Oqtay Rza-75
Hörmətli Oqtay müəllim!
Sizi - tanınmış şairimizi
anadan olmanızın
75 illiyi münasibətilə
təbrik edirik.
Siz ədəbi yaradıcılığa
erkən başlamısınız.
Hələ orta məktəbdə oxuyarkən
şeirləriniz rayon
qəzetində dərc
olunmuşdur. Sonralar
"Azərbaycan pioneri",
"Azərbaycan gəncləri",
"Kommunist", "Ədəbiyyat
və incəsənət"
qəzetlərində, müxtəlif
almanaxlarda şeirləriniz
işıq üzü
görüb. Orta məktəbin sonuncu sinfində oxuyarkən respublika gənc yazıçılarının Bakıda keçirilən
müşavirəsində iştirak
etmiş, Səməd
Vurğun, Rəsul Rza, Məmməd Rahimin məsləhətlərini
dinləmisiniz.
Əsərlərinizdə vətəni, xalqı, təbiəti, insanı məhəbbətlə
tərənnüm edirsiniz.
Elə ayrı-ayrı illərdə çapdan çıxmış
kitablarınızın adları
da şeirlərinizin mövzusu ilə bağlıdır: "Torpağı
dinləyirəm", "Hara
gedirəmsə", "Fəsil dəyişəndə",
"Günəşin adından",
"Yasəmən çiçəkləyəndə",
"Vətən, yas saxlama". 1987-ci ildə Moskvanın "Sovetski pisatel" nəşriyyatında
"Daş çıraq"
adlı şeirlər
toplunuz çapdan çıxmışdır. "Gördüm səni uzaqlarda, Azərbaycan!"
silsiləsindən əsər
yazmaq üçün
Yazıçılar Birliyinin
xətti ilə dəfələrlə uzaq-yaxın ölkələrdə
səfərlərdə olmusunuz.
Beynəlxalq Rəsul Rza mükafatı laureatısınız.
1956-cı ildə indiki Azərbaycan Dövlət Neft Akademiyasının geoloji kəşfiyyat fakültəsini
fərqlənmə diplomu
ilə bitirərək
Bayıl - Bibiheybət
neft mədənlərində
əmək fəaliyyətinə
başlamısınız. Sonra
bir müddət Milli Elmlər Akademiyasında işləmisiniz.
1966-cı ildən Azərbaycan Dövlət Pedaqoji Universitetində çalışırsınız, geologiya-mineralogiya elmləri
namizədisiniz. "Geologiyanın
əsasları" adlı
iki hissəli dərs vəsaitinin, çoxsaylı elmi məqalələrin müəllifisiniz.
Azərbaycan Televiziyası
və Radiosu ilə əməkdaşlıq
etmisiniz. Uzun müddət "fəhlə"
televiziya proqramının
aparıcısı olmusunuz.
Bir çox şeirlərinizə mahnılar
bəstələnmişdir.
Hörmətli qələm dostumuz,
sizi bir daha 75 illik yubileyiniz
münasibətilə təbrik
edir, sizə uzun ömür, cansağlığı, ədəbi
yaradıcılığınızda və pedaqoji fəaliyyətinizdə uğurlar
arzulayırıq.
Azərbaycan
Yazıçılar Birliyi
Ədəbiyyat qəzeti.-2009.-13 noyabr.-S.5.