Rostropoviç festivalı açıldı

Dünən M.Maqomayev adına Azərbaycan Dövlət Filarmoniyasında IV Beynəlxalq Mstislav Rostropoviç Festivalının təntənəli açılış mərasimi keçirilib. Festival çərçivəsində ilk konsert Heydər Əliyevin xatirəsinə həsr olunub. Tədbiri mədəniyyət və turizm naziri Əbülfəs Qarayev və festivalın bədii rəhbəri, Rostropoviç Fondunun prezidenti Olqa Rostropoviç açıb.

Natiqlər tədbirin əhəmiyyətindən, onun artıq ənənəvi olaraq keçirilməsindən danışıblar və bildiriblər ki, festivalın M.Rostropoviçin dostu Heydər Əliyevin xatirə günündə açılması heç də təsadüfi deyil: "Bununla biz bu iki dahi şəxsiyyətin xatirəsini birlikdə yad etmək qərarına gəlmişik".

Gecədə Azərbaycan Dövlət Uşaq-Gənclər Simfonik Orkestrinin ifasında Azərbaycan və xarici ölkə bəstəkarlarının əsərləri səsləndirilib.

Ayxan

Ekspress.- 2010.- 14 dekabr.- S. 23.