Bu gün "Eurovision-2011"-in finalıdır

Mayın 14-də Almaniyanın Düsseldorf şəhərindəki "Esprit Arena"da keçiriləcək "Eurovision-2011" mahnı müsabiqəsinin final mərhələsində çıxış edəcək 25 ölkənin sıra nömrələri artıq məlumdur. Mayın 12-də baş tutan II yarımfinal mərhələsindən dərhal sonra finala vəsiqə qazanan daha 10 ölkənin mətbuat konfransının ardınca püşkatma keçirilib.

Finala vəsiqə qazanmış təmsilçilərimiz Eldar və Nigar 19-cu nömrə altında çıxış edəcəklər. Azərbaycan Avstriyadan sonra səhnəyə çıxacaq.

Qeyd edək ki, mayın 12-də II yarımfinalda 19 ölkə finala çıxmaq uğrunda mübarizə aparıb. Mübarizə aparan ölkələr arasında Avstriya, Belarus, Belçika, Bosniya və Herseqovina, Bolqarıstan, Kipr, Danimarka, Estoniya, Makedoniya, İrlandiya, İsrail, Latviya, Moldova, Rumıniya, Slovakiya, Sloveniya, İsveç, Niderland və Ukrayna təmsilçiləri olub.

II yarımfinalda da bir çox yaddaqalan məqamlar olub.

Beləliklə, mayın 14-də finalda iştirak edəcək təmsilçilərin səhnəyə çıxış ardıcıllığı:

1. Finlandiya

2. Bosniya Hersovoqina

3. Danimarka

4. Litva

5. Macarıstan

6. İrlandiya

7. İsveç

8. Estoniya

9. Yunanıstan

10. Rusiya

11. Fransa

12. İtaliya

13. İsveçrə

14. Böyük Britaniya

15. Moldova

16. Almaniya

17. Rumıniya

18. Avstriya

19. Azərbaycan

20. Sloveniya

21. İslandiya

22. İspaniya

23. Ukrayna

24. Serbiya

25. Gürcüstan

Qeyd edək ki, mayın 10-u və 12-də keçirilən yarımfinallarda qalib gələn 20 ölkə, mübarizəyə birbaşa finaldan başlayan Fransa, İtaliya, Böyük Britaniya, İspaniya və Almaniya ilə birlikdə yarışacaq.

Ayxan

Ekspress.- 2011.- 14-16 may.- S. 20.