Narkomaniya əsrimizin bəlasıdır

Narkomaniya sərhəd tanımayan beynəlxalq problemə çevrilib. Qatı cinayətlər arasında insanların sağlamlığına ciddi təsir edən narkotik vasitələrin satışı, transferi ağır fəsadlara yol açır. Dövlətin siyasətinin əsasında vətəndaş amilinin dayandığını nəzərə alsaq, bu istiqamətdə həyata keçirilən tədbirlərin, atılan addımların əhəmiyyətini daha aydın dərk etmək olar. Dövlət başçısı İlham Əliyev hər zaman bildirir ki, ölkə əhalisinin sağlamlığı prioritet məsələlərdəndir. Gənclər arasında idmanın, mədəni-kütləvi tədbirlərin genişləndirilməsində də əsas məqsədlərdən biri sağlamlığın təmin edilməsi ilə yanaşı, insanların belə ağır fəsadlar törədən vərdişlərdən uzaqlaşdırılmasına nail olmaqdır.

Bütün idarə və müəssisələrdə, Bakının hər bir rayonunda narkomanlığın cəmiyyətə ziyanına dair keçirilən silsilə tədbirlərdə də əsas məqsəd məhz maarifləndirmənin lazımi səviyyədə təşkilidir. Həmçinin asudə vaxtın səmərəliliyi üçün müxtəlif məşğələlər təşkil edilir, elmi-praktiki konfranslar keçirilir, tədris-təlim proqramlarına narkomanlığın sağlamlığa mənfi təsiri ilə bağlı mövzular daxil edilir, kütləvi idman tədbirlərinin keçirilməsi üçün müvafiq şərait yaradılır, əyani təbliğat vasitələrindən istifadə olunur. Məktəblilər və yeniyetmələr arasında cinayətkarlığın, mənfi meyilli amillərin qarşısını almaq məqsədilə ümumtəhsil məktəblərində təşkil olunan tədbirlərdə, dəyirmi masalarda narkomaniyanın bəşəriyyət üçün böyük faciə olduğunu özündə əks etdirən mövzular ətrafında geniş fikir mübadiləsi aparılır, inşa yazı və rəsm müsabiqələri təşkil olunur, gənclərin bu təhlükəli cinayətlə bağlı fikir və mülahizələri öyrənilir. Seçilən mövzularda müxtəliflik özünü göstərsə də, ümumi məqsəd narkomaniyaya qarşı birgə mübarizənin vacibliyini aşılamaq, gənc nəsli bu bəladan uzaq olmağa çağırmaqdır. “Narkomaniya və müasir gənclik”, “Narkomaniya cəmiyyətin qəddar düşmənidir”, “Narkomaniyaya qarşı hamılıqla mübarizə”, “Narkomaniya nədir?”, “Zərərli vərdişlərə yox deyirik” devizi altında təşkil olunan tədbirlər maarifləndirmə işinin yüksək səviyyədə qurulmasına öz müsbət təsirini göstərir. Təbii ki, hər bir tədbir öz mahiyyəti və əhəmiyyəti baxımından diqqətçəkəndir. Tədbirlər planının tərkib hissəsinin genişləndirməklə qarşıya qoyulan məqsədə lazımi səviyyədə nail olmaq mümkündür. Bir sözlə, səylərin birləşdirilməsi uğurlu başlanğıc olmaqla, həm də hədəfə çatmaq üçün əsasdır.

Dövlət başçısı İlham Əliyevin imzaladığı “Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə Proqram ( 2007-2012-ci illər)”dan irəli gələn vəzifələrin yerinə yetirilməsi istiqamətində tədbirlər davamlılığı ilə diqqət çəkir. Məqsəd ölkə əhalisinin sağlamlığının qorunması üçün ciddi təhlükə olan, sosial-iqtisadi inkişafa mənfi təsir göstərən narkotik maddələrin ölkəmizə idxalının qarşısının alınmasıdır. Narkotik vasitələrin, psixotrop maddələrin və prekursorların qanunsuz dövriyyəsi ilə mübarizə aparılması Azərbaycan Respublikası Cinayət Məcəlləsində öz əksini tapıb. Sənəddə qeyd olunduğu kimi, narkotik vasitələrin və psixotrop maddələrin qanunsuz dövriyyəsi cinayətlərə aid edilmiş, bu cür neqativ hallara qarşı mübarizəni əhatə edən hüquqi baza, tədbirlər planı təkmilləşdirilmişdir. Cənab İlham Əliyevin sərəncamına əsasən Narkomanlığa və narkotik vasitələrin qeyri-qanuni dövriyyəsinə qarşı mübarizə üzrə” yaradılmış Dövlət Komissiyası ölkədə bu sahədə aparılan mübarizə tədbirlərinə xüsusi təkan vermişdir. Azərbaycan “Narkotik vasitələrin, psixotrop maddələrin və prekursorların qanunsuz dövriyyəsinə qarşı mübarizə haqqında”” BMT Konvensiyasına qoşulduqdan sonra üzərinə götürdüyü öhdəliklərin yerinə yetirilməsi istiqamətində bir sıra müvafiq əməli tədbirlər həyata keçirib. Ia?eiiaieuuui uyieeeyoy ay einaiea?ui naueaieuuuia ceeaiu, ao nauyay y??oləi oyaae?ey? ay iiea?ui iyoeuyey?e aa?yay yualinin məlumatlandırılması istiqamətində aparılan təbliğat işlərinin gücləndirilməsində də məqsəd beynəlxalq səviyyədə həyata keçirilən narkomanlığa qarşı mübarizədə Azərbaycanın fəallığını təmin etməkdir.

