Abbas Mirzənin yadigarını itirdik...
Sevimli aktrisamız, xalq
artisti Firəngiz Şərifova dünən
səhər ürək
çatışmazlığından dünyasını dəyişdi
Xalq artisti, tanınmış aktrisa Firəngiz Şərifova dünyasını dəyişib. Aktrisanın nəvəsi Eldar Qasımovun məlumatına görə, F.Şərifova dünən səhər saatlarında keçinib. Sevimli aktrisamızın ölümünə ürək çatışmazlığı səbəb olub.
Saat 14-də Teatr Xadimləri İttifaqının "Aktyorlar Evi"ndə xalq artisti ilə vida mərasimi keçirilib. Mərasimdə mədəniyyət və turizm naziri Əbülfəs Qarayev, Səbail rayonun icra başçısı Asif Əsgərov, Azərbaycan Respublikası Kinematoqrafçılar İttifaqının sədri, xalq artisti Şəfiqə Məmmədova, Teatr Xadimləri İttifaqının sədri Azər Paşa Nemətov, xalq artistləri Hacı İsmayılov, Tariyel Qasımov, Ağaxan Salmanov, Yasin Qarayev və digər sənət adamları, ictimai xadimlər, mərhumun ailə üzvləri iştirak edib.
Vida mərasimində çıxış edən mədəniyyət və turizm naziri Əbülfəs Qarayev qeyd edib ki, F.Şərifova biri-birindən maraqlı obrazları ilə tamaşaçıların rəğbətini qazanıb: "Onun bir-birindən maraqlı kino və teatr obrazları bu gün də sevilir. Firəngiz xanım teatrı və ümumilikdə Azərbaycan mədəniyyətini çox sevən bir insan idi. Bu gün biz onunla atasının adını daşıyan aktyorlar evində vidalaşırıq. Amma onun xatirəsi həmişə bizim xatirimizdədir. Allah rəhmət eləsin".
Daha sonra çıxış xalq artisti Azər Paşa Nemətov bildirib ki, F.Şərifova ilə uzun illər bir yerdə çalışıb: "Firəngiz xanım gözəl həyat yaşayıb. O, xoşbəxt insan və böyük aktrisa idi. Onun teatrda əvəzolunmaz rolları vardı. Firəngiz xanım daima yaddaşlarda qalacaq sənətkardır".
Vida mərasimində Gənc Tamaşaçılar Teatrının direktoru Mübariz Həmidov, xalq artisti Ağaxan Salmanov və başqaları çıxış edərək mərhumla bağlı xatirələrini bölüşüblər.
Ailə üzvləri adından mərhumun nəvəsi Eldar Qasımov danışıb: "Bu, təkcə bizim ailənin yox, Azərbaycan xalqının itkisidir. Mən onun haqqında xalq artisti kimi yox, qayğıkeş və mehriban nənə kimi danışa bilərəm. Nənəm öz sənətini və insanları çox sevirdi. Yerin cənnət olsun, nənə!"
Vida mərasimindən
sonra xalq artisti II Fəxri Xiyabanda dəfn olunub.
Xatırladaq ki, Firəngiz
Şərifova "Eurovision" qalibi Eldar Qasımovun
nənəsidir. Bununla bağlı
Eldar Qasımov dünənə nəzərdə
tutulan konsertini təxirə salıb.
O, konsertini başqa günə keçirəcək
və nənəsinin
xatirəsinə həsr
edəcək.
Firəngiz Şərifova 6 fevral
1924-cü ildə Bakıda
xalq artistləri Abbas Mirzə Şərifzadə və Mərziyə Davudovanın
ailəsində dünyaya
gəlib. 45 yaşlı Abbas Mirzə Şərifzadə
şəxsiyyətə pərəstiş
dövründə haqsız
yerə tutulub və 16 noyabr 1938-ci ildə "xalq düşməni" kimi
güllələnib. 1956-cı
ildə isə ona bəraət verilib. Mərziyyə
Davudova (1901-1961) 1948-ci ildə
Sovet dövlətinin teatr sahəsində ən böyük fəxri titulu olan SSRİ xalq artisti adına
layiq görülüb.
Firəngiz Şərifova 1941-ci ildə ailəsinin yaxın dostu və xeyirxahı Üzeyir bəy Hacıbəyovun məsləhəti
ilə Azərbaycan Dövlət Konservatoriyasının
(indiki Bakı Musiqi Akademiyası) vokal fakültəsinə daxil olub. Dramaturq Cəfər Cabbarlının təkidi
və atası Abbas Mirzənin razılığı ilə
səhnədə 8 yaşında
"Oqtay Eloğlu"da
Sevər və bir az sonra "Sevil"də Gündüz rollarında çıxış edib.
