Süleyman Hüseynov-60

Hörmətli Süleyman müəllim!

Sizi - istedadlı şairimizi 60 yaşınızın tamam olması münasibətilə təbrik edirik.

Siz ədəbi yaradıcılığa ötən əsrin 70-ci illərində başlamısınız. Dövri mətbuatda şeirlərinizlə çıxış etmisiniz. "Bir həzin nəğmə", "Ana baxışları", "Qəlb harayı", "Öz yolumla gedirəm", "And", "Taleyim mənim" adlı kitablarınız oxucuların ixtiyarına verilmiş, maraqla qarşılanmışdır.

Siz 1972-ci ildə indiki Azərbaycan Dövlət Neft Akademiyasını bitirmisiniz. Sumqayıtda bir çox iri müəssisədə məsul vəzifədə çalışmısınız. "Qılınc və qələm" Beynəlxalq ədəbi mükafatına layiq görülmüsünüz.

Hörmətli Süleyman müəllim!

Sizi bir daha 60 illik yubileyiniz münasibətilə təbrik edir, sizə uzun ömür, cansağlığı, yeni yaradıcılıq uğurları arzulayırıq.

Azərbaycan Yazıçılar Birliyi

Ədəbiyyat qəzeti.-2009.-18 sentyabr.-S.6.