Unitar Turan dövlətinə doğru…

Və yaxud bu gün Turan dövlətinin yaradılmasının qarşısında hansı maneələr var?

Bu günlərdə vesti.ru saytında Rusiyanın prezidenti V.Putinin Türkiyə və cənab R.T.Ərdoğan haqqında söylədiyi fikirlər də rus-türk münasibətlərinin məhz bu istiqamətdə inkişafının zəruri olduğunu rusiya prezidentinin də başa düşdüyünə və buna meyilli olduğunu ehtimal etməyə əsas verir.

V.Putin Türkiyə və prezident Ərdoğan haqqında ona verilən suala belə cavab verib: “Mən bilirəm ki, bu gün Türkiyə ilə bizim ticarət balansımız 20 milyard dollardan çoxdur. Bilirəm ki, Türkiyə real olaraq bu əməkdaşlığın inkişaf etdirilməsində maraqlıdır. Bilirəm ki, prezident Ərdoğan müstəqil xarici siyasət həyata keçirir. Heç bir təzyiqə baxmadan biz kifayət qədər qısa müddətdə “Türk axını” layihəsini reallaşdırdıq. Biz Avropa ilə bu günədək bu mövzunu illərlə çeynəyirik, Avropa heç cür hansısa elementar müstəqillik və suverenlik nümayiş etdirə bilmir ki, onlar üçün tamamilə sərfəli olan “Şimal-2” layihəsini reallaşdıraq. Lakin biz Türkiyə ilə heç bir etirazlara baxmayaraq bunu kifayət qədər qısa müddətdə edə bildik. Həm də başqa sahələrdə, məsələn, hərbi-texniki əməkdaşlıq sahəsində. Türkiyə qərara gəldi ki, ona bu günə dünyada ən müasir sistem, Rusiya istehsalı olan S-400 triumf lazımdır, dedi və aldı. Belə həmkarla işləmək nəinki xoşdur, həm də etibarlıdır”.

Putin Ərdoğan haqqında da deyib ki: “Prezident Ərdoğanın mövqeyi nə qədər sərt görünsə də o, bütün hallarda elastik adamdır,onunla ümumi dil tapmaq olar”. Bütün bunlar göstərir ki, o reallığı düzgün dərk edərək praqmatik qərar qəbul etməyə, yəni Turan dövlətinin mövcudluğunun Rusiyanın milli və dövlət maraqları üçün əhəmiyyətli bir amil olmasını dərk etməyə qabil adamdır. Nə qədər ki, Türkiyədə R.Ərdoğan, Qazaxıstanda N.Nazarbayev, Pakistanda İmran xan, Azərbaycanda İ.Əliyev ayaqdadır Turan Konfederasiyasının ən azı təşkilati və hərbi strukturlarının formalaşdırılmasının fövqəladə əhəmiyyəti var. Özbəkistanın, Türkmənistan və Qırğızıstanın rəhbərlərini də bu dördlük yəqin ki, başa sala bilər.

Türk və rus milli maraqlarının Turan dövlətinin yaranmasını labüd edən amilləri və Rusiya-Turan dövlətlərinin qarşılıqlı maraqlar üzərində hərtərəfli müttəfiqlik səviyyəsində qurulan münasibətlərinin zəruriliyini 2020-ci ildə “Elm və təhsil” nəşriyyatında çap edilmiş “Взаимосвязь объективных экономических законов социально-экономическими формациями и превращения объединение туркских государств в единое государство Туран. Основные статьи конституции государства Туран” китабындакы “Зачем национальные интересы туркской и русской нации неизбежно требует создание Туранского государства?” məqaləsində ətraflı göstərmişəm.

Turan dövlətinin qurulmasının nə dərəcədə zəruri olduğunu dərk etmək üçün bu gün bütün dünyada irili xırdalı türk düşmənlərinin türk dövlətlərinə bütün sahələrdə basqı göstərməsinə nəzər salmaq kifayətdir.

