Azərbaycan vətəndaşları 66

ölkəyə vizasız səfər edə bilərlər

"Henley & Partners" şirkəti dünya ölkələrinə vizasız səfər üzrə son dəyişiklikləri əks etdirən yeni pasport indeksini açıqlayıb. Trend-in məlumatına görə, indeksin lideri Yaponiyadır. Bu ölkənin vətəndaşları 190 ölkəyə vizasız gedə bilərlər. Bir il əvvəl birinci yeri Almaniya (177 ölkəyə vizasız səfər) tuturdu. Hazırda Almaniya Fransa ilə 3-cü yeri (188 ölkə) bölüşür. İkinci mövqedə Cənubi Koreya və Sinqapur qərarlaşıb (189 ölkə). Böyük Britaniya və ABŞ isə indeksdə 6-cı yeri (185 ölkə) bölüşürlər. Ekspertlər bu enişi (2015-ci ildə ilk sırada idilər) hər iki ölkənin "bağlı qapılar" siyasəti ilə izah edirlər.

2019-cu ilin əvvəlində Azərbaycan vətəndaşları 3 ay əvvəl olduğu kimi, 66 ölkəyə vizasız səfər etmək imkanına malikdirlər. Azərbaycan bu göstərici ilə indeksdə bir pillə irəliləyərək 104 ölkə arasında 74-cü yeri tutur. Bir il əvvəl azərbaycanlılar 63 ölkəyə vizasız səfər edə bilərdilər. Üç ay ərzində Rusiya, Türkiyə və Qazaxıstanın mövqeləri dəyişməyib - müvafiq olaraq 119, 111 və 76 ölkəyə vizasız səfərlər. Gürcüstan 2 ölkə ilə vizasız rejim haqqında müqavilə imzalamaqla 51-ci yeri (114 ölkə) tutur.

Yeri gəlmişkən, Azərbaycan Respublikası Xarici İşlər Nazirliyinin rəsmi internet səhifəsində yer alan məlumata əsəsən, hazırda ikitərəfli dövlətlərarası müqavilələrə uyğun olaraq, aşağıdakı siyahıda göstərilən ölkələrlə Azərbaycan Respublikası arasında qarşılılıq prinsipi əsasında vətəndaşların ikitərəfli qaydada vizasız gediş-gəlişi rejimi tətbiq edilir:

I QRUP

- Azərbaycan Respublikasının və müvafiq xarici ölkənin diplomatik və ya xidməti (və ya rəsmi/xüsusi) pasportuna malik vətəndaşları.

1. Albaniya Diplomatik və xidməti 90 gün

2. Almaniya Diplomatik 90 gün

3. Argentina Diplomatik, rəsmi və xidməti 30 gün

4. Avstriya Diplomatik və xidməti 90 gün

5. Belçika Diplomatik 90 gün

6. BƏƏ Diplomatik, xidməti və xüsusi 90 gün

7. Bolqarıstan Diplomatik və xidməti 90 gün

8. Bosniya və Herseqovina Diplomatik, rəsmi və xidməti 30 gün

9. Braziliya Diplomatik,rəsmi və xidməti 90 gün

10. Çin Diplomatik və xidməti 30 gün

Honq-Konq (Çinin Xüsusi inzibati ərazisi) Diplomatik və xidməti Diplomatik və xidməti 14 gün

