XƏYANƏT NÖQTƏSİ

Qebriel senator Sekstonun qapısının arxasında qaranlıq dəhlizdə dayanmışdı. O titrəyirdi - yorğunluqdan və gərginlikdən deyil, məyusluqdan, gözlənilmədən aldığı neqativ informasiyadan. Qonşu otaqda toplantı davam edirdi, lakin Qebrile dinləmək istəmirdi, bacarmırdı. Həqiqət onsuz da, göz qabağında idi.

Senator Sekston özəl kosmik kampaniyalardan rüşvət alır. Marcori Tenç əsl həqiqəti söyləyirdi.

Satqınlıq ona ağır gəlirdi. O, Sekstona inanırdı. Onun uğrunda mübarizə aparırdı. Bəli, senator bəzən oş şəxsi həyatına dair yalan söyləyirdi, amma bu siyasət idi. Lakib burada o, açıq-aydın qanunu pozurdu.

Hələ seçilməyib, amma Ağ Evi satlığa çıxarıb!

Qebriel bundan sonra senatoru dəstəkləyə bilməyəcəyini anlayırdı. O, həm qanuna, həm də bütün demokratik sistemə nifrtələ kosmosun kommersiyalaşdırılması haqqında qanun layihəsinin qəbulunu vəd etmişdi. Hətta senator bununla hamının maraqlarını təmin edəcəyinə inansa da, onun bu avans müqabilində verilmiş vədi əvvəlcədən konqresin, məsləhətçilərin, seçicilərin və lobbiçilərin istənilən arqumentlərini rədd edərək bütün siyasət qanunlarına zərbə vururdu. Sekston kosmosun özəlləşdirilməsinə zəmanət verməklə, ümumən qəbul edilmiş qaydaların pozulmasına şərait yaradırdı. Bu da vəziyyətə nəzarət edən varlı idarəçilərin aşkar dəstəyinin nəticəsi olacaq. Vicdanlı investorlara burada yer olmayacaq.

Az qala ürəyi bulanan Qebriel necə davranacağını götür-qoy edirdi.

Arxada dəhlizin sükutunu pozan telefon zəngi səsləndi. Qebriel səksənərək cəld döndü. Səs girəcəkdəki dolabdan gəlirdi - qonaqlardan birinin paltosunun cibindəki mobil telefon zəng çalırdı.

- Bağışlayın, dostlar, - kovboyun səsi eşidildi, - mənim telefonumdur.

Qebriel onun ayağa qalxdığını eşitdi. O, bura gəlirdi!..

O giriş tərəfdən özünü dəhlizə atdı. Yolun yarısından sol, qaranlıq mətbəxə döndü. Texaslı qonaq otağından çıxaraq dolaba tərəf yönəldi. Qaranlıqda gizlənmiş Qebriel dondu.

Texaslı yanından keçərək onu hiss etmədi.

Ürəyinin aramsız döyüntüsü fonunda qız kişinin öz cibini tapmaq ümidi ilə dolabda eşələndiyini eşidirdi. Nəhayət, o zəngə cavab verdi:

- Bəli?.. Nə vaxt?.. Doğrudan...? Çox sağ olun. - Texaslı telefonunu söndürərək geriyə qonaq otağına tərəf getdi. Yolun yarısında yüksək səslə digərlərinə müraciət etdi:

- Ey! Televizoru yandırın! Görünür, Zak Harni təcili mətbuat konfransı keçirir. Saat səkkizdə. Bütün kanallarda. Ya biz çinlilərə qarşı müharibə elan etmişik, ya da beynəlxalq Kosmik stansiya indicə okeana düşüb.

- Hə, sağlıq deməyə səbəb olacaq! - qonaq otağından kimsə cavab verdi.

Hamı güldü.

Qebriel ətrafda hər şeyin necə fırlandığını hiss etdi. Saat səkkizdə mətbuat konfransı? Deməli, Tenç yalan demirdi. Tenç ona saat səkkizədək vaxt vermişdi -məhz bu mətbuat konfransınadək Qebriel Sekstonla olan biabırçı əlaqələrini etiraf etməli idi.

"Nə qədər ki, gec deyil - senatordan imtina edin", - Tenç təkid edirdi.

Qebriel ona bu müddətin informasiyasının sabahkı qəzetlərə çatdırılması üçün verildiyini düşünmüşdü. Görünür, Ağ Ev özü ifşaçı kimi çıxış etmək niyyətində idi.

Təcili mətbuat konfransı! Qebriel baş verənləri götür-qöy etdikcə daha da təəccüblənirdi. Doğrudanmı, Zak Harni bü cür informasiya ilə çıxış etməyə hazırlaşır? Şəxsən?

Qonaq otağında televizoru işə saldılar. Tam səslə. Aparıcının səsi həyəcanlı və gərgin idi:

- Ağ Ev planlaşdırılan mətbuat konfransı və prezidentin xalqa müraciəti haqqında heç bir açıqlama vermir. Müxtəlif şayiələr və mülahizələr yaranmaqdadır. Bəzi siyasi şərhçilər güman edirlər ki, Zak Harninin uzunmüddət seçkiqabağı meydanda görünməməsi onun ikinci müddətə prezidentlik uğrunda mübarizədən imtina etməməsinə dəlalət edir.