Hüquq mühafizə, gömrük orqanlarının bu sahədə apardıqları mübarizə tədbirləri nəticəsində ölkəyə qeyri-qanuni, qaçaqmalçılıq yolları ilə gətirilən xeyli miqdarda narkotik maddələrin müsadirə olunaraq zərəsizləşdirilməsi istiqamətində mübarizə tədbirləri davamlı olaraq diqqətdə saxlanılır.

Prezident İlham Əliyevin 2007-ci il 28 iyun tarixli sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə Proqram”dan irəli gələn vəzifələrin yerinə yetirilməsi məqsədilə cari ilin ötən dövründə Ekologiya və Təbii Sərvətlər Nazirliyinin müvafıq qurumları tərəfındən bir sıra tədbirlər həyata keçirilib. Belə ki, bu istiqamətdə profılaktiki tədbirlər gücləndirilmiş, xüsusi mühafızə olunan təbiət əraziləri və meşə fondu torpaqlarında narkotik xassəli yabanı və qanunsuz əkilən bitkilərin məhv edilməsi ilə əlaqədar müvafıq əməkdaşlar təlimatlandırılmış, narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılmasına qarşı bölgələrdə təbliğat və maarifləndirmə işləri aparılmışdır.

“Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə Proqramı” çərçivəsində Nazirliyin müvafıq qurumları tərəfindən 2013-cü ilin ötən dövrü ərzində bölgələrdə qabaqlayıcı kompleks profılaktik tədbirlərin həyata keçirilməsi məqsədilə rayon icra hakimiyyətlərinin, icra nümayəndəliklərinin, bələdiyyələrin, əhalinin və məktəblilərin iştirakı ilə “Narkomaniya əsrimizin bəlasıdır”, “Narkomaniyaya qarşı mübarizə”, “Sağlam həyat tərzini seç”, “Narkomaniyaya qarşı mübarizə yollarını nədə görürsünüz?”, “Əsrimizin bəlası olan narkomaniyaya yox deyək” və s. mövzularda təbliğat xarakterli yığıncaqlar keçirilmiş, narkomanlığın yayılması, narkotik vasitələrin və onların prekursorlarının qanunsuz dövriyyəsinə qarşı mübarizə ilə bağlı ətraflı fıkir mübadiləsi aparılmışdır. Bu müddət ərzində təhsil müəssisələrində də həmin mövzularda şagirdlərlə söhbətlər aparılmış, mövzulara uyğun bukletlər hazırlanaraq onlara paylanılmış və bu məsələlərə dair münasibətləri ətraflı öyrənilmişdir.

Bütün bunların nəticəsi olaraq, 2013-cü ilin ötən dövrü ərzində xüsusi mühafızə olunan təbiət ərazilərində və meşə fondu torpaqlarında tərkibində narkotik xassəli maddələr olan bitkilərin əkilib-becərilməsi və yabanı bitməsi hallarına rast gəlinməmişdir.

Ümumyyətlə, narkoxassəli bitkilər aşkar edildikdə qabaqlayıcı kompleks tədbirlərin görülməsi barədə Nazirliyin aidiyyəti tabeli qurumlarının rəhbərlərinə müvafıq tapşırıqlar verilmişdir. Bu məqsədlə bölgələrdə monitorinqlərin, reydlərin keçirilməsi davam etdirilir və bu tədbirlər daim diqqət mərkəzindədir.

Göründüyü kimi, tədbirlər davamlıdır və birgə səylər öz müsbət nəticəsini verir.

Amil Sefiyev,

Ekologiya və Təbii Sərvətlər Nazirliyinin Ekoloji təbliğat şöbəsinin müdiri

İki sahil.- 2013.- 8 iyun.- S.23.