Üç medalla təltif
olunan Vətən müharibəsi şəhidi
Səlim Sultanovun doğum günüdür
İyunun 15-i Vətən müharibəsi
şəhidi Sultanov Səlim Sultan oğlunun doğum günüdür. Qəhrəman
əsgər döyüşdə
göstərdiyi şücaətə
görə ölümündən
sonra üç medalla təltif olunub.
Səlim 2002-ci il iyunun 15-də Quba rayonunun Zərqova kəndində anadan olub. Orta məktəbdə
təhsilini başa vurduqdan sonra 2020-ci ilin iyul ayında
hərbi xidmətə
yollanıb.
Səlim Sultanov Vətən müharibəsinin
ilk günündün
döyüşlərə qatılıb. Əvvəlcə
Suqovuşan, Ağdam cəbhələrində savaşıb.
Sonrakı döyüş
yolu Şuşa istiqamətində olub. 18 yaşlı döyüşçü
düşmənlə savaşda
şücaəti ilə
hərbiçi yoldaşlarının
rəğbətini qazanıb.
Müharibə zamanı
özüyeriyən artilleriya
taqımının heyət
üzvü kimi xidmətini yerinə yetirib.
Səlim noyabrın
2-də Xocalı rayonunun
Çanaqçı kəndi
istiqamətində döyüş
tapşırığını yerinə yetirərkən düşmən mərmisinin
partlaması nəticəsində
şəhidlik zirvəsinə
ucalıb.
“Səlim mərd, qorxmaz oğul idi. Hamının hörmətini qazanmışdı.
Vətən müharibəsində
Xocalının Çanaqçı
kəndində şəhid
olub. Bizimlə telefonla danışırdı.
Özü döyüşlərdə
olsa da, bizə ürək-dirək
verirdi. Qələbə
qazanacağıq deyirdi.
Sonuncu söhbətimizdə
bir neçə gün ona zəng
çatmayacağını söylədi. Ondan sonra şiddətli döyüşlərə girib.
Torpaqlarımızın azadlığı
uğrunda şəhid
oldu. Oğlumla fəxr edirəm”, - deyə şəhidin atası Sultan Sultanov söyləyib.
Səlim Sultanovun bir qardaşı və bir bacısı
var. O, təkcə ailəsinin yox, eləcə də təhsil aldığı
məktəbin, yaşadığı
kəndin sevimlisi olmağı bacarıb. Şəhid olmazdan bir neçə gün əvvəl ailəsi ilə əlaqə saxlayan döyüşçü düşmənin
məhv edildiyini, müharibənin bitməyinə
az qaldığını
bildirib.
Şəhid anası
Niyazə Sultanova deyib: “Səlim ortancıl övladım idi. Döyüşlər
zamanı bir neçə dəfə telefonla danışmışıq.
Sağ-salamat qayıdacağam
deyirdi. Vətənini
çox sevirdi. Vətən uğrunda da şəhid oldu”.
Səlim Sultanov Prezident İlham Əliyevin müvafiq sərəncamları ilə
“İgidliyə görə”,
“Vətən uğrunda“
və “Ağdamın azad olunmasına görə” medalları ilə təltif olunub.
Hərbi and.-2021.-18 iyun.-S.6