AMEA-nın Botanika İnstitutunda görüş keçirilmişdir

Azərbaycan Milli Elmlər Akademiyasının (AMEA) Botanika İnstitutunda BMT-nin Avropa üçün Ətraf Mühit Proqramının regional ofisinin nümayəndəsi İvonne Hiquero ilə görüş keçirilmişdir.

Görüşdə "Azərbaycanm Qırmızı Kitabı"nın ikinci nəşri müzakirə olunmuşdur.

İnstitutun direktor əvəzi Validə Əlizadə bir sıra beynəlxalq təşkilatların dəstəyi ilə institut əməkdaşları tərəfindən Avropa və Amerika alimləri ilə birgə Azərbaycanın nadir və nəsli kəsilməkdə olan endem bitkilərinin müasir metodlarla öyrənilməsi və qiymətləndirilməsi üzrə aparılan elmi-tədqiqat işləri haqqında qonağa məlumat vermişdir.

Görüşdə "Qırmızı Kitab"ın yeni nəşrində, beynəlxalq standartlara müvafiq olaraq, bitki növlərinin müasir statusunun təyini istiqamətində Ekologiya və Təbii Sərvətlər Nazirliyi ilə Botanika İnstitutu arasında əlaqələrin genişləndirilməsinin vacibliyi vurğulanmışdır.

Elm.- 2010.- 19 may.- S. 12.