İrəvanda Azərbaycan kinosu festivalı

Noyabrın 12-13-də Qafqaz Sülh Təşəbbüsləri mərkəzinin təşkilatçılığı ilə İrəvanda Azərbaycan filmləri festivalı keçiriləcək. Mərkəzin direktoru Georgi Vanyanın verdiyi məlumata görə, festivalın müsabiqə proqramına 4 film - bir sənədli və üç bədii film daxil edilib.

Baxışdan sonra müzakirələr olacaq və qalib müəyyən ediləcək. Qalib tamaşaçı simpatiyası mükafatı alacaq. Noyabrın 13-də müsabiqədənkənar proqram çərçivəsində bir bədii film nümayiş olunacaq. Film müəlliflərindən heç kim Ermənistana getməyəcək. Konkret olaraq hansı filmlərin nümayiş olunacağı da açıqlanmır.

Vanyan qeyd edib ki, festivalın əsas məqsədi iki dövlət arasında dialoq qurulmasına yardım etməkdir ("Turan"). Azərbaycan filmləri festivalı Tamanyan-5 ünvanında yerləşən adi Yerevan mənzilində keçiriləcək.

Təcrübəyə əsasən, Bakıda da erməni filmlərinin analoji nümayişi təşkil olunmalıdır.

Ekspress.- 2010.- 11 noyabr.- S. 23.