Münaqişə diplomatik yolla həllini tapmalıdır

Aleksandr Rar: "İndiki məqamda müharibə təhlükəsi yoxdur"

"Mən Dağlıq Qarabağda müharibənin yenidən başlanması üçün təhlükə görmürəm. Beynəlxalq ictimaiyyət vəziyyətin bütün ciddiliyini anlayır. Mövcud vəziyyəti qorumaq üçün çox produktiv addımlar atılır" - bu fikirləri Almaniya xarici siyasət Şurasının Rusiya və Avrasiya proqramının direktoru Aleksandr Rar Ermənistan mətbuatına açıqlamasında bildirib.

Onun sözlərinə görə, nə Qərbə, nə də Rusiyaya Qafqazda yeni silahlı toqquşmalar lazım deyil. Bu səbəbdən vəziyyət nəzarət altındadır. Nə BMT, nə ATƏT, nə də Avropa Birliyi Dağlıq Qarabağla bağlı fikirlərini açıqlamayıblar. Bu səbəbdən hərbi əməliyyatlara müraciət olunması hazırda az ehtimal edilir. Ekspert həmsədrlərin bölgəyə səfərlərinə də toxunub. Onun sözlərinə görə, vasitəçilərin səfəri olmadan da danışıqlar davam etdirilir. Minsk Qrupu toplantısını çağırır: "Burada bir çox iştirakçılar var. Beynəlxalq birlik Rusiya - Gürcüstan müharibəsindən sonra Qafqazda üçüncü böyük müharibənin başlamasını istəmir. Qərb və beynəlxalq birlik münaqişənin həllinə şərait yaradır. Onun hələ də həllini tapmaması isə başqa məsələdir. Hələ məlum deyil ki, bu proses hansı istiqamətdə inkişaf edəcək. Bu indiki halda bir çoxlarına sərf edir". A.Rarın qənaətincə, Qərbin sülhməramlı hərbi qüvvələri bölgəyə iki məqsədlə daxil ola bilər. Onlar ya yerli hökumətə təzyiq göstərmək, ya da hansısa siyasi məqsədlər üçün bu addımı ata bilərlər: "Lakin mən hələ bunlardan heç birini görmürəm. Şimal nə Azərbaycanı nə də Ermənistanı dəstəkləyəcək. Münaqişə diplomatik yolla həllini tapmalıdır". Ekspert bir ay əvvəl Dağlıq Qarabağ münaqişəsinin həllinin Rusiyanın xarici siyasi prioritetləri siyahısından çıxarılması məsələsinə də münasibət açıqlayıb. Onun sözlərinə görə, Rusiya heç zaman münaqişənin həllindəki rolunun əhəmiyyətini qiymətləndirməyib. Heç zaman tərəflərdən hansınısa dəstəkləməyib. Ermənistan Rusiyanın strateji, Azərbaycan isə iqtisadi tərəfdaşıdır. Bu səbəbdən Moskva tərəflərdən hansınısa itirməmək üçün çox hiyləgər siyasət yürürtmək məcbüriyyətindədir. Bu Rusiya üçün çox vacibdir. Çünki Moskva Gürcüstanı itirməsinə baxmayaraq bu yolla bölgədə ən güclü oyunçu olmaq şanslarını saxlayır: "Rusiya hələlik bu oyunu çox uğurla oynayır. İndiki məqamda Rusiya bölgədə status-kvonu saxlamağa çalışır. Bu onun maraqlarına uyğundur".

Azad

Həftə içi.- 2011.- 15 fevral.- S. 3.