“Qobustan”ın səhifələrində
Qobustan sənət
toplusunun ikinci sayı baş
redaktorun "Ön sözü" ilə açılır.
Azərbaycan poeziyasının iki klassikinin - Aşıq
Alı və Mikayıl Müşfiqin unudulmaz poetik nümunələri
ilə açılan toplunun bu sayında S.Ələkbərin
"Ah, bu uzun , sevda yolu" məqaləsi də 37-ci illərin
siyasi repressiya qurbanı olmuş nakam Müşfiqə sevgini
ifadə edir.
Hərdəfəki kimi,
bu sayda da "Qobustan" mədəniyyət - sənət və
ədəbiyyatın müxtəlif sahələrinə,
problemlərinə aid çoxsaylı maraqlı məqalələri,
araşdırmaları oxucularının ixtiyarına
buraxır. Mübariz Süleymanlının "Azərbaycanın
ilk peşəkar heykəltəraşı Zeynal Əlizadə:
ehtimallar və həqiqətlər", Pərzad
Abdinovanın "Səttar Bəhlulzadə
yaradıcılığında natürmort", Sədaqət
Əlixanovanın "Azərbaycan Milli Dram Teatrında tarixi
psixologizm və şəxsiyyət probleminin səhnə təcəssümü
(ötən əsrin 80-90-cı illərindəki bəzi
tamaşaların nümunəsində)", Cavad Heyətin
"Ölümönü dirçəlmənin və
canlı aləmdə çeşidliliyə meylin sirrini
açan kitab", Gülrəna Qacarın "Rasim Babayevsiz
bir il", Fəridə Cəlilovanın "Füzuli irsinə
teatr baxışı", Rahibə Əliyevanın
"Nardaran kəndində Şirvanşahların yay iqamətgahı",
Fərman Rzayevin "Nizami Gəncəvi
yaradıcılığı İtaliya ədəbi-mədəni
həyatında", isa Həbibbəylinin
"Tahir Salahov sənətində qırmızı rəngin
çalarları", Könül Hüseynovanın "Fərhad
Bədəlbəylinin rejissorluq fəaliyyəti", Ziyadxan Əliyevin
"Dəzgah qrafikasında obrazlı - rəmzi ifadə vasitələri
axtarışları", Arzu Cavadovanın "Bəstəkar
Elnarə Dadaşovanın Azərbaycan musiqi sənətində
rolu", Göyçək Mahmudovanın "Cahandar ağa
obrazının ekran taleyi", Hökümə Əliyevanın
"Tofiq Bakıxanov yaradıcılığında xalq
musiqisinin təcəssümü", Aydanın
"Eirovision-2008", Cəlil Vəzirovun "Türk
dramaturgiyası Naxçıvan şəhərində", Zəminə
Axundovanın "Elçin Hüseynbəylinin pyesləri
haqqında", "Fatma Mehrəliyevanı xatırlayarkən",
Zakir Mirzəyevin "Oxuyur Məmmədbağır",
İmaş Hacıyevanın "Azərbaycan sənaye
dizaynının inkişaf mərhələləri:
1950-60-cı illər", Aydın Tağıyevin "Ərəbləri
mat edən şahmatçı" başlıqlı yazılarda
çağdaş mədəniyyətin - ədəbiyyatın
aktual məsələləri araşdırılır.
Səttar Bəhlulzadə,
R.Babayev, Sahib Quliyev, Yusif Mirzə kimi rəssamların sənət
nümunələri də oxuculara bu sayda təqdim olunur...
Əbilov A.
Ədəbiyyat qəzeti.-2009.-30 yanvar.- S.4.