Elman Həbib - 60
Hörmətli Elman müəllim!
Sizi - istedadlı şairimizi 60 yaşınızın tamam
olması münasibətilə
təbrik edirik.
Siz bədii yaradıcılığa
ötən əsrin
80-ci illərində başlamısınız. 1981-ci ildə ilk kitabınız
- "Günəş qatarı"
işıq üzü
görmüşdür. Sonralar "Duzlu uşaqlar", "Yoluma çıx", "Nar və
gilənar", "Ömrümün
göy qurşağı",
"Ömrüm-günüm mənim", "Sevən
ömrü", "Allah salamı",
"Yerlə göy arasında", "Heydərnamə",
"Naxçıvannamə", "İlham - xalqın İlhamı" və s.
kitablarınız oxuculara
təqdim edilmişdir.
Ümumiyyətlə, 30-a yaxın kitabınız
nəşr olunmuşdur.
"Sahilsiz çaylar"
adlı dram əsəriniz
Cəlil Məmmədquluzadə
adına Naxçıvan Dövlət
Musiqili Dram Teatrında
müvəffəqiyyətlə tamaşaya qoyulmuş,
"Ağ ölümün
ölümü" əsəriniz
əsasında Naxçıvan
televiziyasında ikihissəli
televiziya tamaşası
hazırlanmışdır.
1990-cı
ildə Naxçıvan
Muxtar Respublikasının
əməkdar incəsənət
xadimi, 1999-cu ildə Azərbaycan Respublikasının
əməkdar incəsənət
xadimi fəxri adlarına layiq görülmüş, 2005-ci ildə
"Tərəqqi" medalı,
2008-ci ildə isə
"Şöhrət" ordeni
ilə təltif edilmisiniz.
Siz 1970-ci ildə indiki Azərbaycan Pedaqoji Universitetini fərqlənmə
diplomu ilə və 1979-cu ildə Azərbaycan Jurnalist Sənətkarlığı İnstitutunu
fərqlənmə diplomu
ilə bitirmisiniz.
1970-ci ildə Naxçıvan
MR Dövlət Televiziya
və Radio Verilişləri
Komitəsində kiçik
redaktor kimi işə başlamış,
burada müxtəlif vəzifələrdə işləmisiniz. 1991-ci ildən 2001-ci ilədək
Naxçıvan MR Dövlət
Teleradio Verilişləri
Komitəsinin sədri
olmusunuz. 2001-ci ildən Naxçıvan
MR Həmkarlar İttifaqları
Şurasının sədri
vəzifəsində işləyirsiniz.
Hörmətli Elman müəllim!
Sizi bir daha 60 illik
yubileyiniz münasibətilə
təbrik edir, sizə uzun ömür cansağlığı,
yeni-yeni yaradıcılıq
uğurları arzulayırıq.
Azərbaycan
Yazıçılar Birliyi
Ədəbiyyat qəzeti.-2009.-1
may.-S.6.