Yenidən Dialoq...

Uzun çəkən bir fasilə oldu... Hər üç aydan bir yayına hazırladığımız dərgimiz bizdən asılı olmayan səbəblərdən dolayı bir ildir, sadəcə, Qazaxıstan və Qırğızıstan əlavələriylə yayına davam edirdi. Bu durum özümüzə həm nəzarət etmə, həm də yeniləşmə adına önəmli bir imkan yaratdı.

Yəqin xatırlayırsınız, Dialoq Avrasya Platformunun idarə heyətinin ötən hər bir toplantısında “DA” dərgisinin çoxdilli nəşrinin vacibliyi istiqamətində fikirlər səslənmişdi. Lakin əhatə etdiyimiz regionlarda ümumişlək ünsiyyət vasitəsi kimi türkcə və ruscadan istifadə olunması bu iki dili “nəşr dili” olaraq götürməyimizdə xüsusi rol oynadı. Aradan keçən bu 10 ildə dərgimizin araçılığı ilə əldə olunan yayınlarla bir-birimizi tanıma və anlamada həddən ziyadə nəticə əldə edildi. Əlavə yayınlarımızın çıxdığı bölgələrdə yaşayan xalqlar tərəfindən həvəslə oxunması digər üzv ölkələrimiz üçün də örnək oldu. Bu səbəbdən də “dərgimizin çoxdilli olması gərəkliyi” fikri artıq layihələşdirilir. Bu istiqamətdə hazırlıqlarımız var.

10 il yayınçılıq sahəsində önəmli bir müddətdir. Geriyə baxıb, irəliyə doğru əlaqə qurmaq üçün yetərlidir. “Dialoqda hansı nəticəyə gəldik, bu zamana qədər hansı istiqamətlərdə yayın yapıldı, bu yayınlar nə qədər oxucu tapa bildi, dərgimizin bölgə dialoquna ciddi bir əlavəsi oldumu, əsaslı və dürüst yayınçılıq adına bir məsafə qət edildimi?” - kimi suallara cavab aradıq. Bizi bu dialoqa çəkən iki səbəb vardı - bu dərgini çıxardan güc, eyni zamanda, birlikdə əl-ələ verib hasilə gətirilən nəticə idi. Avrasya - birimiz olmadan mənasız olardı. Hamımız bərabər olmalıydıq... “DA” kimi bir dərgiyə qoyulan ehtiyacı dilə gətirən Mery Trifonenkoyu 2006-cı ilin əvvəllərində, bu dərgiyə xeyir-dua verən Çingiz Aytmatovu da ötən ilin iyun ayında itirdik. Bizə dialoqda yol göstərən digər intellekt sahiblərimiz Anar, Rostislav Ribakov, Harun Tokak, Oljas Süleymenov, Giuli Alasania, Muxtar Şahanov, Boris Marian, İlber Ortaylı, fətullah Gülən və digərləridir...

Zaman irəliləyirdi, ancaq bir aydınımızın təşəbbüsü ilə bundan 10 il öncə başlayan dialoq davam etməliydi... Dialoq yenidən canlanmalıydı.

İndi bu, yenidən dirilməkdir; keçən sayımızda Ortodoks dünyasının ruhani lideri Patrik II Alekseyin barəsində məlumat vermişdik, bu sayımızda isə çox sevilən və fikirlərinə dəyər verilən, “Modern dünyada bir dialoq öncüsü” fətullah Gülənin bioqrafiyasını yapdıq. Çünki o, həyatını dialoqa və xoş məramlara hesablamış bir şəxsdir. Bu fikir rus məsləkdaşlarımızdan gəldi. Hazırlanan məlumatlara, reportajlara ciddi dəstək verdilər... Onlara təşəkkürlər edirik.

Sayımızda platformumuzun özəllikləri barədə ətraflı məlumat alacaqsınız. Amma qısaca bir bilgi vermək istərdik - yeni Dönəm Başqanımız Nurlan Orzalin, Platform Eşbaşqanımız Harun Tokak, Baş katibimiz İsmail Tas oldu...

İyi oxumalar diləyi ilə... Bir daha salamlar olsun!

Ədəbiyyat qəzeti.-2009.-1 may.-S.1.