Ailə vətəndaş cəmiyyətinin
əsas elementlərindən biridir
Ailə vətəndaş cəmiyyətini formalaşdıran əsas elementlərdən biridir. Ailə insanların bir-biri ilə qurduğu münasibətlərin ən qədim və unikal forması sayılır. Ailənin unikallığı və özəlliyi ondan ibarətdir ki, bir neçə insan onillərlə ölçülən uzun zaman kəsiyində, öz ömürlərinin böyük əksəriyyətini bir-birləri ilə sıx qarşılıqlı münasibətdə keçirirlər.
Ailə - nikah, yaxud qan qohumluğuna əsaslanan kiçik sosial qrupdur. Ailə üzvləri bir-birinə məişət birliyi, mənəvi cavabdehlik və qarşılıqlı köməklə bağlıdır. Nikah və ailədə cinslər və cinsi tələbatdakı fərqdən irəli gələn münasibətlər əxlaqi-psixoloji münasibətlər formasında özünü göstərir. Ailə bir ictimai forma kimi cəmiyyətin inkişafından asılı olaraq dəyişilir. İbtidai cəmiyyətdəki ailədən danışarkən aralarında cinsi əlaqəyə icazə verilən şəxslər nəzərdə tutulur. Bu mənada ailə şərti olaraq qan qohumluğu ailəsi, qrup nikah, endoqamiya, ekzoqamiya, qoşa nikah formalarına ayrılır.
Ailə hüququ - ər-arvadın, uşaqların və ailənin digər üzvlərinin şəxsi və əmlak münasibətlərini tənzimləyən hüquq sahəsidir. Ailə hüquq sisteminin əsas institutları nikah, ailə, ər-arvadın hüquq və vəzifələri, valideynlərin və uşaqların hüquq və vəzifələri, nikahın xitamı, övladlığagötürmə, həddi-büluğa çatmamışlar üzərində qəyyumluq və himayəçilik kimi məsələləri tənzimləyir.
Ailə tərbiyəsi - ailənin böyük üzvlərinin və ailə həyat tərzinin uşağa müntəzəm, məqsədəuyğun təsiridir. Ailə tərbiyəsinin əsas və ümumi vəzifəsi uşaqları mövcud ictimai şəraitdə həyata hazırlamaq, daha məhdud və konkret vəzifəsi isə onlara ailə şəraitində şəxsiyyətin normal şəkildə formalaşması üçün zəruri olan bilik, bacarıq və vərdişlər aşılamaqdır. Ailə tərbiyəsinin məqsəd və vasitələri ictimai-iqtisadi quruluşdan, mədəniyyətin inkişaf səviyyəsindən asılıdır. Ailə tərbiyəsi ailənin mənsub olduğu ictimai təbəqənin ideologiyası, əxlaqı və qarşılıqlı münasibətlər sistemi üzərində qurulur. O, böyüklərin özünütərbiyəsi, onların xarakterində uşaqlara səmərəli pedaqoji təsir göstərə bilən keyfiyyətlərin formalaşması ilə sıx bağlıdır.
Ailə və nikah bir-biri ilə sıx qarşılıqlı əlaqədə olan, kişi ilə qadın arasındakı münasibətləri, onların nəsil və övladlara olan münasibətlərini tənzimləyən sosial institutdur. Nikah adətən əks cinslər arasında insanların nəsil davametdirmək üzrə təbii tələbatlarını reallaşdıran ictimai ittifaq formasıdır. Lakin son dövrlərdə bir sıra inkişaf etmiş ölkələrdə eyni cinsli insanların da nikaha girməsi və bu nikahın hüquqi qeydiyyatı halları mövcuddur. Ailə isə bu ittifaqa əsaslanan və onun iqtisadi cəhətdən təmin edən ictimai özək formasıdır.