Rusiya Qazaxstana ərazi iddiası irəli sürür, Çin Qazaxıstanın bütün ərazisini özünün tarixi ərazisi elan edir. Türkiyənin Aralıq dənizində özünün qanuni hüquqlarını reallaşdırmaq cəhdlərinə görə xristian və müsəlman ölkələri Türkiyəyə qarşı hərbi koalisiya yaradaraq Türkiyəni hədələyir. Rusiyada, Fransada, İranda və bir sıra digər ölkələrdə leqal və qeyri-leqal erməni mafiyalarının bu ölkələrin dövlət büdcəsindən və vətəndaşlarından qarət etdikləri pullar hesabına yallandırıb saxladıqları köpəklər vasitəsilə real faktlara, ciddi sənədlərə göz yumaraq, Azərbaycana şər və böhtan vasitəsilə təzyiqlər göstərirləpr. Hamısının da məqsədli şəkildə türkləri təkləyərək, daim zəif, aciz durumda saxlamağa çalışırlar. Çünki, bu halda, belə olduqda türklərə bütün hallarda istədikləri zülmü edə, aşağılaya bilirlər.

Bu baxımdan təkcə Rusiya Federasiyası dövlət dumasının deputatı Konstantin Zatulinin Rusiyanın “Federal yeniliklər agentliyinin” müxbiri ilə 26.10.2020-ci il tarixdəki söhbətində dediklərinə nəzər salmaq yetərlidir. Konstantin Zatulin müxbirlə söhbətində bildirir ki; “Azərbaycan iştaha gəlib. Ya Qarabağ zonasında Bakını sülhə məcbur etmək üçün iradə nümayiş etdirilməlidir, ya da biz “qələbəyə qədər” döyüş planının nəticələrini görəcəyik. Zaqafqaziya respublikası başçısının sözləri qətiyyətli formada səslənir. Azərbaycan məsələnin hərbi həllinə və Türkiyənin köməyinə arxalanır. Bu halda dövrü olaraq atəşkəs elan olunur, müşahidəçilərin tərkibi Azərbaycanın mövqeyi üzundən müəyyən olunmadığından bu atəşkəsə əməl olunmur”.

Rusiya parlamentinin özündən müştəbeh, ermənilərin qabağına atdığı tula payı ilə yallanan deputatının bütün danışığında onun azərbaycanlılara, Azərbaycan dövlətinə qarşı nə dərəcədə nifrət bəsləməsilə yanaşı mövzunun bütün çalarlarında özünün şovinist düşüncəsini, qatı ermənipərəstliyini nümayiş etdirir.

Zatulinin “Azərbaycan iştaha gəlib” ifadəsi onun Azərbaycana müstəqil dövlət kimi yox, rusiyanın vassalı, müstəmləkəsi kimi baxmasına, “Bakını sülhə məcbur etmək üçün iradə nümayiş etdirilməlidir” ifadəsi isə Rusiyanın Azərbaycana hərbi güc tətbiq etməsini nəzərdə tutur. “Müşahidəçilərin tərkibi Azərbaycanın mövqeyi üzündən müəyyən olunmadığından atəşkəsə əməl olunmur” – deməsinin isə mahiyyəti budur ki, Azərbaycan Qarabağa müşahidəçilər və yaxud sülhməramların gətiriləcəyi halda Türkiyənin müşahidəçiləri və sülhməramlılarının da bu heyyətdə olmasını qəti olaraq tələb etdiyini nəzərdə tutur. Çünki, bu halda “dərə xəlvət, tülkü bəy” ola bilməyəcəyindən Minsk həmsədrlər üçlüyü 30 (otuz) il ərzində etdikləri kimi Azərbaycan torpaqlarında erməni işğalını möhkəmləndirərək sonda Azərbaycanı onu Ermənistana verməyə məcbur etmək üçün VASİTƏÇİLİK edə bilməyəcəklər.

Zatulin sonra deyir: “İndi artıq üçüncü real barışıq qüvvəyə minmir. Bu fonda Azərbaycan sonadək getmək arzusunu bildirir. Atəşkəs əldə edildiyi vaxtda Bakı barışığın müvəqqəti texniki və qısamüddətli olduğunu bildirir. Bu barışıq onu Qarabağın kimə məxsus olmasının hərbi qüvvə ilə həll etmək arzusundan çəkindirmir. İndi söhbət təkcə tutulmuş qarabağətrafı rayonların geri qaytarılmasından getmir, döyüşlər artıq Qarabağın öz ərazilərində gedir”.

