Köçkün mədəniyyət ocaqları qızğın fəaliyyətdə

 

     Ağdamın mədəniyyət evləri, klub və kitabxanaları aktiv iş rejimini bərpa edə bilib

 

     Ağdam Rayon Mədəniyyət və Turizm Şöbəsinin kollektivi öz işini günün tələbləri səviyyəsində qurur. Torpaqlarının 70 faizindən çoxu erməni tapdağında olan və düşmənlə üz-üzə dayanan Ağdamda mədəniyyət sahəsində böyük işlər görülüb. Rayon mədəniyyət və turizm şöbəsinin müdiri Şahin Qasımov "Həftə içi"nə bu ilin 4 ayı ərzində görülən işlərdən danışıb.

     "20 Yanvar" faciəsinin ildönümü ilə bağlı mədəniyyət evi, klub və kitabxanalarda foto-sərgilərin keçirildiyini deyən şöbə müdiri Ağdamın rəmzi giriş qapısı sayılan "Soltanbud" təpəsinin ətəyində Milli Qəhrəmanlar və Qarabağ Şəhidləri Xatirə Kompleksində faciənin 22-ci ildönümünün yüksək səviyyədə qeyd edildiyini söyləyib. Bundan başqa, Quzanlı qəsəbə Mədəniyyət Evində Ağdam Dövlət Dram Teatrı faciə ilə bağlı bədii kompozisiya göstərilib. Fevralın 1-də isə "Gənclər günü" münasibətilə Quzanlı Mədəniyyət Evində gənclərlə rayon ziyalılarının görüşü keçirilib. Həmin tədbirdə "Şur"xalq çalğı alətləri anasmblı maraqlı konsert proqramı ilə şıxış edib.

     Müsahibimiz deyir ki, bu yaxınlarda Gənclər və İdman Nazirliyi və Mədəniyyət və Turizm Nazirliyinin birgə təşkil etdiyi VII vətənpərvərlik mahnı festivalına "Şür" ancamblın üzvləri də qatılıb. Festivalda ancamblın üzvü Şamxal Muradov müvəfəqiyyətlə çıxış edərək ilk onluğa düşüb və fəxti fərmana layiq görülüb: "Xocalı soyqırımının ildönümündə bütün mədəniyyət müəssisələrində soyqırımı əks etdirən foto-sərgilər təşkil edildi. Fevralın 25-də isə Quzanlı mədəniyyət evində Ağdam Dövlət Dram Teatrının hazırladığı "O kənd bizim kənddir" adlı ədəbi-bədii kompozisiya nümayiş etdirildi. Bundan başqa, soyqırımla bağlı kənd müəssisələrində də təşkil edilən kompozisiyalarda Novruzlu və Əfətli mədəniyyət evlərinin hazırladıqları ədəbi-bədii kompozisiyalar daha maraqla qarşılanıb. 8 Mart Beynəlxalq Qadınlar Bayramı münasibətilə böyük bayram şənliyi təşkil edildi və həmin mərasimdə "Şur" ancamblı maraqlı konsert proqramı ilə çıxış etdi".

     Şahin Qasımov Ağdamın "Qarabağ" futbol komandasının heyəti ilə rayon ziyalılarının birgə görüşünün keçirildiyini də vurğuladı. Onun sözlərinə görə, həmin görüşdə komandanın heyətinə "Şur" ansamblının solistlərinin ifasında yazılmış video-disk təqdim edilib: "Novruz Bayramı ilə əlaqədar olaraq Quzanlı Olimpiya İdman Kompleksinin stadionunda təşkil edilən bayram şənliyində minlərlə tamaşaçı iştrak edirdi. Həmin keçirilən bayram şənliyində xalqımızın milli və adət-ənənələrini əks etdirən müxtəlif oyunlar, daha çox marağa səbəb olmuşdur. Onu da xatırlayım ki, Novruzla bağlı kənd mədəniyyət evləri, klublar və musiqi məktəbləri də çoxsaylı bayram şənlikləri keçiriblər. Rayon və Mədəniyyət Turizm Şöbəsi "Novruz-2012" paytaxtın dənizkənarı bulvar parkında keçirilən bayram şənliyində də yaxından iştirak edib. Bayram günlərində "N" saylı hərbi hissələrə gedərək əsgərlərimiz qarşısında maraqlı konsertlər təşkil edirik. Onlara bayram sövqatları da aparırıq".

     Şahin Qasımov "Şur" ansamblının müntəzəm məşqlərindən və uğurlu fəaliyyətindən də söz açıb. Onun sözlərinə görə, artıq ansambl "Mahur hindi" muğam dəstgahının xor şəklində hazırlayıb. Rayon icra hakimiyyəti başçısının təşəbbüsü və dəstəyi ilə rayon üzrə orta ümumtəhsil məktəbləri və uşaq musiqi məktəblərinin xor kollektivlərinin arasında ümumi rayon müsabiqəsi keçirilib: "Müsabiqənin qalibləri Qaradağlı, Qiyaslı və Xındırıstan uşaq musiqi məktəblərinin kollektivi rayon rəhbərliyi tərəfindən pul mükafatı ilə mükafatlandırıldı. Bu ilin aprelində uşaq musiqi məktəbləri arasında keçirilən respublika Xor müsabiqəsində Ağdam uşaq musiqi məktəblərinin xor kollektivlərinin çıxışı çox yüksək qiymətləndirilib. "Şur" ansamblı bölgələrə gedir. Aprelin 2-də İsmayıllı rayon zəhmətkeşləri qarşısındakı çıxışları maraqla qarşılanıb. Artıq ansamblın üzvləri ənənəvi olaraq 7 muğamı dəstgah şəklində hazırlığına başlayıb".  

   Şahin Qasımov kitabxana xidməti işini gücləndirmək üçün metodiki köməklikləri də xüsusi qeyd edib. Onun sözlərinə görə, mədəniyyət müəssisələrinin maddi-texniki bazasını möhkəmləndirmək üçün bir sıra tədbirlər həyata keçirilib: "Mədəniyyət və turizm şöbəsinin mühasubatlığı, Quzanlı mədəniyyət evində yerləşən kitabxana birbaşa internetə qoşulub. Hazırda Mədəniyyət və Turizm Şöbəsinin veb saytının yaradılması istiqamətində müvafiq işlər aparılır".

 

 

    Qələndər Xaçınçaylı

 

    Həftə içi.- 2012.- 11 may.- S. 7.