Heydərəli Nural

Amansız ölüm Azərbaycan Yazıçılar Birliyinin üzvü, şair Heydərəli Nuralı aramızdan apardı.

Heydərəli Allahverdi oğlu Qədimov 1939-cu il dekabr ayının 12-də Naxçıvan MR Şərur rayonunun Kərki kəndində anadan olmuşdur. Sədərək kənd orta məktəbini bitirib hərbi xidmətə getmiş, qayıtdıqdan sonra kitabxana müdiri vəzifəsində işləmişdir. Bakı Plan-iqtisad Texnikumunun mühasibat fakültəsini bitirmişdir. 1963-1988-ci il-lərdə Sədərək rayon Yol İdarəsində çalışmışdır. 1988-ci ildə Bakıya köçmüş, burada Elmi-bərpa mərkəzində, B.Sərdarov adına Maşınqayırma zavodunda, "Azərneft"in 1 saylı tikinti idarəsində işləmişdir.

Ədəbi yaradıcılığa orta məktəb illərində başlamışdır. İlk qələm təcrübələri "Şərq qapısı", "İşıqlı yol", "Şərurun səsi" və s. qəzetlərdə dərc edilmişdir. Sonrakı illərdə respublika mətbuatında şeirləri ilə vaxtaşırı çıxış etmişdir. "Tejdar dağı" adlı kitabı işıq üzü görmüşdür.

Qələm yoldaşımız, səmimi insan Heydərəli Nuralın işıqlı xatirəsi qəlbimizdə yaşayacaq.

Allah rəhmət eləsin.

Azərbaycan Yazıçılar Birliyi

Ədəbiyyat qəzeti.-2009.-30 yanvar.-S.6.