"Nazirlikdə “könüllülər ili" ilə bağlı böyük proqram hazırlanıb"

Azərbaycanda fevral ayının 2-si “Gənclər günü” kimi qeyd olunur. Bu gün gənclərə kifayət qədər üstünlük verilir. Onlar dövlətin ən yüksək vəzifələrində təmsil olunurlar. “Gənclər günü “ərəfəsində hafta.az-ın müsahibi Gənclər və İdman Nazirliyinin mətbuat xidmətinin rəhbəri Səmayə Məmmədovadır. Buyurun siz də oxuyun:

- Fevralın 2-si Gənclər günü kimi qeyd edilir. Nazirlik bununla bağlı hansı tədbirlər keçirilməsini planlaşdırır?

- Tədbirlərimiz çoxdur. Ümümmilli lider Heydər Əliyevin məzarını, Şəhidlər xiyabanını ziyarəti planlaşdırılır. Bundan əlavə, gənclərlə maraqlı insanların görüşü baş tutacaq. Gənclər festifalı nəzərdə tutulub. Muğam Mərkəzində istedadlı və yaradıcı gənclərin mükafatlandırma mərasimi keçiriləcək. Əl oyunları sarayında musiqili marafon olacaq.

- Gənclər siyasətinin inkişafının davamı olaraq 2020-ci ildə hansı işlərin görülməsi planlaşdırılır?

- Ümümiyyətlə, Gənclər və İdman Nazirliyində dövlət proqramı var. 2017-2021-ci il üçün nəzərdə tutulan bu dövlət proqramından irəli gələrək, hər il üçün yeni strategiya işlənir, hazırlanır. Nəzərə alsaq ki, bu il “könüllülər” ili kimi qeyd ediləcək. Nazirlikdə bununla bağlı böyük bir proqram hazırlanıb, Nazirlər Kabinetinə göndərilib. Qəbul olunduğu təqdirdə o proqrama uyğun tədbirlər həyata keçiriləcək. Məsələn, könüllərlə bağlı “beynəlxalq könüllü liderlər”, “könüllülük menecmenti” mövzusunda konfransın keçirlməsi nəzərdə tutulub. Eyni zamanda könüllülərlə bağlı “könüllü pasport” layihəsi var.

- Artıq ölkədə gənclərin daha da fəal olmaları üçün müxtəlif layihələr reallaşdırılır. Gənclər və İdman Nazirliyi bu təşəbbüslərə hansı dəstəyi verir?

- Gənclər siyasətindən danışanda məlumdur ki, bu çox böyük bir işdir və şaxəlidir. İstər elm-təhsil sahəsində, istər yaradıcılıq sahəsində, istər digər sahələrdə kifayət qədər addımlar atılır, tədbirlər baş tutur. Bu tədbirlər birbaşa gəncləri əhatə edir. Onların fikirləri öyrənilir, tədbirlərə cəlb edilir. Onlar öz gələcək karyeralarında müsbət fikirlərin formalaşmasına nail olmuş olurlar.

- Bildiyimiz kimi, Gənclər və İdman Nazirliyi Dövlət qulluğuna hər il vakansiyalar təqdim edir. Bəs bundan əlavə olaraq gənclərin karyera qurmasında hansı işləri görür, treninqlər, əmək yarmarkaları təşkil edirmi?

- Gənclər və İdman Nazirliyi illərdir ki, İqtisad universiteti ilə birlikdə əmək yarmarkaları keçirir. Bir çox dövlət qurumlarına və eləcə də özəl sektorlara müraciətlər olunur. Əmək yarmarkasında həm bütün iş günü ilə yanaşı, yarım iş günü də işləmək istəyənlərə müraciət olunur. Əmək yarmarkalarında kifayət qədər gənc özünə iş tapır. Bundan əlavə, Nazirliyin İqtisad universitetində biznes layihəsi vardır ki, bu da illərdir həyata keçirlilr. CV-lərin yazılması, müsahibələrə hazırlıq kimi treninqlər keçirilir. Nazirlik çoxsaylı startaplara dəstək verir. Nazirlik vakansiyalar olanda Dövlət qulluğunun saytında da yerləşdirilir.

Ruzbeh

Səmayə Məmmədova

Həftə içi.- 2020.- 1-3 fevral.- S. 4.