Gömrükçülər ötən ili uğurla başa vurublar

Dövlət Gömrük Komitəsində kollegiya iclası keçirildi

Ötən gün Dövlət Gömrük Komitəsində (DGK) bu qurumun 2008-ci ildəki fəaliyyətinin yekunlarına həsr olunmuş kollegiya iclası keçirildi. Tədbirdən əvvəl DGK sədri, gömrük xidməti general-leytenantı Aydın Əliyev başda olmaqla, gömrük əməkdaşları Fəxri xiyabanda mərhum prezident Heydər Əliyevin məzarını və Şəhidlər xiyabanını ziyarət etdilər.

Qeyd edək ki, dünən həm də Azərbaycan Gömrük Xidmətinin yaradılmasının 17 illiyi tamam oldu.

Mərasim DKG inzibati binasında davam etdirildi. Tədbirdə çıxış edən A.Əliyev 2008-ci ilin DGK üçün uğurlu olduğunu və qurumun bir sıra nailiyyətlər əldə etdiyini bildirdi. Komitə sədri dedi ki, ötən illərdə olduğu kimi, 2008-cı ildə də bu sahədə görülmüş işlər davam etdirilib, kompleks tədbirlər həyata keçirilib: "Gömrük orqanlarının mühüm vəzifələrindən biri fiskal funksiyanın - gömrük vergi və rüsumları üzrə proqnozun yerinə yetirilməsidir. 2008-cı ilin yekunlarına əsasən, Dövlət Gömrük Komitəsi üzrə nəzərdə tutulmuş 1 110,00 milyon manat gömrük vergi və rüsumu əvəzinə büdcəyə 1 110,36 milyon manat vəsait köçürülüb, proqnoz artıqlaması ilə təmin edilib. Büdcə daxilolmalarında, yəni vergi növlərində və strukturda dəyişikliklər aparılmadan - maliyyə intizamı və qaçaqmalçılığa qarşı mübarizənin gücləndirilməsi, ümumiyyətlə, gömrük nəzarətinin daha effektiv təşkili və digər sahələrdə görülən tədbirlər nəticəsində Dövlət Gömrük Komitəsi hər il olduğu kimi, ötən ildə də proqnozu artıqlaması ilə yerinə yetirib".

DKG sədrinin I müavini Səfər Mehdiyev bildirdi ki, respublikanın iqtisadi qüdrətinin artırılmasında, onun dünya iqtisadiyyatına sürətli inteqrasiyasında gömrük siyasətinin özünəməxsus rolu var. S.Mehdiyevin sözlərinə görə, ötən il ərzində respublikanın rezident və qeyri-rezidentləri tərəfindən 141 ölkə ilə aparılmış ticarət əməliyyatlarının həcmi 54.919,70 milyon dollar olub. Bu müdət ərzində 47.756,23 milyon dollar dəyərində 2127 adda mal ixrac, 7.163,47 milyon dollar dəyərində 5893 adda mal isə idxal olunub, ixrac-idxal əməliyyatları üzrə müsbət saldo 40.592,76 milyon dollar təşkil edib. Hesabat dövründə dövlət büdcəsinə köçürülmüş gömrük öənişlərinin strukturu əlavə dəyər vergisi üzrə 775,23 milyon manat, gömrük rüsumları üzrə 238,65 milyon manat, aksiz vergisi üzrə 91,15 milyon manat və ya yol vergisi üzrə 5,35 milyon manat təşkil edib. Bu da 2007-ci illə müqayisədə cəmi 338,36 milyon manat artıqdır: "Aparılan hesablamalar zamanı məlum olub ki, gömrük vergi və rüsumlarının həcminin ilbəil artımı əsasən vergitutma bazası olan idxalın artımı hesabına deyil, eyni zamanda rüsum dərəcələrinin dəyişməz qaldığı halda hesabat ilində gömrük nəzarətinin təkmilləşdirilməsi, qaçaqmalçılıq və digər hüquqpozmalara qarşı mübarizənin gücləndirilməsi, habelə maliyyə inzitamının daha da möhkəmləndirilməsi istiqamətində həyata keçirilən kompleks tədbirlər nəticəsində əldə edilib".

O, ötən il gömrük qanunvericiliyinin beynəlxalq standartlara uyğunlaşdırılması istiqamətində görülən işlərdən də söz açdı. S.Mehdiyevin dediyinə görə, Azərbaycan Respublikası Gömrük Məcəlləsinin yeni layihəsi müvafiq dövlət orqanlarının rəy və təklifləri nəzərə alınmaqla işlənib-hazırlanaraq, sənədin yekun variantı dövlətdaxili prosedurların keçirilməsi üçün Nazirlər Kabinetinə təqdim edilib. "Gömrük tarifi haqqında" qanuna əlavə və dəyişikliklər edilməsinə dair qanun layihəsi də işlənib-hazırlanıb. Qərar layihəsi Milli Məclisin ötən ilin dekabr ayındakı iclasında ilkin müzakirədən keçib: "Ötən il ərzində "Azərbaycan Respublikası gömrük sisteminin 2007-2011-ci illərdə inkişafına dair dövlət proqramının icrası ilə bağlı "Gömrük xidməti ilə biznes subyektləri arasında əməkdaşlığın əsasları haqqında" əsasnamə, "Azərbaycan Respublikası dövlət sərhədinin buraxılış məntəqələrindən keçirilən malların və nəqliyyat vasitələrinin yoxlanılmasında "bir pəncərə" prinsipinin tətbiqi haqqında" fərmana uyğun olaraq müvafiq dövlət qurumları ilə birgə mövcud qanunvericilik və digər normativ-hüquqi aktların yeni layihələri işlənib-hazırlanaraq baxılması üçün Nazirlər Kabinetinə təqdim ediblib".

Hesabat ilində gömrük orqanlarının hüquq-mühafizə fəaliyyəti haqqında məlumat verən S.Mehdiyev bildirdi ki, həyata keçirilən kompleks tədbirlər nəticəsində ötən il 4208 hüquqpozma faktı aşkarlanıb ki, onların da 175-i cinayət xarakterli fakt olmaqla təqsirli bilənən 172 nəfər barəsində müvafiq tədbirlər görülüb. Gömrük qaydaları əleyhinə inzibati xəta faktları üzrə 1468 hüquqi və 2567 fiziki şəxs inzibati məsuliyyətə cəlb edilib. Ötən il gömrük orqanları tərəfindən qeydə alınan 64 fakt üzrə 356,3 kiloqram nkarkotik vasitələr və 4204 ədəd müxtəlif növ psixotrop maddə tutulub, 22,5 ton yabanı çətənə kolu aşkar olunaraq məhv edilib. 2008-ci ildə ümumilikdə komitə üzrə 94 cinayət işinin istintaqı aparılıb, 64 nəfər təqsirkar şəxs haqqında 52 cinayət işi məhkəmə orqanlarına göndərilib, 38 nəfər barəsində həbs qətimkan tədbiri seçilib.

2009-cu ildə görüləcək tədbirlərdən danışan S.Mehdiyev qeyd etdi ki, DGK mərkəzi aparatının, habelə yerli gömrük orqanlarının bütün imkanları dövlət büdcəsinə gəlirlər hissəsində gömrük vergi və rüsumları üzrə ötən ilə nisbətən 190 milyon manat və yaxud 17,1 faiz artımla nəzərdə tutulmuş 1,3 milyard manat məbləğində proqnozun əvvəlki illərdə olduğu kimi, artıqlaması ilə yerinə yetirilməsinə yönəldilib.

Sevil

Həftə içi.- 2009.- 31 yanvar-2 fevral.- S. 3.