Natiq Rəsulzadə-60
Hörmətli Natiq müəllim!
Sizi - tanınmış yazıçımızı 60 yaşınızın tamam olması münasibətilə təbrik edirik.
Siz bədii yaradıcılığa ötən
əsrin yetmişinci illərində başlamısınız.
İlk yaradıcılıq
nümunələrinizdən olan "Nağıl" adlı hekayəniz 1970-ci ildə "Literaturnı Azərbaycan" jurnalında
dərc edilmiş və ədəbi ictimaiyyət tərəfindən
maraqla qarşılanmışdır.
İlk kitabınız - "Uşaqlıq
şəkilləri" 1976-cı ildə işıq üzü görmüşdür. Sonralar
"Aydın alatoranlıq",
"Bayram yağışı",
"Gecə suvarisi",
"Ulduzlu səma altında yollar", "Astanadan o yana",
"Kabuslar arasında",
"İntihar edənin
qeydləri", "Sevgi
ili", "Tələ",
"Adacıq" ümumiyyətlə,
30 kitabınız nəşr
olunmuşdur.
Əsərləriniz kompozisiya
və süjet baxımından bitkinliyi, səlis, ifadəli dili ilə diqqət
çəkir. İnsan
psixologiyasına dərindən
bələd olduğunuz
üçün yazıçı
müşahidəsi ilə
ümumiləşdirdiyiniz həyat
hadisələri fonunda
dolğun təbii obrazlar qalereyası yarada bilmisiniz. Əsərləriniz dünyanın
bir çox ölkələrində
- Rusiyada, Macarıstanda,
Polşada, Sloveniyada, Slovakiyada nəşr edilmişdir.
Siz kinodramaturgiya sahəsində
də səmərəli
fəaliyyət göstərirsiniz.
Ssenariləriniz əsasında
15 film, o cümlədən, "Vahimə",
"Ovsunçu", "Bu
gözəl dünya",
"Sifarişçi", "Girov", "Daşatan",
"Gecə qatarında
qətl" filmləri
çəkilmiş və
böyük uğur qazanmışdır.
Siz Moskvada M.Qorki adına Ədəbiyyat İnstitutunu bitirmisiniz. C.Cabbarlı adına "Azərbaycanfilm" Kinostudiyasında
redaktor vəzifəsində
işləmisiniz. 1977-ci ildən
"Literaturnı Azərbaycan"
jurnalında çalışırsınız.
Hazırda redaksiyanın
məsləhətçisisiniz. Yaradıcılıq uğurlarınıza
görə əməkdar
incəsənət xadimi
fəxri adına, Azərbaycan komsomol mükafatına, Ostrovski adına mükafata layiq görülmüsünüz.
Hörmətli Natiq müəllim!
Sizi bir daha 60 illik
yubileyiniz münasibətilə
ürəkdən təbrik
edir, sizə uzun ömür, cansağlığı, yeni
yaradıcılıq uğurları
arzulayırıq.
Azərbaycan Yazıçılar Birliyi
Ədəbiyyat qəzeti.-2009.-5
iyun.-S.5.