Birincisi, əldə olunan atəşkəs barışıq deyil. Onun məqsədi ölənlərin, yaralanların, əsirlərin dəyişdirilməsi, dinc əhalinin döyüş zonasından çıxarılmasını həyata keçirmək üçün nəzərdə tutulub. Bakı atəşkəsin məqsəd və müddətini tamamilə açıq və dəqiq ifadə edib. Həm də Bakı arzusunu deyil, işğalçı qoşunun və terrorçuların Azərbaycan torpaqlarından xoşluqla çıxmadığı halda, onları Azərbaycan prezidentinin dediyi kimi, iti qovub çıxaran kimi ərazilərimizdən çıxarmaqda qətiyyətimizi bildirib.

İkincisi, əgər Ermənistan rəhbərliyi “Qarabağ Ermənistandır. Nöqtə.” deyirsə, Azərbaycanın öz torpağını hərbi yolla azad etməkdən başqa yolu qalırmı? Əlbəttə, yox. Zatulin isə Qarabağın kimə məxsus olması barədə mənasız danışıqların sonsuz olaraq davam etdirilməsi yolu ilə Qarabağı Ermənistanın tərkibinə daxil etməyi ARZULAYIR və “Döyüşlər artıq Qarabağın öz ərazisində gedir”, deməklə məsələyə bələd olmayanlarda Qarabağın müstəqil dövlət olması və ya Qarabağın Ermənistan ərazisi olması haqqında təsəvvür yaratmaq istəyir. Belə hallarda bizim kənddəkilər Zatulin və onun kimilərə, iştahına qoz halvası deyirlər.

Zatulin sonra bildirir ki, “Əliyevin ermənilərin də Dağlıq Qarabağda azərbaycanlılar kimi Azərbaycanın tərkibində heç bir problem olmadan yaşayacağına ictimaiyyəti əmin etməsi sadəcə olaraq ictimai rəyi sakitləşdirmək məqsədilə barışığa tərəf ünvanlanan başqa sözlər kimi əfsanədir. Əliyevin sözlərinə heç kəs inanmır. Düşünürəm ki, erməni xalqına münasibətini dəfələrlə sübut edən, sözlərinə özü belə inanmayan Əliyev bu məsələlərdən utanmır. Ermənistanda və Qarabağda ermənilərin azərbaycanlılarla birgə yaşaya bilməsinə inansaydılar mən buna çox təəccüblənərdim”.

Ermənilərin Azərbaycanda azərbaycanlılar kimi yaşayacağı barədə Əliyevin sözünə gəldikdə bunun aksioma kimi sübut olunmasına heç bir ehtiyac yoxdur. Belə ki, son otuz ildə ermənilərin Ermənistan ərazilərindən terror edilərək, yaxınlarına işgəncə verməklə, öldürərək qovduqları 400 min azərbaycanlı, Dağlıq Qarabağ və ətrafındakı yeddi rayonun 600 minə yaxın əhalisinin terror edərək öz yurdlarından didərgin saldıqları azərbaycanlılar bu otuz il ərzində hazırda Azərbaycanda yaşayan 60 minə yaxın erməni ilə birlikdə yaşayırsa sənin kimilərin, Ermənistanda yaşayan ermənilərin və ya Dağlıq Qarabağda dünyanın hər yerindən gətirilmiş erməni terrorçuların buna inanıb-inanmayacağının heç bir əhəmiyyəti yoxdur. Ancaq bu başqa məsələdir ki, sən ermənilər deyəndə Azərbaycan dövlətinə, azərbaycan xalqına qarşı cinayət etmiş erməniləri nəzərdə tutursan. Əlbəttə ki, bu cinayətkarlar nəinki azərbaycanlılarla birlikdə yaşaya bilməzlər, onları heç vaxt Azərbaycana turist kimi gəlməyə belə buraxmayacaqlar. Əliyev ermənilər deyəndə Azərbaycan dövlətinə və xalqına qarşı heç vaxt, heç bir cinayət törətməmiş, 1991-ci ilə qədər Azərbaycan SSR-da SSRİ vətəndaşı olaraq yaşamış erməniləri nəzərdə tutur.

O ki, qaldı Əliyevin erməni xalqına münasibətini dəfələrlə sübut etməsinə, yenə də sənin nəyi nəzərdə tutduğuna aydınlıq gətirmək lazımdır. Deyim ki, bilməyənlər bilsin, sənin də yadına düşsün.

Ardı var

Şapur QASİMİ

Hürriyyət.- 2020.- 8-9 dekabr.- S.13.