"Onun ürəyi" çəkilib başa çatdı

Mədəniyyət və Turizm Nazirliyinin sifarişi ilə "Salnamə" studiyası və "AGP production"ın birgə istehsalı olan "Onun ürəyi" filminin çəkilişləri başa çatıb.

Azərbaycanda ilk dəfə nağıl-müzikl janrında istehsal olunan filmin çəkilişlərinə iyun ayının əvvəllərində start verilib. Bakı, İsmayıllı və Naxçıvanda çəkilişləri gerçəkləşən filmdə 3D qrafikasından geniş istifadə olunur.

Filmin musiqiləri hazırdır, montaj və qrafika işləri paralel olaraq aparılır.

25 dəqiqəlik filmin süjet xətti xeyirlə şərin mübarizəsi üzərində qurulub. Musiqi, xoreoqrafiya, gözoxşayan görüntülərlə zəngin olacaq filmin ssenari müəllifi və rejissoru Samir Kərimoğludur. Ekran əsərinin müəllifi və bəstəkarı Vüqar Camalzadə, operatoru Nadir Mehdiyev, qrafisti Tural Səfərov, baş prodüseri Mahir İbrahimovdur. Filmdə əsas rolları Murad Abdullayev (Qədran), Aysel İbrahimova (Pəri) ifa edirlər.

Qeyd edək ki, filmin yanvar ayında tamaşaçıların ixtiyarına verilməsi nəzərdə tutulur.

AYXAN

Ekspress.- 2010.-13 oktyabr.-S. 23.