Şanlı tariximizin qəhrəmanı

Azərbaycanın hərb tarixinə qızıl hərflərlə yazılan 44 günlük haqq savaşımızda Vətən naminə sinəsini sipər edib şəhidlik zirvəsinə ucalan qəhrəmanlardan bir də Raqib Əzizovdur. Məhz buna görə də doğulub boya-başa çatdığı Masallı rayonunun Yolağac kəndində kiçikdən tutmuş böyüyə kimi hamı adını iftixarla çəkir və onun keçdiyi 29 illik şərəfli ömür yolunu örnək sayırlar. Qanı bahasına qəhrəmanlıq salnaməsini yazan Raqib bu yolu həm də Vətəninə, millətinə başucalığı gətirmək üçün seçmişdi. Və çətin məqamda amalına sadiq qalaraq, qəlbində bəslədiyi sədaqət borcunu ləyaqətlə yerinə yetirib.

Raqib həyatı dərk edən gündən Vətəninin torpağına, daşına o qədər sevdalanmışdı ki, erməni vandalların Azərbaycanımızın müqəddəs bir parçası olan Qarabağa təcavüzü ilə heç cür barışa bilməyib. Həmçinin, birinci arzusu elə nifrət bəslədiyi ermənilərdən qisas almaq olub. Buna görə də əsgər yaşı çatanda ürəkdən sevinib.

2009-2011-ci illərdə Azərbaycan Hərbi Dəniz Qüvvələrinin "N" saylı hissəsində müddətli həqiqi hərbi xidmətdə olanda Vətəninə, dövlətinə ləyaqətli xidməti ilə sayılıb, sevilib. Təlimlərdə isə cəsurluğu, çevikliyi, ağıllı hərəkətləri həmişə onu komandirlərin yanında üzüağ edib.

Əsgəri borcunu yerinə yetirən igid Vətən sevdalısı döyüş meydanında dığalarla üz-üzə gəlib, onların başını əzmək üçün yenidən orduya qayıdıb. 2012-2013-cü illərdə Azərbaycan Silahlı Qüvvələrinin TTM-də təhsil alıb, mükəmməl öyrəndikdən sonra "N" saylı hərbi hissədə bağlama rabitə bölüyünün mobil retransiyasiya stansiyasının rəisi vəzifəsində xidmət edib və özünü yağıdan qisas almağa tam hazırlayıb. Odur ki, Vətən müharibəsi başlanan kimi gözünü qırpmadan öz yerini odlu-alovlu səngərlərdə alıb.

İgid döyüşçü Hadrut qəsəbəsinin və Füzulinin azadlığı uğrunda gedən qanlı savaşda rəşadət və şücaət göstərib. Yağının kabusuna çevirməklə yüzlərlə canlı qüvvəsini, neçə-neçə hərbi texnikasını məhv edib. Çətin müharibə meydanlarından üzüağ çıxmaqla şanlı qələməmizə qədər yol gedib. Raqib Vətən torpağında yazdığı şanlı tarixə ürəkdən sevinib, qalib bir ölkənin vətəndaşı olmağına qürur duyub.

Şanlı qələbəmizdən sonra bütün dünyada ifşa olunmuş bir qrup erməni dığası dekabrın 8-də Xocavənd rayonunun Hadrut qəsəbəsi istiqamətində Azərbaycan Ordusunun bölmələrinə hücum edib. Görülən tədbirlər nəticəsində onlar layiqli cavabını alsalar da, gizir Raqib Əzizov şəhidlik zirvəsinə ucalıb.

Qəlbi Vətən, torpaq sevgisi ilə döyünən qəhrəman milyonların ürəyində özünə əbədi məkan qurmaqla bərabər, həm də dövlət tərəfindən "Vətən uğrunda", "Xocavəndin azad olunmasına görə", "Zəngilanın azad olunmasına görə" medallarına layiq görülüb.

Zəfər ORUCOĞLU,

Azərbaycan Jurnalistlər Birliyinin üzvü

Hürriyyət.- 2024.- 20 fevral, №7.- S.10.