11. Çexiya Diplomatik 90 gün

12. Hindistan Diplomatik, rəsmi və xidməti 90 gün

13. Xorvatiya Diplomatik 90 gün Xidməti 30 gün

14. Estoniya Diplomatik 90 gün

15. Finlandiya Diplomatik 90 gün

16. Fransa Diplomatik 90 gün

17. Fələstin Dövləti Diplomatik 30 gün

18. İndoneziya Diplomatik və xidməti 30 gün

19. İordaniya Diplomatik və xidməti 90 gün

20. İran Diplomatik və xidməti 30 gün

21. İraq Diplomatik, xidməti və xüsusi 30 gün

22. Ispaniya Diplomatik 90 gün

23. İsveç Diplomatik 90 gün

24. İsveçrə Diplomatik və biometrik xidməti 90 gün

25. İtaliya Diplomatik və xidməti 90 gün

26. İsrail Diplomatik və xidməti 90 gün

27. Kolumbiya Diplomatik, rəsmi və xidməti 90 gün

28. Koreya Diplomatik, rəsmi və xidməti 30 gün

29. Kipr Diplomatik 90 gün

30. Kuba Diplomatik, rəsmi və xidməti 90 gün

31. Küveyt Diplomatik, xidməti və xüsusi 90 gün

32. Laos Diplomatik 30 gün

33. Latviya Diplomatik və xidməti 90 gün

34. Litva Diplomatik və xidməti 90 gün

35. Liviya Diplomatik,xidməti və xüsusi müvəqqəti olaraq dayandırılmışdır

36. Lixtenşteyn Diplomatik 90 gün

37. Lyuksemburq Diplomatik 90 gün

38. Macarıstan Diplomatik və xidməti 90 gün

39. Malta Diplomatik 90 gün

40. Meksika Diplomatik 90 gün

41. Mərakeş Diplomatik, rəsmi, xidməti və xüsusi 90 gün

42. Monteneqro Diplomatik və xidməti 90 gün

43. Niderland Diplomatik 90 gün

44. Norveç Diplomatik 90 gün

45. Pakistan Diplomatik və xidməti 30 gün

46. Polşa Diplomatik 90 gün

47. Peru Diplomatik, xidməti və xüsusi 90 gün

48. Qətər Diplomatik, xidməti və xüsusi 30 gün

49. Portuqaliya Diplomatik, xidməti və xüsusi 90 gün

50. Rumıniya Diplomatik və xidməti 90 gün

51. San Marino Diplomatik və xidməti 90 gün

52. Serbiya Diplomatik, xidməti və rəsmi 90 gün

53. Slovakiya Diplomatik və xidməti 90 gün

54. Sloveniya Diplomatik və xidməti 90 gün

55. Suriya Diplomatik,xidməti və xüsusi 30 gün

56. Türkiyə Diplomatik, xidməti və xüsusi 90 gün

57. Türkmənistan Diplomatik və xidməti 30 gün

58. Yaponiya Diplomatik 90 gün

59. Yunanıstan Diplomatik 90 gün

60. Venesuela Diplomatik, xidməti və rəsmi 30 gün

61. Vyetnam Diplomatik, xidməti və rəsmi 30 gün

62. Uruqvay Diplomatik, xidməti və rəsmi 90 gün

II QRUP

- Azərbaycan Respublikasının və müvafiq xarici ölkənin qanunvericiliyinə əsasən, beynəlxalq sərhədkeçmə hüququ verən və növündən asılı olmayaraq hər hansı növ etibarlı pasporta - o cümlədən, diplomatik, xidməti (və ya rəsmi/xüsusi) və ya ümumvətəndaş pasportuna malik vətəndaşlar;

- həmçinin belə şəxslərlə birgə səfər edən, lakin şəxsi etibarlı pasporta malik olmayan, foto-şəkli və adı, soyadı, atasının adı rəsmi təsdiq olunmuş qaydada onların pasportuna qeyd edilmiş vətəndaşlar;

- Azərbaycan Respublikasının və ya müvafiq xarici ölkənin dövlət qurumları tərəfindən xüsusi olaraq vətəndaşlığı olmayan şəxslərə verilən, şəxsiyyəti təsdiq etməklə beynəlxalq sərhədkeçmə hüququ verən müvafiq sənədə malik vətəndaşlığı olmayan şəxslər;

- pasport itirildikdə, oğurlandıqda, yararsız hala düşdükdə və ya etibarlılıq müddəti bitdikdə şəxslərə vətəndaşı olduğu və ya daimi yaşadığı ölkəsinə qısa müddət ərzində yalnız geri qayıtmaq üçün verilən müvəqqəti sərhədkeçmə sənədinə - Vətənə qayıdış şəhadətnaməsinə malik vətəndaşlar və vətəndaşlığı olmayan şəxslər üçün vizasız gediş-gəlişi rejimi olan ölkələr.