Qonaq otağından sevinc dolu nidalar eşidildi.

Qebriel bunun tam cəfəngiyyat olduğunu düşündü. Bu, ola bilməzdi. Ağ Evin topladığı əsas rəqibi ifşa edən materialları nəzərə alsaq, Harninin beləcə məğlub olacağı mümkün deyil. Mətbuat konfransının səbəbi başqa idi. Qebriel bu səbəb haqqında məlumatlandırıldığından dəhşətə gəlirdi.

Tələsik saata baxdı. Bir saatdan az vaxt qalmışdı. Təcili qərar qəbul etmək lazım idi. O, kiminlə danışacağını və məsləhət alacağını bilirdi. Əlindəki zərfi möhkəm sıxaraq mənzili tərk etdi.

Dəhlizdə növbə çəkən gözətçi onu görəndə sevindi.

- Oradan sevinc səsləri eşitdim. Deyəsən, uğur qazanmısınız.

Qebrielin dodaqlarında təbəssüm yarandı və o, tələsik liftə tərəf irəlilədi.

Artıq hava qaralırdı. Axşam darıxdırıcı təsir bağıqlayırdı. Taksi saxlayaraq yerini rahatladı və özünü qərarının düzgünlüyünə inandırmağa çalışdı.

- ABC telestudiyası, -sürücüyə müraciət etdi, - zəhmət olmasa, tez!

Maykl Tolland başını əlləri üstə qoyaraq yan üstə uzanmışdı. Əllərini hiss etmirdi. Göz qapaqları ağırlaşmışdı, lakin Maykl var gücü ilə gözlərini açıq saxlamağa çalışırdı. Dünyayla halallaşırdı. İndi dünyadan yalnız su və buz qalmışdı, onlar da ki alt-üst. Hə, yalanlarla dolu bir gün üçün müvafiq sonluq idi.

Uzən buz parçasının üzərinə qatı sükut çökmüşdü. Reyçel də, Korki də susurdular. Onlar şülf buzlqadn uzaqlaşdıqca küləyin səsi azalırdı. Tolland bədəninin necə keyləşdiyini hiss edirdi. Keylik get-gedə zəifləyrdi. Qan batan gəmini sürətlə tərk edən komanda sayağı əllərdən və ayaqlardan çəkilirdi - bədəni bu ağırlıqla mübarizə apara bilmirdi. Bədən, təbii instinktə müvafiq olaraq, həyati əhəmiyyətli orqanların fəaliyyətini, eyni zamanda şüurunu saxlamağa çalışırdı. Tolland məğlub olacağını bilirdi.

Artıq ağrıları hiss etmirdi heç bir yerində. Bu mərhələ arxada qalırdı. Ona elə gəlirdi ki, şar kimi üfürülür. Keylik. Başgicəllənməsi. Tezliklə reflektor funksiyalardan biri pozuldu. Gözlərini qırpa bilmirdi. Və Tollandın baxışları tutqunlaşdı. Göz bülluru və buynuzu arasındakı nəmlik yavaş-yavaş donmağa başladı. Tolland qorxunc ay işığında ağ ləkəyə bənzəyən Milna şelf buzlağının qeyri-müəyyən konturlarına baxırdı.

Maykl qəlbinin reallıqla barışdığını hiss edirdi. Şüurla şüursuzluğun sərhəddində vurnuxaraq sonsuz okean sularına baxırdı. Küləyin canavar uğultusuna bənzər nəğməsini dinləyirdi.

Qarabasmalar başladı. Qəribədir ki, qaranlığın ağuşuna düşmədən öncə o, xilas olunmaq istəmirdi. İstilik və rahatlıq arzusunda deyildi. Sonuncu mənzərələr qorxunc idi.

Aysberqin qarşısında dəhşətli nərilti ilə suyu yararaq okean burulğanından bir nəhəng qalxdı. Mifik dəniz əjdahası kimi böyük. Yaxınlaşdı- sürüşkən, qara və qorxunc, köpük içində. Tolland özünü gözünü qırpmağa məcbur etdi. Bir qədər aydın görməyə başladı. Nəhəng lap yaxında idi. İndi o, balaca sala üzərinə hücum çəkən nəhəng akula kimi özünü buza çırpırdı. Yaş dərisi parıldayan iri gövdəli yırtıcı Mayklın başının üstünü aldı.

Sonra isə dumanlı obraz solğunlaşdı. Yalnız səslər qaldı. Metalın metala dəyməsi. Buzu didişdirən dişlərin səsi.

Reyçel...

Tolland kiminsə onu kobudcasına götürdüyünü hiss etdi.

Və hər şey itdi.

Qebriel Eş üçüncü mərtəbəyə qalxaraq özünü ABC korporasiyasının studiyasına çatdırdı. Səbirsizliyinə baxmayaraq o, burada çalışanlardan daha asta hərəkət edirdi.

