Unudulmaz 50 illik ömür yolu...

Masallıda şəhidin 50 illik yubileyi qeyd olunub

Martın 13-də Şərəfə kənd Folklor Evi və kitabxanasının birgə təşkilatçılığı ilə şəhid Tələt Əlquliyevin 50 illik yubileyinə həsr olunmuş tədbir keçirilib.

Kənddə şəhidlərin xatirəsinə ucaldılmış Abidə Kompleksinin önündə keçirilən tədbirdə təşkilatçı müəssisələrin əməkdaşları, Q. İsmayılov adına kənd məktəbinin müəllim və şagird kollektivi iştirak edib.

Tədbiri giriş sözü ilə açan Şərəfə kənd Folkor Evinin direktoru Dürdanə Hüseynova şəhidin həyat və döyüş yolundan bəhs edib.

Tədbirdə çıxış edən şəhidin qardaşı Ə.Əliquliyev, şəhidin sinif və döyüş yoldaşları, qazilər və müəssisə rəhbərləri onunla bağlı xatirələrini tədbir iştirakçıları ilə bölüşüblər.

Sonra şagirdlərin idasında şeirlər səsləndirilib.

Yekunda şəhidin məzarı ziyarət olunub.

Zəfər ORUCOĞLU

Hürriyyət.- 2025.- 18 mart, №11.- S.11.