Firəngiz xanım
1947-ci ilin əvvəllərində
Cəlil Məmmədquluzadə
adına Azərbaycan Dövlət Musiqili Komediya Teatrının truppasına qəbul olunub, daha sonra
Xalq Maarif Komissarlığı İncəsənət
İşləri İdarəsinin
(bugünkü Mədəniyyət
Nazirliyi) sərəncamına
əsasən köçürülmə
yolu ilə Gənc Tamaşaçılar
Teatrının truppasında
aktyor işləməyə
başlayıb. 1960-cı il may ayının 5-də
Akademik Milli Dram Teatrına işə götürülüb. O bu
sənət ocağında
1965-ci il aprel ayının 1-nə qədər işləyib
və qısa müddət ərzində
parlaq sənət hadisəsinə çevrilən
obrazlar yarada bilib. 1965-ci ildə
yenidən Gənc Tamaşaçılar Teatrına
qayıdıb və uzun illər burada çalışıb.
Firəngiz Abbas Mirzə qızı Şərifova
milli səhnə mədəniyyətimizin inkişafında
göstərdiyi böyük
xidmətlərə görə
24 may 1960-cı ildə Azərbaycan
SSR-in əməkdar artisti,
25 dekabr 1969-cu ildə
isə xalq artisti fəxri adlarına layiq görülüb. O, Musiqili
Komediya Teatrında Gülçöhrə ("Arşın
mal alan", Üzeyir
bəy Hacıbəyov),
Durna ("Durna", dramaturq Süleyman Rüstəm və bəstəkar Səid Rüstəmov), Ulduz
("Ulduz", dramaturq
Sabit Rəhman və bəstəkar Süleyman Ələsgərov),
Keto ("Keto və Kote", Vladimir Dolidze), Bayadera ("Bayadera", İmre Kalman), Akademik Milli Dram Teatrının səhnəsində Perdidata
("Qış nağılı",
Vilyam Şekspir), Həcər ("Qaçaq
Nəbi", Süleyman
Rüstəm), Rəfiqə
Rəhimli ("Alov",
Mehdi Hüseyn), Ket ("Gözəllik və sevgi adası"
("Afrodita adası",
Aleksis Parnis), Erfila ("Dəlilər",
Lope de Veqa), Gülgün
("Od gəlini",
Cəfər Cabbarlı),
Gənc Tamaşaçılar
Teatrında Gülzar
("Tamahkar", Süleyman
Sani Axundov), Kraliça ("Qarlar Kraliçası", Hans Xristian
Andersen), Zənci qadın
Darotti ("Tom dayının
koması", Biçer
Stou), Aqadaya Tixonovna ("Evlənmə",
Nikolay Qoqol), Sərvinaz ("Aqil və Sərvinaz", Əyyub Abbasov), Mətanət ("Çiçəkii
dağ", Məmmədhüseyn
Təhmasib), Julyar
("İki veronalı",
Vilyam Şekspir), Gülbahar ("Anacan",
Yusif Əzimzadə), Yasəmən ("Qaraca qız", Abdulla Şaiq),
Şərəfnisə ("Müsyö Jordan və dərviş Məstəli
şah", Mirzə Fətəli Axundzadə),
Zerbinetta ("Skapenin kələkləri", Jan Batist
Molyer), Yaqut ("Yaşar", Cəfər
Cabbarlı), Ceınına
("Ovod", Etil Voyniç), Fitnə, Ana Vətən, ("Fitnə"
və "E1 oğlu",
Abdulla Şaiq), Məhsəti
Gəncəvi ("Rübailər
aləmində", Məmmədhüseyn
Təhmasib), Yetər
("Hacı Qəmbər",
Nəcəf bəy Vəzirov), Beatriça Rasponi ("İki ağanın bir nökəri", Karlo Haldoni), Həmidə
("Keçən ilin
son gecəsi", Anar),
Qızyetər ("Komsomol
poeması", İsgəndər
Coşqun. Səməd Vurğunun eyniadlı
poeması əsasında),
Mədinə, Ağabəyim
("Mənim nəğməkar
bibim" və "Yazığam, sevmə məni", Əkrəm Əylisli), Təhminə
("Söhrab və Rüstəm", İsgəndər
Coşqun. Firdovsinin "Şahnamə" poeması
əsasında), Ayşa
Ana ("Fudzi dağında
qonaqlıq", Çingiz
Aytmatov və Kaltey Məhəmmədcanov),
Məşədixanım ("Ağ dəvə", Elçin) kimi maraqlı rollar oynayıb.
Firəngiz Şərifova gənc yaşlarından başlayaraq
"Azərbaycanfilm" kinostudiyasında
istehsal olunan "Qaraca qız" (Yasəmən), "Bir ailəlik bağ evi" (Ana), "Bayquş
gələndə" (Nənə),
"Qərib cinlər
ölkəsində (Tükəz),
"Qətl günü"
(Nənə) kino lentlərində müxtəlif
rollara çəkilib.
Biz də
qəzetimizin kollektivi
və oxucuları adından mərhuma Allahdan rəhmət, yaxınlarına səbr diləyirik.
Allah rəhmət eləsin!
Ekspress.-2014.- 21 fevral.-
S.23.