“Deyirdi, bəylik kostyumu mənə necə yaraşırsa, şəhidlik də o cür yaraşar!”
Bu gün haqqında söz açacağım qəhrəmanımız Vətən müharibəsinin növbəti şəhidi Sahil Rasim oğlu Məmmədovdur.
Sahil Məmmədov
7 iyun 1995-ci ildə Naxçıvan Muxtar Respublikası Naxçıvan
şəhər Qaraçuq
qəsəbəsində anadan
olub. 2001-2005-ci illərdə Qaraçuq kənd orta məktəbində,
2005-2009-ci illərdə isə
H.Əliyev adına
tam orta məktəbdə
təhsil alıb.
2009-2012-cı illərdə H.Əliyev adına
Hərbi liseyə daxil olub. 2012-ci ildə Heydər Əliyev adına
Azərbaycan Ali Hərbi
Məktəbinə daxil
olub. 2016-cı ildə həmin məktəbin "motoatıcı"
ixtisası üzrə
bitirib. 2016-cı il
iyul 4-də Müdafiə
nazirinin müvafiq əmrinə əsasən
xidmətini davam etdirmək üçün “N” saylı hərbi birləşmənin
snayper bölüyündə
bölük komandirinin
müavini, 2019-cu ilin
mart ayında “N” saylı
hərbi hissədə
Həmlə taborunda taqım komandiri vəzifəsində xidmət
edib. Ailəli idi, bir qız övladı yadigar qaldı.
Şəhidin atası Məmmədov Rasim bəy deyir ki, Sahilgil
7 sentyabr 2020-ci ildə
Göygölün Toğana
kəndi istiqamətində
təlimlərdə oldular. Mütəmadi
olaraq əlaqə saxlayırdıq:
“Sual edirdim vəziyyət necədir? Deyirdi, hər
şey əladır.
Dedi, taksiyə zəng eləmişəm
evə qayıdıram
bura çox dumanlıdır. Taksi gəlməyib, deyib
bura qalxa bilmirəm, duman oturub yerə göz gözü görmür. 3500 metr hündürlükdə
idi. Heç həyat yoldaşına deməmişdi ki, sabah müharibədir.
Sadəcə bir mesaj yazmışdı ki, “mənə zəng çatmasa, narahat olmayın”. 28-i buna zəng çatmadı, gəzmədiyim
yer qalmadı, balamı axtarırdım.
Fikirləşdim ki, ola bilər
mühasirəyə düşüblər.
Şəmkir korpusunda
bir nəfər naxçıvanlı zabit
dedi ki, onlar neytral zonada
qalıb, şəhid
olublar. Balamı axtardıq, inanmadıq
şəhid olar, hətta hərbi prokurorluğa getdim. Goronboya kimi getdim, orada
mənə Müdafiə
Nazirliyndən məlumat
verdilər.
Qızım zəng etdi ki, anamın vəziyyəti yaxşı
deyil. 2020-ci il
26 noyabrda qayıtdım
evə gəldim.
2020-ci il dekabrın 3-də hərbi
prokrorluqdan zəng etdilər ki, bəs uşaq müəyyən edilib. Oğlumla, gəlinim getdi Gəncədəki evi boşaltdılar. Balaca
oğluma dedim, get, hərbi prokurorluqda gözləyirlər.
68 gün yüksəklikdə,
qarın altında qalıblar. Qarşı postdan minamyotla
vurmuşdular, boğazından
yaralanmışdı, bronjletini
deşmişdi. 10 saat atışma olub, sübh tezdən, hardasa, 6 radələrinə kimi, həmin gün şəhid olub. Bakıya gətiriləndə həyat
yoldaşı deyib ki, mən görməmiş
inanmaram. 2020-ci il dekabrın 4-ü tapıldı, 7-si Naxçıvanda
dəfn edildi. Sahil balam 68 gün sonra torpağa tapşırıldı...”
Şəhid anası Məmmədova
Sahilə xanım bildirir ki, ailədə
şəhidimizlə birgə
üç övladımız
var, iki oğlan, bir qız:
"Böyük qızımız
Rasimə, ikinci övladımız Sahil, üçüncü övladımız
Amil. Şəhidimizin övladı Şəms
2018-ci ildə Naxçıvan
şəhərində anadan
olub, 5 yaşı var, bağçada təhsil alır. Sahil çox savadlı uşaq idi. 100 nəfərin içində
ən seçilmiş
uşaq idi. General-mayor Polad Həşimovla
Tovuzda bir yerdə döyüşmüşdü.
Deyirdi, Polad Həşimov bizim yeməklərimizi çəkir, kompotlarmıza
kimi süzürdü.
Çox
sadə insan idi. Oğlum deyirdi ki, bəylik
kostyumu mənə necə yaraşırsa,
şəhidlik də
o cür yaraşar!
Kiçik əmisi də hərbçi idi. O, polkovnik əmisini gördükcə deyirdi, mən də hərbçi olacağam. Bütün nəslin ilk oğul övladı idi. Gözəl rəssam idi, yaxşı gitara çalırdı, mükəmməl inglis dili bilirdi. Bütün qohumlarmızın toy şəkillərini qara qələmlə çəkərdi.
Allah bütün şəhidlərimizə rəhmət eləsin! Onlar bir mələk imiş, heç bilməmişik mələklə bir evdə yaşamışıq. Şəhidlər hamısı seçilmişlər idi. Allah cəmi şəhidlərimizə rəhmət eləsin, amin!
Hazırda Naxçıvan şəhərində adlarına heç nə yoxdur. Adına Bakıda yerləşən orta məktəblərin birində sinif otağı veriblər. Ailəmizin şəxsi vəsaiti hesabına Qalada adına abidə bulaq kompleksi tikdirmişik. Hazırda öz təşəbbüsümüzlə 9 nömrəli məktəbin yanında abidə-bulaq kompleksi tikdirəcəyik”.
Azərbaycan Ordusunun əsgəri Sahil Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ Kəlbəcər istiqamətində gedən döyüşlərdə iştirak edib. 28.09.2020-cu il tarixində gedən döyüşlərdə qəhrəmancasına şəhid olub.. 68 gün sonra nəşi tapılaraq 07.12.2020-ci il tarixində Naxçıvan şəhəri Qaracuq qəsəbəsində dəfn olunub.
Məmmədov Sahil Rasım oğlu Azərbaycan ordusunun yaranmasının 100 illiyi ilə bağlı Yubiley medalına layiq görülüb. 44 günlük Vətən Müharibəsində döyüş hazırlığındakı nailiyyətləri və xidmətdə fərqləndiyinə görə isə ölümündən sonra Azərbaycan Prezidenti İlham Əliyevin Sərəncamına əsasən “Vətən uğrunda”, “İgidliyinə görə”, “Kəlbəcərin alınmasına görə” medalları və “3-cü dərəcəli Rəşadət medalı ilə təltif edilib.
Ruhun şad
olsun, əziz qardaşım!
Aydın
Tağıyev
Müstəqil araşdırmaçı jurnalist
mr-aydin@mail.ru
Hərbi And.- 2023.- 14 aprel.- S.5.