Paytaxtda kitab bayramı
Milli Kulturoloji Mükafatın qalibləri mükafatlandırıldı
Mayın 27-də M.F.Axundov adına
Milli Kitabxanada Yeni Yazarlar və
Sənətçilər Qurumunun
təşkilatçılığı, Gənclər və Turizm Nazirliyinin maliyyə dəstəyi, Mədəniyyət və
Turizm Nazirliyi, Azərbaycan Yazıçılar
Birliyi İQƏAİM-nin
təşkilati-texniki yardımıyla
XI Bakı Kitab Bayramı keçirilib.
"Lent.az"ın məlumatına
görə, tədbirdə "kitabxana.net" saytının
təqdimatı və Milli Kulturoloji Mükafatın qaliblərinin
mükafatlandırması da olub.
Tədbirdə Yeni Yazarlar
və Sənətçilər Qurumunun sədri,
yazıçı-kulturoloq Aydın Xan bildirib ki, "Yeni
virtual oxu mədəniyyətinə yiyələnək!"
devizi altında keçirilən builki kitab bayramı Azərbaycan
Xalq Cümhuriyyətinin 93, Dövlət müstəqilliyimizin
20, xalq yazıçısı Mirzə İbrahimovun 100 illiyinə
həsr olunub.
M.F.Axundov adına Milli
Kitabxananın direktoru Kərim Tahirov, yazıçı
Elçin Hüseynbəyli də belə bir tədbirin
keçirilməsini yüksək qiymətləndiriblər.
Daha sonra Milli Kulturoloji
Mükafatın qaliblərinin adları açıqlanıb.
Qeyd edək ki, XI Bakı
Kitab Bayramı -Milli Kulturoloji Mükafat Komissiyası üzvlərinin
son toplantısında müsabiqəyə təqdim olunmuş
250-dən artıq ədəbi-mədəni və kitab-nəşr
layihələrindən 33-ü uğurlu sayılaraq
mükafatlandırılması qərara alınıb. Eyni
zamanda, kitab nəşri və yayımıyla bağlı bir
sıra uğurlu işlər görmüş nəşriyyat,
qurum, yazarlar, internet portalı diplomlara layiq görülüb.
"2010-cu ilin incəsənət
kitabı" nominasiyasında milli sənətimizin tədqiqatçısı,
dosent Vidadi Muradovun azərbaycan, rus və ingiliscə
buraxdığı "Azərbaycan xalçaları:
Qarabağ qrupu" albom-tədqiqatı qalib gəlib.
Kitab Heydər Əliyev
Fondunun dəstəyi ilə "Azər-İlmə" MMC tərəfindən
nəfis şəkildə çap edildiyinə, "Azərbaycan
xalçaları: bütün məktəbləri"
kulturoloji layihəsi ilə ölkəmizdə və beynəlxalq
aləmdə milli xalçaçılıq sənəti barədə
dəyərli tədqiqata, yüksək poliqrafik keyfiyyətdə
nəşrinə, incəsənət ədəbiyyatı sahəsini
zənginləşdirdiyinə görə Milli Kulturoloji
Mükafata layiq görülüb. Mükafat redaksiya heyəti
adından Elçin Əlibəyliyə təqdim olunub.
Ekspress.-
2011.- 28-31 may.-S. 20.