"Qaçqın: Anar Usubovun uzun səyahəti" təqdim olundu

Əli Həsənov: "Tarixən ermənilər xəyanətkar bir xalq kimi tanınıb"

Dünən Dövlət Gənc Tamaşaçılar Teatrında türkiyəli jurnalist, professor Cem Oğuz tərəfindən çəkilmiş Xocalı faciəsindən bəhs edən "Qaçqın: Anar Usubovun uzun səyahəti" adlı filmin təqdimatı keçirildi. Mədəniyyət və Turizm Nazirliyinin dəstəyi ilə keçirilən tədbirdə ictimaiyyət nümayəndələri, millət vəkilləri və digər rəsmi şəxslər iştirak edirdilər.

Tədbirdə çıxış edən baş nazirin müavini Əli Həsənov filmin araya-ərsəyə gəlməsində göstərdiyi köməyə görə hər kəsə, o cümlədən filmin yaradıcısı Cem Oğuza təşəkkürünü bildirdi.

Əli Həsənov 1992-ci ildə Xocalıda törədilmiş qətliamın dünyanın ən dəhşətli soyqırımlarından biri olduğunu diqqətə çatdırdı. Baş nazirin müavini qeyd etdi ki, ermənilərin azərbaycanlıların başına gətirilmiş bu dəhşətli hadisəni heç faşistlər belə etməyib: "Bu gün azərbaycanlılar öz ərazilərində qaçqın kimi yaşayır. Bu niyə belə olmalıdır? Ermənilərin azərbaycanlılara qarşı həyata keçirdiyi bu vəhşiliklər dünyanın heç bir yerində, heç bir xalqa qarşı edilməyib. Onlar Azərbaycandan gedən erməniləri bir aydan sonra Ermənistandan qovdular ki, siz artıq azərbaycanlaşmısınız. 15 il müddətində milyon yarım erməni Ermənistanı tərk edib. Bütün bunları hamı görür və bilir.

Ermənilərin Qaradağlı kəndində, Xocavənddə bizim insanlarımızın başına gətirdikləri faciənin dərəcəsi və zirvəsi faşizmdən çox yuxarıdır. Onlar faşistlərdən də qəddardır. Təbii ki, başlarına belə faciələr gətirilən xalq heç zaman susmamalıdır".

Dünyada Qarabağ münaqişəsinə ikili standartların olduğunu nəzərə çatdıran Əli Həsənov bildirdi ki, dünya ictimaiyyəti Ermənistanı bu istiqamətdə dəstəkləyir: "Bunun səbəbi də hələlik məlum deyil. Ermənistanı hansı səbəblərə görə dəstəkləyirlər" sualına hələ də cavab tapmaq mümkün deyil. Heç bir iqtisadi inkişa fı olmayan, təbii ehtiyata malik olmayan, dünyada heç bir mövqeyi olmayan bir dövlətə necə dəstək durmaq olar? Tarixən ermənilər xəyanətkar bir xalq kimi tanınıb. Ermənilərin yalnız satqınlığına və xəyanətkarlığına göz tikiblər. Demokratiya deyilən bir şey, ümumiyyətlə, orada mövcud deyil".

Filmin Azərbaycan və Dağlıq Qarabağ hadisələrinin dünya ictimaiyyətinə çatdırılmasında böyük önəmindən danışan Ə.Həsənov bir məsələni xüsusilə vurğuladı: "Təəssüf edirəm ki, beynəlxalq təşkilatların qərarlarına baxmayaraq, Azərbaycanın 20 faiz torpaqları hələ də işğal altındadır. Ancaq biz düz yoldayıq və bu cür filmlər çəkməklə dünyaya həqiqətləri çatdırmış oluruq".

Filmin rejissoru C.Oğuz bu filmin çəkilişi zamanı sözün bitdiyi bir çox anlar yaşadığını diqqətə çatdırdı: "Bu filmi çəkərkən mənim üçün bir çox sözün bitdiyi anlar oldu. Baxdıqca, törədilənləri izlədikcə heç bir söz düşünə bilmədim. Filmi çəkməkdə iki məqsədim vardı - Ermənistana və Rusiyaya sözümü demək istəyirdim".

C.Oğuz qeyd etdi ki, bir saatlıq filmdə bir çox məqamlara diqqət yetirib. Türkiyəli jurnalist filmin ərsəyə gəlməsi üçün Anar Usubovun ailəsinə və bütünlükdə xocalılara minnətdarlıq etdi: "Erməni vəhşilikləri mahiyyətinə görə, Ruanda və Bosniyada törədilən qəddarlıqlardan heç də geri qalmır. Amma bu hadisələrə qiymət verildiyi halda, Xocalı faciəsinə və bütünlükdə Qarabağda baş verənlərə biganə münasibət var".

Filmin təqdimatında çıxış edən "Mədəniyyət" kanalının rəhbəri, əməkdar incəsənət xadimi Cəmil Quliyev də 19 il əvvəl törədilmiş bu faciə barədə danışaraq filmdə sərt həqiqəti əks etdirən reallıqlardan danışdı. O, filmdə yüksək rejissor işinin və peşəkarlıqla seçilmiş musiqi səsləndirmələrinin təsirli olduğunu vurğuladı.

Sonda film iştirakçılara təqdim olundu. Qeyd edək ki, film Xocalıdan məcburi köçkün düşmüş Anar Usubovun həyatından və başlarına gələnləri nəql etməsi üzərində qurulub.

Naibə Qurbanova

Həftə içi.- 2011.- 22 fevral.- S. 1-2.