Burada proses bütün gün boyu gərginliyini qoruyurdu. Lakin indi ayrı-ayrı hissələrə bölünmüş böyük otaq böhran zamanında çalışan fond birjalarını xatırladırdı.

Şişkin gözlü redaktorlar arakəsmələrdən bir-birlərinə nə isə qışqırırdılar. Müxbirlər faksları yellədərək sektordan-sektora qaçır, məlumatları tutuşdururdular. Əldən düşmüş təcrübəçilər göstərişlərdən imkan tapan kimi "Snikers" yeyirdilər.

Qebriel ABC-ə İolanda Koul ilə görüşmək üçün gəlmişdi.

Adətən, İolandanı bu dəlixananın ən imtiyazlı yerində, mühüm qərarlar qəbul edə bilən şəxslərin şüşə divarlı kabinetlərindən birində tapmaq olardı. Bu qarışıqlıqda şüşə divarların onlara düşünmək imkanı yaratdığını zənn edirdilər. Lakin bu gün İolanda hamı kimi ora-bura qaçırdı. Qebrieli görən kimi ənənəvi döyüşkən səsi ilə:

- Qeb!- deyə çığırdı.

İolandanın əynində qəribə bir bürüncək, gözlərində isə bağa sağanaqlı eynək vardı. Həmişəki kimi üzərində Milad bayramında bəzənmiş şam ağacının bər-bəzəyini xatırladan bir neçə funt parlaq zinət əşyaları var idi. İolanda xoş təbəssümlə özünü Qebrilelə çatdırdı.

İolanda on altı il korporasiyada xəbərlər şöbəsinin redaktoru olmuşdu. Hamının dostcasına "ana" adlandırdığı bu üzü çilli polyak qadın sözün əsl mənasında böyük ailə anasını xatırladırdı. Sanballı görünüşü və xoşrəftarlığı işə qarşı mütləq qəddarlığı ilə süslənmişdi.

Qebriel bu xanımla Vaşinqtona gələndən dərhal sonra qatıldığı "Siyasətdə qadın" seminarında tanış olmuşdu. Onlar Qebrielin ailəsi, böyük şəhərdə qadın olmağın çətinlikləri, nəhayət hər ikisinin kumiri olan Elvis Presli haqqında söhbət edirdilər. İolanda qızı öz qanadı altına aldı və ona əlaqələr yaratmaqda kömək etdi. O vaxtdan Qebriel ayda bir dəfə bir qədər söhbətləşmək üçün buraya gələrdi.

Möhkəm qucaqlaşdılar. İolandanın enerjisi və ruh yüksəkliyi onun əhvalını xeyli yaxşılaşdırdı.

O, diqqətlə Qebrielə baxdı:

- Elə bil ki, bu dünyada yüz il yaşamısan, qız! Sənə nə olub?

Qebriel pıçıltıya keçdi:

- Mənim böyük problemlərim var, İolanda.

- Qəribədir, axı sənin qəhrəmanın zirvələrə yol alıb.

- Biz hardasa təklikdə danışa bilərik?

- Heç də əlverişli vaxtda gəlməmisən, əzizim. Prezident yarım saatdan sonra mətbuat konfransı keçirməyə hazırlaşır. Biz isə məsələnin mahiyyətindən tam xəbərsizik. Mən ekspertin şərhlərini təmin etməliyəm, lakin hələ də qaranlıq otaqda ora-bura vurnuxuram.

- Mən mətbuat konfransının mövzusunu bilirəm.

İolanda eynəklərinin üstündən ümidsizliklə baxdı.

- Qebriel, hətta bizim Ağ Evdəki müxbirimiz belə heç nə bilmir. Demək istəyirsən ki, Sekstonun komandası eksklüziv informasiyaya malikdir?

- Xeyr, mənim özümdə eksklüziv informasiya olduğunu demək istəyirəm. Beş dəqiqə vaxt ayır və mən sənə hər şeyi danışacağam.

İolanda gözlərini hələ də Qebrielin əlində tutduğu üzərində Ağ Evin möhürü olan qırmızı zərfə zillədi.

- Bu ki, prezident aparatının daxili sənədidir. Bunlar səndə hardan?

- Bu gün günorta Marcori Tençlə şəxsi görüşümdən.

İolandanın üzünün ifadəsi dəyişdi.

- Ardımca gəl.

Əgər şüşə divarlı kabineti gizli yer adlandırmaq mümkündürsə, Qebriel rəfiqəsi ilə narahatçılıqlarını məhz burada bölüşdü. O, bir anlıq iradəsizliyindən və senatorun otağında keçirdiyi axşamdan və bütün bunlardan Tençin xəbəri olduğundan, üstəlik şəkillərə malik olduğundan danışdı.

(əvvəli ötən saylarımızda)

DEN BRAUN

Tərcümə edən: ÜLVİYYƏ

Elm.- 2012.- 30 noyabr.- S.15.