Geoloqlar Azərbaycanın filiz yataqlarının yeni üsulla istismarını təklif edirlər

Azərbaycan Milli Elmlər Akademiyası Geologiya İnstitutunun alimləri 3 illik tədqiqatlardan sonra belə qənaətə gəlmişlər ki, ölkənin bəzi filiz yataqlarının istismarında müasir yerində yuyub çıxarma üsulundan istifadə etmək mümkündür. Xörək duzu və elektrik gərginliyinin başlıca rol oynadığı bu üsulla faydalı metallar, xüsusən də qızıl qazıntılar aparmadan, təbiətə ziyan vurmadan, asan, xeyli ucuz və tez əldə oluna bilir.

Yerində yuyub çıxarma üsulu dünyanın müxtəlif filiz yataqlarında özünü doğrultmuş, lakin Azərbaycandakı yataqlarda indiyəcən tətbiq olunmamışdır.

Sözügedən üsulun ölkəmizdə tətbiqi üçün Geologiya İnstitutunda müasir elmi-texniki baza təşkil edilmişdir.

İnstitut bu istiqamətdəki işləri Nazirlər Kabineti tərəfindən təsdiq olunmuş "Azərbaycanın filiz yataqlarında təbiətə ziyan vurmadan metalların çıxarılma texnologiyasının tədqiqi, işlən-məsi və tətbiqinə dair Tədbirlər Proqramı"na əsasən həyata keçirir. Yeni üsulun Azərbaycanda fəaliyyət göstərən Beynəlxalq Mədən Əməliyyat Şirkəti ilə birgə Gədəbəy və Göygöl rayonlarındakı yataqların üzərində təcrübədən keçirilməsi nəzərdə tutulur.

S.Kərimova

Elm.- 2010.- 12 oktyabr.- S.7.