“Məhəmməd Füzuli” biblioqrafiyasının I cildi işıq üzü görüb

AMEA-nın Məhəmməd Füzuli adına Əlyazmalar İnstitutunun Elmi şurasının qərarı ilə “Məhəmməd Füzuli: biblioqrafiya” ikicildliyinin I cildi işıq üzü görüb.

Yeni nəşrin elmi redaktoru və “Ön söz”ün müəllifi AMEA-nın həqiqi üzvü akademik Teymur Kərimli, tərtibçisi institutun Biblioqrafiya şöbəsinin müdiri Qutiyera Cəfərovadır.

“Məhəmməd Füzuli” biblioqrafiyası dahi Azərbaycan şairi və mütəfəkkiri Məhəmməd Füzulinin 530 illik yubileyinə həsr edilmiş fundamental biblioqrafik göstəricidir. 2 cilddən ibarət olan bu biblioqrafiyada görkəmli şairin zəngin irsi haqqında materiallar öz əksini tapmışdır. Biblioqrafik göstəricinin I cildinə “Görkəmli şəxsiyyətlər Füzuli haqqında”, “Məhəmməd Füzulinin əsərləri” və “Məhəmməd Füzulinin həyat və yaradıcılığı haqqında” başlıqlı bölmələr daxil edilmişdir. Biblioqrafiya ədəbiyyatşünas alimlər, mütəxəssislər və geniş oxucu auditoriyası üçün nəzərdə tutulmuşdur.

Qeyd edək ki, kitabı hazırlayan işçi qrupu Əlyazmalar İnstitutunun əməkdaşları - biblioqraf Nigar İbrahimova, baş biblioqraf İsmət Cəfərov, kiçik elmi işçilər Ramidə Abbasova və Sevinc Muxtarova, baş mütəxəssis Xəyalə Qasımlı və laborant Aytən Musayevadır.

Biblioqrafiyanın kompüter dizaynı baş mütəxəssis Vüqar Hacıyev və baş biblioqraf İsmət Cəfərova məxsusdur.

Elm .- 2025.- 17 yanvar(№2).- S.6.