KİVİ

SAĞLAM OLUN!

Kividə olan serotonin maddəsi stressi azaldır, inozitolin isə depressiyanı aradan qaldırır. Bundan əlavə, kivinin tərkibindəki bu maddələr diabetli xəstələrdə şəkərin səviyyəsinin normallaşdırılmasına da müsbət təsir göstərir. Doktor Çanginin sözlərinə görə, kivi özəlliklə C və E vitaminləri ilə zəngindir. Onun tərkibində potasium və maqnezium da var. Kivi özəlliklə havaların soyuması ilə birlikdə astma, qrip kimi rahatsızlıqları olan insanların C vitamini ehtiyacını aradan qaldırmaq baxımından ən xeyirli meyvə sayılır. Kivi həm də təbii laksatif özəlliyi səbəbindən yatalaq xəstəliyinə tutulan insanların dözümlülüyünü artırmaqda da böyük fayda verir. Həkimlər bu xüsusiyyətinə görə qəbizliyi olan insanlara da daha çox kivi yeməyi məsləhət görürlər. Son araşdırmalara görə, gün ərzində 2 kivi yeyilərsə, bu, bədəndəki ziyanlı xolesterini azaldır, yaxşı xolesterinin miqdarını isə artırır. Özəlliklə aspirin təsirinə məruz qalan ürək xəstələri üçün bu meyvənin qəbulu məqsədəuyğun hesab edilir. Mütəxəssislər bildirirlər ki, kivi alarkən bir neçə amilə diqqət yetirmək lazımdır. İlk olaraq bərk kiviləri alıb onu evdə yetişkən hala gətirmək daha məqsədəuyğundur. Əgər yeməli vaxtına çatmış kivi almaq istəyirsinizsə, bu zaman limon yumşaqlığında olan kiviləri almaq məsləhətdir. Çünki bundan çox yetişmiş kivilər öz təsirlərini itirir, hətta fəsadlar da yarada bilir.

Həftə içi.- 2010.- 19 noyabr.- S. 8.