Müasir elm etnoqrafiya, arxeologiya və müxtəlif qarışıq elmlərə əsaslanaraq ailə və nikahın yaranması və formaları haqqında müxtəlif hipotezlər irəli sürür. Bu hipotezlər, əsasən, iki qrupa ayrılır: Birinci qrupa görə qədim dövrlərdə hələ formalaşmamış cəmiyyətlərdə cinslərin nizamsız münasibətləri mövcud olmuş, ailə və nikah olmayıb. Hesab edilir ki, nikahın ilkin forması qrup nikahıdır. Sonradan bir-birlərini müxtəlif cinslərlə təmin edən dual təşkilatlar yaranıb. Sonda isə cütlüyə əsaslanmış ailə və nikah meydana gəlib.
Digər nəzəriyyəyə görə, bəşəriyyət ilkin formada cütlüyə əsaslanmış ailə tipinə malik olub. Qrup nikahı isə onu tamamlayan əlavə element kimi yaranmış və sonradan silinib.
Sinifli cəmiyyətin yaranması ilə monoqam ailə münasibətləri də yaranıb. Bu baxımdan da ailə cəmiyyətin mühüm təsisatlarından biridir. O, bir çox ictimai elmlərin tədqiqat obyektidir.
Ailə hər bir cəmiyyətin sosial strukturunun mühüm komponenti olub, çoxlu sosial funksiyalar yerinə yetirməklə həmin cəmiyyətin inkişafında mühüm rol oynayır. Nikah ailənin hüquqi əsasıdır. O, qadınla kişi arasında rəsmi qaydada bağlanılan müqavilədir.
İnsan ailədə dünyaya gəlir, onun vasitəsilə uşaqların ilkin sosiallaşması və tərbiyə edilməsi başlayır. Həmiçinin böyüyə hörmət və qayğı göstərmək vəzifəsi ailədə reallaşır. Ailənin əsası cəmiyyət tərəfindən bu və ya digər formada müəyyən edilmiş kişi ilə qadın arasında nikah ittifaqıdır. Nikah kişi ilə qadın arasında, valideynlərlə uşaqlar arasında münasibətləri qəti müəyyənləşdirir, müəyyən normalara salır, bununla da ona sosial təsisat xarakteri verir. Ailəyə kiçik sosial qrup kimi də baxmaq olar. Ailənin mahiyyəti onun quruluşunda, formalarında, funksiyalarında və bir də ailə üzvlərinin ailədə rolunda ifadə olunur.
Ailə eyni dam altında yaşayan, ortaq bir iqtisadiyyatı paylaşan, qan və coşğu bağlarıyla bir-birinə bağlanmış, aralarında cəmiyyət tərəfindən tanınmış haqq və tapşırıqlar olan kəslərdən qurulmuş ən kiçik cəmiyyət vahididir.
Ailənin bir sıra funksiyaları var. Nəsilin
davamını təmin
etmək: Yetkin iki adamın birlikdə yaşamasını
tələb edir. Sağlam bir qurşaq yetişdirmək üçün
ailə birliyinin qorunması da böyük əhəmiyyət
daşıyar.
Üzvlərin iqtisadi ehtiyaclarını
qarşılamaq: Ər-arvadın
əməkdaşlığı reallaşdırar.
Uşaqların ictimailəşməsini təmin etmək: Ailə uşaqların cəmiyyətə hazırlanmasını
təmin edən ilk qrupdur. Onlara içində yaşadıqları
cəmiyyətin inanclarını,
dəyər mühakimələrini,
ənənə və
adətlərini, ədəb
qaydalarını öyrədər.
Şəxsiyyətlərinin inkişafı üçün
mühit hazırlayarlar.
Üzvlərin romantik ehtiyaclarını
qarşılamaq: Bunu içdən sevgi və hörmətə dayanan əlaqələr təmin edər. Kiçik böyük, hər kəsin duyğusal istiqamətdən sağlam
olması həm özü, həm ailəsi, həm də cəmiyyət üçün son dərəcə
əhəmiyyətlidir.
Ailə bir çox istiqamətləriylə digər
ictimai strukturlarından
fərqli, özünəxas
bir sıra xüsusiyyətləri olan
bir ictimai təşkilatdır. Ailə universaldır. Ailə bütün ictimai əlaqələr içində
ən çox universallıq xüsusiyyəti
göstərməkdədir. Hər cəmiyyətdə görüldüyü
kimi heyvanlar aləmində də vardır, hər insan bir ailəyə
mənsubdur və o ailənin məsuliyyətlərini
daşıyan bir üzvüdür.
