Telman Kürsoy – 70

Hörmətli Telman müəllim!

Sizi 70 yaşınızın tamam olması münasibətilə təbrik edirik.

Siz bədii yaradıcılığa erkən başlamısınız. Hələ orta məktəbdə oxuyarkən - 1952-ci ildə ilk mətbu şeriniz "Azərbaycan pioneri" qəzetində dərc edilmişdir. Dövri mətbuatda vaxtaşırı çıxış etmisiniz. "Dağ dağa söykənər" adlı ilk kitabınız 1987-ci ildə "Yazıçı" nəşriyyatında çapdan çıxmışdır. Sonralar "Çənlibelə məktub", "Axan ulduzlar", "70 qış nağılı", ümumiyyətlə, səkkiz kitabınız oxucuların ixtiyarına verilmişdir.

Siz Bakı Dövlət Universitetinin filologiya fakültəsini bitirmisiniz. Qırx ildən artıqdır pedaqoji fəaliyyətlə məşğulsunuz. Elmə, təhsilə diqqət, gənc nəslin vətənpərvərlik ruhunda tərbiyəsi, mənəvi zənginlik yaradıcılığınızın əsas mövzusudur.

Hörmətli Telman müəllim!

Sizi bir daha 70 illik yubileyiniz münasibətilə təbrik edir, sizə uzun ömür, cansağlığı, yeni yaradıcılıq uğurları arzulayırıq.

Azərbaycan Yazıçılar Birliyi

Ədəbiyyat qəzeti.-2009.-24 iyul.-S.4.