıvan, Qazaxsan,
sən Qarabağsan,
Sən Azərbaycansan,
Baba Heydərim!
Dahilərin xeyir-duası
Həm yorğun,
həm mutluyam,
Bitirmişəm dastanı!
Təkrar yazb pozaraq,
Hər sözü,
hər misranı!
Yazı masasındaca
Məni xəyal
aparır,
Gördüklərim könlümdə
Sanki tufan qoparır!
Görürəm ki, çəməndə
Ucalır bir ağ saray!
Ayağı torpaqdadır,
Qübbəsini öpür
ay!
Daxil olub saraya
Bir çox qoca görürəm,
Hamısın alicənab,
Həm də uca görürəm!
Nizami, Nəsimidir,
Vaqif, Cavid, Vurğundu,
Bir də ki Muğannayla
Əziz doktor Nəriman!
Nağıllardakı kimi
Yeddi müdrik filosof,
Yeddi igid, qəhrəman!
Bağdaş qurub dəyirmi
Bir məclis qurub onlar!
Dərdin, qüssənin,
qəmin
Boynunu vurub onlar!
Məclisdən bir səs gəlir,
Bilməm kimin səsidir!
Bəlkə də, ilahinin
Özünün nəfəsidir!
Deyir, qızım, yazmısan,
Dastan Baba Heydərə!
Oxuyub da qalırsan,
Heyran Baba Heydərə!
Amma bəzi mətləblər
Niyə çıxıb
yadından?
Gərək bu mətləbləri
Yada salsın hər insan!
"Nəsimi",
"Nizami"ni
Və "Doktor
Nəriman"ı
Muğannaya yazdıran
Baba Heydər olubdur!
Bu flmlər o
zaman
Özü hünər
olubdur!
Erməni, rus maneə
Olmaq istəyib ona!
Amma o qətiyyətlə
Mübarizə aparıb
Bu işi vurub sona!
Şuşada ucaldıbdı
Vaqifin məqbərəsin!
Bununla da kəsibdir
Ermənilərin səsin!
Deyibdir bizim olub
Əzəl gündən
Qarabağ!
Bununla erməninin
Ürəyinə çəkibdir
Sağalmayan yara, dağ!
Erməni dağıtsa
da,
Vaqifin məzarını
İlham Əliyev
yenə
Sağaltdı şairimin
Sonsuz yaralarını!
İndi Vaqifin qəbri
Eynən əvvəlki
kimi
Öz yerində
ucalır,
Şair cavanlaşıbdır,
Qoca tarix qocalır!
Şairlər, yazıçılar
Üz tuturlar Şuşaya
Vaqif şeir gününə!
Bu çevrilir xalqımın
Toyuna, düyününə!
Bütün dünya
görür ki -
Qarabağ Azərbaycan!
Bunu dərk etməlidir
Biryolluq qoca cahan!
Cavidin nəşini
də
Baba Heydər olubdur
Qarlı, soyuq Sibirdən
Naxçıvana gətirən,
Ana yurda yetirən!
Qızım, gəl,
qəbul elə,
Bizim xeyir-duanı!
Sağ ol ki, sən yazmısan
Baba Heydər dastanı!
Bu dastanı oxuyub
Bizlər də çox şad olduq!
Qəm-qüssəyə yad olduq!
Sağ ol, yad eləmisən
Bizləri də dastanda!
Belə qədrşünaslıq
Bu vəfasız zamanda
Bizi duyğulandırdı!
Bizləri ruhlandırdı!
Qoy, bu işdə yaradan
Özü sənə
yar olsun,
Haqq işə qol qoyanlar
Daim bəxtiyar olsun!
Xəyaldan ayrılaraq
Sanki cana gəlirəm!
İmtahandan çıxıram
İmatahana gəlirəm!
İlahi, dahilərin
Ruhlarını şad elə!
Dastanımın bu fəslin,
Onlara yaz, ad elə!
Epiloq
İlahi, sən
Babanın ruhuna səadət ver,
Cənnətlərə layiqdir,
ona sonsuz cənnət ver!
Bağışla, səndən
sonra qələm aldım əlimə,
Şairəm kəlməsini
gətirərərk dilimə!
Udduğumz hava və içdiyimiz su üçün,
Ürəyimi titrədən
ən gözəl duyğu üçün,
Ayağımız altında
bu qara torpaq
üçün,
Başımızın üstündə
üçrəngli bayraq
üçün,
Hamımnız bu dünyada yalnız sənə borcluyuq!
Borcumuzu ödəsək,
yenə, yenə borcluyuq!
Hər nə yazsaq səndəndir, hər nə yazsaq sənədir!
Söz qədimdən
qədimdir, söz yenidən yenidir!
İlahi, sən
xalqıma bəlalardan
nicat ver,
Babaların xətrinə
nəvələrə həyat
ver!
Gündən-günə qoy daha gözəl olsun növrağım!
Əbədi dalğalansın
qoy üçrəngli
bayrağım!
Sevinc bizə
dost olsun, qüssə
bizə yad olsun,
Baba Heydərin ruhu görüb bunu şad olsun!
Babanın yüz yaşına bağladım
bu dastanı,
Vəsf eləmək
istədim anam Azərbaycanı!
Nizami, Nəsiminin,
Cavid, Vurğun, Vaqifin,
Nəriman, Muğannanın,
hər gizlinə vaqifin.
Ruhları xatirinə
günahımı bağışla,
Sözüm başlayır,
bitir pak adına alqışla!
Gedən Babanın
cismi, ruhu Azərbaycandır!
Bu dastan ölməzliyə
həsr olunan dastandır!
Yüz illər
gəlib keçsin,
Baba yenə var olsun,
Azərbaycan adlanan yurdum bəxtiyar olsun!
Güləmail MURAD
Ədəbiyyat qəzeti.-
2024.- 20 yanvar, ¹ 2.- S. 16-17.