Balaca rəssamlarımız Daşkənddən qızıl medalla qayıtdılar

Özbəkistanın Daşkənd şəhərində "Nəsillərin harmonik inkişafı" dövlət proqramı çərçivəsində "Daşkəndin sevinci" adlı Beynəlxalq Uşaq Festivalı keçirilib. Layihənin keçirilməsində məqsəd istedadlı gənclərin digər ölkələrdə yaşayan həmyaşıdları ilə əlaqələrin qurulmasına şərait yaratmaq, müxtəlif mədəniyyətlərin əlaqələrini inkişaf etdirməkdir. Dünyanın 41 ölkəsindən 5 yaşdan 15 yaşa qədər rəssamın qatıldığı festivala 3,5 min şəkil təqdim olunub. Azərbaycan müsabiqəyə 100-dən çox əsər təqdim edib. Azərbaycanlı rəssamlar -13 yaşlı A.Abbasov "Qədim daşlar" və 12 yaşlı T.Rasimov "Mənim vətənim" adlı əsərlərinə görə qızıl medala layiq görülüblər.

Müsabiqənin "Qran-Pri" mükafatına isə yaponiyalı Arai Hiromi "Özbəkistan üzərindən uçuş" adlı əsərinə görə layiq görülüb.

AYXAN

Ekspress.- 2010.- 9 dekabr.- S. 14.