Palomares poeziyasından bir
neçə nümunə
Nakba
Havada
qoxusu qalıb
saçlarına taxdığı güllərin.
Hər şey
keçib gedəndən sonra,
dünya
dağınıq halda,
qarışıq vəziyyətdə olanda
hər şeyi unudur hamı -
külə dönən həyat
naminə
qorxular haqqında danışmağı
yox,
susmağı üstün tutur
hamı.
***
Çəkisi nə qədərdir
bir qum dənəsinin?
Mənim
ölkəmdə,
hətta
bulud kölgəsinin də
dəqiq
ölçüsü var.
Bir damla suyun çəkisi
nə qədərdir?
Mənim
xalqımın susuzluq
ölçüsüdür
üstünə düşən göz
yaşından
daşın əyilməsi.
Birhürgüclü dəvə
Birhürgüclü dəvə
dərin
sığınacaq kimidir.
Qiymətli evlərin divarları
onun dərisindən tikilib.
O evlər ki
səhrada işıq zərrələri
kimidir.
Saharanın qumları
sənin
ağ südünlə,
qırmızı qanınla suvarılıb.
Sən bizi belində aparansan,
Sən bizimçün otlaqların
yolunu tapansan.
Sən bizə suyun sirrini açansan.
Sən bizə vəfalı dost,
müdrik
qardaşsan.
Anna
Maria Oviedo Palomares...
Hazırladı:
Mahir N.QARAYEV
Ədəbiyyat
qəzeti.- 2025.- 28 fevral, №8.- S.6.