F.Köçərli adına kitabxanada

Bu günlərdə F.Köçərli adına Respublika Uşaq Kitabxanasında Nüşabə Məmmədlinin "Bu bir oyundur" və "Göylərdə ömür" kitablarının təqdimat mərasimi keçirildi. Yığıncağı kitabxananın direktoru Fizurə xanım açaraq müəllifin yaradıcılığı haqqında məlumat verdi.

Toplantıda yazıçının qələm dostları Ənvər Əhməd, Teyyub Qurban, Mənzər Nigarlı, İsgəndər Etibar, Səadət Qarabağlı, Atababa İsmayıloğlu, Mirvari Rəhimzadə, Maarif Teymur, Asif Mərzili, Fariz Çobanoğlu, Esmira Fuad, Şövkət Horovlu, əməkdar mədəniyyət işçisi Mirəhməd Əsgərli, C.Cabbarlı adına Gənclər Kitabxanasının direktoru Tahir Sadıqov və başqaları Nüşabə Məmmədlinin Qarabağ mövzusundakı yazılarından söhbət açmış, onun "Zəngulə" povestinin uğurunu yada salmış, yeni kitablarının uğurunu da qeyd etmişlər.

Sonda müəllif tədbirin təşkilatçı və iştirakçılarına minnətdarlığını bildirmişdir.

Hacıbabayev A.

Ədəbiyyat qəzeti.-2009.-23 yanvar.-S.6.