Ailə romantik bir təmələ
söykənir. Nəsili davam etdirmə
arzusu, analıq, yoldaşlıq, duyğularını
romantik sevgidən, irq qüruruna, yoldaşların şöfkət
duyğularından ailənin
iqtisadi təhlükəsizliyinə,
fərdi ehtiraslarından
nəsilin davamlılığı
duygu təqdim edənə qədər yüksələn və ictimai əlaqələr nəticəsi meydana çıxan bir-birinə
ikinci duygularla qüvvətləndirilməkdədir.
Ailə şəkilləndirmə xüsusiyyətinə
malikdir. Uşağın şəxsiyyət quruluşu ailə içində inkişaf edər. Ailə üzvləri fərdin
həm bədən həm də zehni vərdişlər qazanmasını təmin edər. Fərddəki ictimailəşmə hadisəsni içində
reallaşdığından və ailənin uşaq üzərindəki
şəxsiyyət inkişafının
bir parçası olduğundan həyat boyu yetkində iz buraxacaq.
Ailənin əhatəsi məhduddur. Ailə məhdud
bir böyüklüyə
malikdir. Şəkillənmiş ictimai strukturların ən kiçiyidir. Bu xüsusiyyət şəhər tipi ailə
üçün daha çox etibarlıdır.
Ailə ictimai quruluşda nüvə xüsusiyyəti
daşıyar. Ata nüfuzunun
olduğu cəmiyyətlərdə
bütün ictimai quruluş ailə modullarından meydana gəlmişdir. Kompleks müasir
cəmiyyətlərdə ailə
bu xüsusiyyətini itirməklə birlikdə
bəzən ictimai təsnif edər içində ailə birliyinin nüvədik xüsusiyyətini davam etdirmə meyli də görülməkdədir.
Ailə üzvlərinin məsuliyyətləri
var. Ailənin üzvlərindən
gözlədiyi vəzifə
həyat boyu davam etməkdədir. Ailə kişini
və xüsusilə daha çox qadını özündən
çox başqaları
üçün güc
vəzifələr etməyə
və ağır məsuliyyətlər yüklənməyə
məcbur edər.
Ailənin duyğusal təmələ
söykənən olması
qarşılıqlı məsuliyyətləri
də artırar.
Sosioloq Vüqar
İsmayılov bildirir
ki, sosial institut olan ailəyə
üzv olmaq heç kimin əlində deyil. Ailə
qədim tarixə malikdir və bu tarix institutu
zaman keçdikcə cəmiyyət kimi dəyişikliyə məruz
qalıb: “Hər şeyin sürətlə
dəyişikliyə məruz
qaldığı XXI əsrdə
ailə də sürətlə dəyişir.
Klassik ailənin modern ailəyə
keçdiyi bir dövrdəyik. Bununla yanaşı,
monogan, poligan kimi ailələr də mövcuddur. Ailə kiçik bir dövlət, dövlət
isə böyük bir ailədir. Bu cümlə belə
ailəyə müəyyən
məsuliyyətlər yükləyir”.
Onun sözlərinə
görə, kiçik
bir dövlət olan ailədə müəyyən idarəetmə,
ailə rəisinin olması və hər bir ailə
üzvünün üzərinə
müəyyən vəzifələr
düşməkdədir. Ailə cəmiyyətin
bir modelidir. Bu o deməkdir ki,
ailədə baş verən kiçik sarsılmalar cəmiyyətidə
kökündən parçalayır.
“Hər bir
dövlət ideal cəmiyyət
qurmaq arzusundadır.
İdeal
cəmiyyətin yolu isə ideal fərdlərdən
keçər və
ideal fərdlər ideal ailələrdə
yetişər. Bu isə ailə institutunun nə qədər əhəmiyyətli
olmasından xəbər
verir. Ailə əsasını bu və ya digər
şəkildə müəyyən
olunmuş kişi
və qadın ittifaqıdır. Ailəyə müəyyən təriflər
verilib. Amma zaman keçdikcə
ailə institutun müəyyən dəyişikliklərə
uğraması onun haqqındakı fikirlərin
də dəyişilməsinə
səbəb olub”.
