"Elgünü 12
ildən sonra tapmışdım…" -
Şəhid anası
Bu gün haqqında söz açacağım
qəhrəmanımız Vətən
müharibəsi şəhidi
Elgün Heydər oğlu Sadıqovdur.
Elgün Heydər
oğlu Sadıqov
Ağdam rayonu Xındırstan kəndində
2000-ci ildə yanvarın
11-də anadan olub. 2006-cı ildə Elgün Sadıqov Ağdam rayon Xındırıstan
kənd orta məktəbinin birinci sinfinə daxil olub və 2017-ci ildə həmin məktəbin XI sinifini bitirib. O, 2018-2019-cu illərdə həqiqi hərbi xidmətə olub. 15 aprel 2020-ci ildə
müddətdən artıq
hərbi xidmətə
qəbul olunub və Ağdamda “N” saylı hərbi hissədə xidmət edib
Şəhidin Anası Sadıqova
Şənbə xanım
deyir ki, onların ailəsində
3 övladı var, iki qız və
şəhid Elgün:
"Böyük qızımız
Lalə və ikinci övladımız Gülnarə. Evimizin sonbeşiyi Elgün
idi. Balam orta təhsilli
idi. Hərbi hissədə müddətdən
artıq xidmət edirdi. Sürücü vəzifəsində idi. Elgünü 12 ildən sonra
tapmışdım. O, mənə çox əziz idi. Həm də mənə çox bağlı idi. Mən onunla nəfəs
alırdım. Oğlumun
adına Ağdam və Bakıdakı orta məktəblərdə
sinif otaqları,həmçinin abidə
bulaq kompleksi var.
Allah şəhidlərimizə rəhmət
eləsin, qazilərimizə
cansağlığı versin!
Mənim
oğlum mənim igidim idi. Mən onunla həmişə fəxr etmişəm.
O, bizə ən təmiz adı qoyub getdi. Bizdə onun
adını daima ucalarda yaşadacağıq!"
Şəhidin bacısı Lalə
xanım deyir ki, qardaşım çox mehriban idi: "O, hamının sevimlisi olub. O, nəinki bu qonşuların, bütün
kəndin sevimlisidir. Heç kəsi incitməzdi, heç kəsə pis olmazdı. O, yaxşı idi deyə, elə bil onu Allah apardı..."
Azərbaycan Ordusunun əsgəri
olan Elgün Sadıqov 2020-ci il sentyabrın 27-də Azərbaycan
Silahlı Qüvvələri
tərəfindən Ermənistan
işğalı altında
olan ərazilərin azad edilməsi və Azərbaycanın ərazi bütövlüyünün
bərpa olunması üçün başlanan
Vətən müharibəsində
atıcı olaraq iştirak etmişdir. Ağdamın azadlığı uğrunda gedən döyüşlərdə vuruşub.
Elgün
Sadıqov 23 oktyabr
2020-ci ildə Ağdam
rayonu istiqamətində
döyüş tapşırığının
yerinə yetirilməsi
zamanı şəhid
olub. Ağdam rayonunun Quzanlı qəsəbəsində yerləşən
Şəhidlər Xiyabanında
dəfn edilib
Azərbaycanın ərazi bütövlüyünün
təmin edilməsi uğrunda döyüş
əməliyyatlarına qatılan
və hərbi hissə qarşısında
qoyulmuş tapşırıqların
icrası zamanı vəzifə borcunu şərəflə yerinə
yetirdiyi üçün
Azərbaycan Prezidenti İlham Əliyevin Sərəncamlarına əsasən
Elgün Sadıqov ölümündən sonra
"Vətən uğrunda"
və "Ağdamın
azad olunmasına görə" medalları
ilə təltif olunub.
Ruhun şad olsun, igid qardaşım!
Aydın Tağıyev
Müstəqil araşdırmaçı jurnalist
mr-aydin@mail.ru
Hərbi And.- 2023.- 19 may.- S.7.