Barak Obamanın İlham Əliyevlə telefon söhbəti olub

ABŞ Dövlət Departamentinin mətbuat xidmətinin yaydığı məlumata əsasən, aprelin 7-də ABŞ prezidenti Barak Obamanın prezident İlham Əliyevlə telefon danışığı olmuşdur.

Məlumata əsasən Barak Obama "prezident Əliyevlə səmimi söhbət aparmışdır".

Ağ Evin məlumatında qeyd olunur ki, prezident B.Obama " Azərbaycanla güclü münasibətlərin davam etdirilməsində və Dağlıq Qarabağ münaqişəsinin həllində irəliləyişə dəstək göstərməkdə ABŞ tərəfinin sadiqliyini bir daha təsdiqləmişdir".

Məlumatda qeyd olunur ki, "həmçinin, Prezident regionda daha geniş sülhə və təhlükəsizliyə aparacaq Türkiyə-Ermənistan arasında barışığın vacibliyini vurğulamışdır".

E. Mirzə

Ekspress.- 2009.- 9 aprel.- S. 2.