Sosioloq deyir ki, ailə-bioloji nəslin davam etdiyi, sosiallaşmanın
ilk başladığı, müəyyən qarşılıqlı
əlaqələrin mövcud
olduğu, bioloji, psixoloji, iqtisadi, hüquqi və bir çox cəhətlərin mövcud
olduğu, valideyn və uşaqlardan təşkil olunmuş qurumdur. “Ailənin mahiyyəti onun quruluşunda, formasında,
ailə üzvlərini
qarşılıqlı əlaqəsində
və onların funksiyalarında ifadə olunur”.
Azərbaycanda da ailə institunun
inkişafına böyük
önəm verilir. Azərbaycan Konstitusiyanını
34-cü maddəsində (Nikah
hüququ) bildirilir ki, hər kəsin
qanunla nəzərdə
tutulmuş yaşa çatdıqda ailə qurmaq hüququ vardır. Nikah könüllü razılıq əsasında
bağlanılır. Heç kəs
zorla evləndirilə
(ərə verilə)
bilməz. Nikah və
ailə dövlətin
himayəsindədir. Analıq, atalıq,
uşaqlıq qanunla mühafizə edilir.
Dövlət çoxuşaqlı ailələrə yardım
göstərir. Ər ilə
arvadın hüquqları
bərabərdir. Uşaqlara qayğı
göstərmək, onları
tərbiyə etmək
valideynlərin həm
hüququ, həm də borcudur. Valideynlərə hörmət etmək,
onların qayğısına
qalmaq uşaqların borcudur. 18 yaşına
çatmış əmək
qabiliyyətli uşaqlar
əmək qabiliyyəti
olmayan valideynlərini
saxlamağa borcludurlar.
10 il əvvəl ölkəmizdə Ailə, Qadın və Uşaq Problemləri üzrə Dövlət Komitəsi yaradılıb. Komitə ilə bərabər ailə siyasətini tənzimləmək üçün qanunvericilik sistemi də inkişaf etdirilib. Hazırda dövlətin güclü və təkmil qanunvericilik bazası mövcuddur. Ölkədə Ailə Məcəlləsi, “Ailə kəndli təsərrüfatı haqqında”, “Gender bərabərliyinin təminatları haqqında”, “Məişət zorakılığının qarşısının alınması haqqında”, “Uşaq hüquqları haqqında”, “Sosial müavinətlər haqqında”, “Ünvanlı dövlət sosial yardımı haqqında” və digər Qanunları qəbul edilib.
Ailə və Cinayət Məcəllələrində dəyişikliklər və əlavələr edilib. Ailə Məcəlləsində nikah yaşının qızlar üçün 18-ə qaldırılıb. Cinayət Məcəlləsində qadını, xüsusən yetkinlik yaşına çatmayan qızları nikaha daxil olmağa məcbur etməyə görə xüsusi maddə ilə məsuliyyət müəyyən edilib.
Ailə institutunun möhkəmliyi həmin cəmiyyətin və dövlətin güclənməsi və inkişafı deməkdir. Hazırda ölkəmizdə 2,2 milyon ailə var. Azərbaycanda hər il təxminən 80 min nikah bağlanılır.
Azərbaycanda ailə münasibətlərini Ailə Məcəlləsi tənzimləyir. Hansı ki, bu sənəd ailə münasibətlərinin yaranmasının və möhkəmlənməsinin, onlara xitam verilməsinin prinsiplərini, ailə münasibətlərinin iştirakçılarının hüquq və vəzifələrini, dövlət orqanlarının bu sahədə vəzifələrini, habelə vətəndaşlıq vəziyyəti aktlarının dövlət qeydiyyat qaydalarını tənzimləyən normaları müəyyən edir. Məcəllədə bildirilir ki, Azərbaycanda ailə dövlətin himayəsindədir. Analıq, atalıq, uşaqlıq qanunla mühafizə edilir.
Murad MƏMMƏDLİ
Ekspress.-2016.-15 dekabr.-S.10.