"Azadlıq adası"yla saziş imzalandı

Mədəniyyət və turizm naziri Əbülfəz Qarayev və Kubanın xarici ticarət və sərmayə nazirinin müavini Rikardo Gerrero dünən mədəniyyət sahəsində əməkdaşlıq haqqında saziş imzalayıblar. İmzalanmadan sonra Ə.Qarayev KİV nümayəndələrinə bildirib ki, bizim çox böyük mədəni potensialımız var və bu potensialı bölüşmək istəyimiz də böyükdür.

2010-cu ildə "Azadlıq adası"nda nəinki Azərbaycan - Kuba III dövlətlərarası komissiyanın iclası keçiriləcək, həm də Azərbaycanın mədəniyyət günləri təşkil olunacaq. R.Gerrero isə öz növbəsində bildirib ki, daha sonra Azərbaycanda Kubanın mədəniyyət günləri keçiriləcək. R.Gerrero: "Musiqi, kinematoqrafiya, Bakıda müştərək sərgilərin açılması və simpoziumların keçirilməsi sahəsində Azərbaycanla əməkdaşlıq etmək bizim üçün çox maraqlıdır".

Samirə

Həftə içi.- 2009.- 19 may.- S. 7.