Ombudsman beynəlxalq təşkilatlara bəyanat ünvanlayıb

Ombudsman Aparatında Xocalı faciəsinin 19-cu ildönümü ilə əlaqədar anım mərasimi keçirilib. Faciə qurbanlarının xatirəsi bir dəqiqəlik sükutla yad edilib. Ombudsman Elmira Süleymanova bəşər tarixinin ən qanlı səhifələrindən olan Xocalı soyqırımının növbəti ildönümü günlərində faciəni törədənləri bir daha tanıtmağın, erməni vandalizmini, Azərbaycan həqiqətlərini dünya ictimaiyyətinə çatdırmağın böyük əhəmiyyət kəsb etdiyini bildirib. O, erməni millətçiləri tərəfindən uzun illərdən bəri həyata keçirilən təcavüz və etnik təmizləmə siyasətinin məqsədinin azərbaycanlıları tarixi torpaqlarından qovmaq, həmin ərazilərdə "Böyük Ermənistan" dövləti yaratmaq olduğunu, Qafqazda yüz minlərlə azərbaycanlının zaman-zaman öz torpaqlarından deportasiya edildiyini söyləyib.

Anım mərasimində Xocalı soyqırımının 19-cu ildönümü ilə əlaqədar E.Süleymanovanın BMT-nin Baş Katibi, BMT-nin İnsan Hüquqları üzrə Ali Komissarı, Avropa Komissiyası, Avropa Şurası, ATƏT, Beynəlxalq və Avropa Ombudsmanlar İnstitutları, Asiya Ombudsmanlar Assosiasiyası, Beynəlxalq Sülh Bürosu, Universal Sülh Federasiyası, müxtəlif ölkələrin ombudsmanları, Azərbaycan Respublikasının xarici ölkələrdəki, xarici ölkələrin respublikamızdakı səfirlikləri və Azərbaycanın diaspor təşkilatlarına ünvanladığı Bəyanat səsləndirilib.

Əli

Həftə içi.- 2011.- 25 fevral.- S. 1.