1. Belarus 90 gün

2. Gürcüstan 90 gün

3. Qazaxıstan 90 gün

4. Qırğızıstan 90 gün

5. Moldova 90 gün

6. Özbəkistan 90 gün

7. Rusiya Federasiyası 90 gün

8. Tacikistan 90 gün

9. Ukrayna 90 gün

III QRUP

Bundan əlavə, hazırda aşağıda adı qeyd edilən ölkələr tərəfindən birtərəfli qaydada Azərbaycan Respublikasının ümumvətəndaş pasportuna malik vətəndaşları üçün müvafiq müddət çərçivəsində vizasız gediş-gəlişi rejimi tətbiq edilir:

1. İran 15 gün

2. Türkiyə 1 ay

3. Serbiya 90 gün

4. Makedoniya (2018-ci ilin 16 mart tarixindən 2019-cu ilin 15 mart tarixinədək) 90 gün

5. Monteneqro 90 gün

6. Bosniya və Herseqovina 90 gün

Mövzu ilə bağlı fikirlərini hafta.az-a açıqlayan Azərbaycan Turizm Assosiasiyasının (ATA) baş katibi Müzəffər Ağakərimov deyib ki, əgər Şengen vizası sadələşdirilərsə, Azərbaycan vətəndaşlarının vizasız səfər etmək imkanı olan ölkələrin sayı dəfələrlə arta bilər: “Şengen vizası məlum olduğu kimi Avropa ölkələrini əhatə edir. Bu vizanın sadələşdirilməsi günün tələbidir. Çünki azərbaycanlılar Türkiyə, Gürcüstandan sonra daha çox Avropa ölkələrinə səfər edirlər. Azərbaycan vətəndaşlarının vizasız səfər etmək imkanı olan ölkələrin siyahısına nəzər salsaq görərik ki, bu ölkələrin əksəriyyəti vətəndaşlarımızın mütəmadi səfər etdiyi ölkələr deyil. Yəni, bu məsələdə ancaq kəmiyyət artır. Qeyd etdiyim kimi əgər Şengen vizası sadələşdirilərsə, Azərbaycan vətəndaşlarının vizasız səfər etmək imkanı olan ölkələrin sayında dəfələrlə artım ola bilər”.

Ekspert həmçinin vurğulayıb ki, son illər Azərbaycan gəlmə turizminin inkişafı üçün daha çox işlər görüb: ”Məsələn, Azərbaycanda elektron vizaların verilməsi müddətinin azaldılaraq 5 günə endirilməsi çox təqdirəlayiq və müsbət addımdır.

Məlum olduğu kimi, Birləşmiş Ərəb Əmirlikləri, daha sonra Fars körfəzi ölkələrinin, eyni zamanda Çin, Yaponiya, Malayziya, Koreya, Sinqapur kimi ölkələrin vətəndaşları üçün sadələşdirilmiş viza rejiminə keçilməsi məsələsi həll olundu. Belə ki, artıq turistlər vizanı elə hava limanlarındaca ala bilirlər. Elektron vizanın verilməsi müddətinin azaldılması isə Qərb ölkələrindən, xüsusən də Avropadan, eləcə də MDB respublikalarından Azərbaycana gələn turistlər, iş adamları, eləcə də burada keçirilən müxtəlif tədbirlərə qatılan qonaqlar üçün çox yaxşı və rahat şərait yaradır, onların işlərini asanlaşdırır".

Sevinc

Həftə içi.- 2019.- 9 yanvar.- S.5.