"Biz Azərbaycanın övladıyıq"

Uşaq və gənclərin yaradıcılıq festivalı keçirilir

Gənclər və İdman Nazirliyi, Ailə, Qadın və Uşaq Problemləri Üzrə Dövlət Komitəsi və UNİCEF-in iştirakı ilə "Biz Azərbaycanın övladıyıq" adlı uşaq və gənclərin yaradıcılıq festivalı keçirilir. APA-nın məlumatına görə, festivalda Azərbaycanda yaşayan 10-a yaxın etnik qrupun 100 nəfərədək nümayəndəsi iştirak edir.

Gənclər və İdman nazirinin müavini İntiqam Babayev bildirib ki, tədbir ölkə prezidentinin 2009-cu ilin "Uşaq ili" elan edilməsi ilə bağlı sərəncamı əsasında təşkil olunub: "Azərbaycan tarixən burada yaşayan xalqlar üçün ikinci vətən olub. Bu festival həmin xalqları təmsil edən uşaqları bir araya gətirir. Mədəniyyətlərarası dialoq baxımından bugünkü festivalın çox böyük önəmi var".

Ekspress.- 2009.- 26 noyabr.- S. 26.