Palçıq vulkanları haqqında nə bilirik?

Akademik İbrahim Quliyev, AMEA-nın müxbir üzvü Əkbər Feyzullayev və AMEA Geologiya İnstitutunun Palçıq vulkanizmi şöbəsinin rəhbəri, geologiya-mineralogiya elmləri doktoru, professor Adil Əliyevin "Palçıq vulkanları haqqında nə bilirik?" kitabı çapdan çıxmışdır.

3 dildə (rus, ingilis, Azərbaycan) nəşr olunmuş kitabda Azərbaycanın və digər xarici ölkələrin palçıq vulkanları, onların əmələ gəlməsi, səciyyəvi xüsusiyyətləri, təsnifatı, sahəboyu paylanma qanunauyğunluqları, fəaliyyəti, püskürmələri, müalicəvi əhəmiyyəti, püskürmə məhsullarından istifadəsi, o cümlədən vulkanların qorunması, onların ekoturizmə cəlb olunması və s. məsələlər öz əksini tapmışdır. Nəşrdə palçıq vulkanizminin fundamental və təcrübi aspektlərinin geniş sahələri işıqlandırılır.

Kitab palçıq vulkanlarının fəaliyyətinin müxtəlif formalarını əks etdirən fotoşəkillərlə də zəngindir.

Elm.- 2012.- 21 sentyabr.- S.16.