Türkdilli xalqların musiqi alətləri

 

Bakıda Beynəlxalq Simpozium başladı

 

Dünən Muzey Mərkəzində "Türkdilli xalqların musiqi alətləri" mövzusunda beynəlxalq simpoziumun açılışı olub.

   Azərbaycan Mədəniyyət Turizm Nazirliyi, TÜRKSOY Azərbaycan Musiqi Mədəniyyəti Dövlət Muzeyinin birgə təşkilatçılığı ilə keçirilən tədbiri açan mədəniyyət turizm naziri Əbülfəs Qarayev qeyd edib ki, simpozium türkdilli xalqların musiqi alətlərinin ümumi fərqli əlamətlərinin müəyyənləşdirilməsi, musiqi alətlərinin texnologiya akustikası, ikonoqrafiya elementlərinin araşdırılması, bəstəkarlıq yaradıcılığında ənənəvi musiqi alətləri, türk xalqlarının musiqi alətlərinin kolleksiyalarının müəyyən edilməsi, yeni yanaşmalar qiymətləndirmələr, yox olmuş alətlərin bərpası, mühafizəsi, pedaqogika ifaçılıq məsələlərinin müzakirə olunması məqsədilə keçirilir: "Türk xalqları hər zaman çox böyük qədim mədəniyyətə malik olub. Tarixin heç bir dövründə türk xalqları kiminsə mədəniyyətini mənimsəməyib, çünki malik olduğumuz mədəniyyət bütün dünyanı heyrətə salır. Ancaq tarix boyu türk xalqlarının mədəniyyəti daim başqaları tərəfindən mənimsənilib, özününküləşdirilib".

   TÜRKSOY-un baş katibi Düsen Kaseinov isə Azərbaycana bu tədbirə ev sahibliyi etməsi ilə əlaqədar təşəkkürünü bildirib.

   Açılışda Məcnun Kərimovun rəhbərlik etdiyi Azərbaycan Dövlət Qədim Musiqi Alətləri Ansmablının çıxışı maraqla qarşılanıb. Daha sonra simpozium plenar bölmə iclasları ilə davam etdrilib.

   Dekabrın 17-dək davam edəcək simpoziuma TÜRKSOY-a üzv ölkələrin, eyni zamanda, Amerika, Avropa Asiyanın bir sıra alim filosofları qatılıb.

  

AYXAN

 

Ekspress.- 2010.- 17 dekabr.- S.23.