“Azəriqaz”da ciddi təhlükəsizlik

təbirləri həyata keçirilir

Noyabr ayında “təhlükəsizlik aylığı” elan edilmiş və “Müştəri məmnuniyyəti”

Beynəlxalq Standartı üzrə təlim-seminarı təşkil olunmuşdur

ARDNŞ -nin “Azəriqaz” İstehsalat Birliyi ölkə ərazisində aparılan geniş miqyaslı qazlaşma, mövcud qaz şəbəkələrinin əsaslı təmiri və yenidənqurma işləri ilə yanaşı işçilərin əmək şəraitinin yaxşılaşdırılması və sağlamlığının qorunması, idarəetmə strukturunun təkmilləşdirilməsi, işçilərin bilik səviyyələrinin artırılması, istehlakçıların təhlükəsiz və etibarlı qaydada təbii qazla təhciz olunması və beynəlxalq standartların tətbiqi istiqamətində aparıdığı önəmli işləri 2014-cü ildə də davam etdirmişdir.

İB-in baş direktorunun Əməyin mühafizəsi üzrə müavini Ruslan Əliyev bildirdiyinə görə, Birliyin tabeli təşkilatları üçün yeni inzibati binaların və köməkçi tikililərin inşası cari ildə də davam etdirilmiş, işçilər “ARDNŞ-in işçilərinə xüsusi geyim və fərdi mühafizə vasitələrinin pulsuz verilməsi Normaları”na əsasən xüsusi geyim və fərdi mühafizə vasitələri ilə tam təmin olunmuşlar. Bundan əlavə istehsalat prosesi zamanı təhlükəsiz əmək şəraitinin yaradılması və ətraf mühitə olan təsirin minimuma endirilməsi sahəsində mühüm işlər görülmüş və nəticədə Təlim, Tədris və Sertifikatlaşdırma İdarəsinin dəstəyi ilə Birlik Türk Standartları İnstitutu tərəfindən OHSAS 18001 “Əməyin mühafizəsi və təhlükəsizliyi idarəetmə sistemi”, ISO 14001 “Ətraf mühitin idarə edilməsi sistemi” və ISO 9001 “Keyfiyyəti İdarəetmə Sistemi”nin standartları üzrə sertifikatlara layıq görülmüşdür. Hazırda “Azəriqaz” İstehsalat Birliyində İdarəetmə aparatının, region və şəhər qaz istismar sahələrinin birbaşa istehlakçılarla işləyən struktur bölmə rəhbərlərinin və baş mütəxəssislərin iştirakı ilə Türk Standartları İnstitutu tərəfindən TS EN ISO 10002 “Müştəri məmnuniyyəti” Beynəlxalq Standartı üzrə təlim-seminarı təşkil edilmişdir. Belə ki, standartın tətbiqi nəticəsində Birlik istehlakçıların şikayətlərinin dinlənilməsində, cavablandırılmasında, analiz edilməsində və sonda müştəri məmnuniyyətinin qazanılmasında daha geniş imkanlara nail olacağıq. Həmçinin bu standartın tətbiq olunması bizə imkan verəcək ki, istehlakçı şikayətlərinə vaxtında, qərəzsiz və obyektiv yanaşaraq həll edək və şikayətləin sayını minimuma endirək. Birlik tərəfindən 2014-cü il üçün tərtib olunmuş siyahı əsasında zərərli və təhlükəli istehsalat sahələrində çalışan işçilərin dövri tibbi müayinədən keçirilməsi işləri başa çatdırılmışdır.

Ruslan Əliyevin sözlərinə görə, istehlakçıların təbii qazla fasiləsiz və təhlükəsiz qaydada təmin olunması və müştəri məmnuniyyətinin qazanılması, istismar işlərinin ölkə ərazisində qüvvədə olan norma və qaydalara uyğun olaraq icra olunması, təbii qazla əlaqədar baş verə biləcək qəza və bədbəxt hadisələrin qarşısının alınması üçün həyata keçirilən qabaqlayıcı tədbirlərin keyfiyyətinin artırılması istiqamətində Birlikdə mövcud idarəetmə sisteminin təkmilləşdirilməsi məqsədilə bir sıra struktur dəyişikləri aparılmışdır. Bu işlərdən biri də Abşeron rayonu və Bakı şəhərindəki istehlakçılara Azərbaycan Respublikası Nazirlər Kabinetinin 12.05.2011-ci il tarixli 80 saylı qərarı ilə təsdiq edilmiş “Qazdan istifadə qaydaları”nda qazpaylayıcının üzərinə düşən vəzifələrin vaxtında və yüksək peşəkarlıqla yerinə yetirilməsi üçün Birliyin idarəetmə aparatında Qaz kəmərlərinə və cihazlarına texniki xidmət sahəsi yaradılmasıdır. Yeni sahə tərəfindən əsasnaməyə əsasən xidmət göstərilən ərazidə yaşayış evlərində olan məişət-qaz cihazlarının sayı və növlərinin qeydiyyatı aparılmalı, müəyyən edilmiş qaydada və müddətdə tərtib olunmuş qrafiklərə uyğun olaraq mənzildaxili qaz avadanlıqlarına texniki baxış işləri yerinə yetirilməlidir. Əməkdaşları yalnız mühəndis-texniki işçilərdən ibarət olan sahənin fəaliyyət göstərdiyi ilk günlərdən aparılan texniki baxış işlərinin keyfiyyət göstəricilərinin yüksək olması qarşıda qoyulmuş vəzifələrin öhdəsindən layiqincə gəlinməsinə əminlik yaradır.Yaxın müddətdə qeyd edilən sahənin işçi personalla tam təmin olunması və istehlakçılara göstərilən texniki xidmət işlərinin tərtib olunmuş qrafiklər əsasında plana uyğun şəkildə yerinə yetirilməsi təmin olunacaqdır.

Birlikdə idarəetmənin təkmilləşdirilməsi məqsədilə həyata keçirilən tədbirlərdən biri də xarici qaz kəmərləri və onlar üzərindəki avadanlıqlarda olan sızmaların ləğv edilməsi və təmiri işlərinin operativ qaydada yerinə yetirilməsinin təmin olunması üçün Təmir Tikinti idarəsində Qəza təmir bərpa sahəsinin yaradılmasıdır. Lazımi avadanlıq, xüsusi texnika və nəqliyyat vasitələri ilə tam təmin olunmuş bu sahə günün istənilən vaxtında baş vermiş qəzaların vaxtında ləğv edilməsi və xarici qaz kəmərlərində təxirəsalınmadan həyata keçirilməsi tələb edilən təmir işlərinin yerinə yetirilməsinə imkan yaratmışdır. Həyata keçirilən tədbirlərdəndigəri də yeraltı və yerüstü xarici qaz kəmərləri və onlar üzərində olan avadanlıqlarda baş vermiş qaz sızmalarının vaxtında aşkar olunması üçün qaz sızmalarının aşkar olunması üçün müasir qazanalizedici cihazlarla təchiz edilmiş nəqliyyat vasitələrinə və mobil qazanalizatorlara malik olan xüsusi ixtisaslaşmış SENTRA MMC-nin tərkibində yaradılmış “Təmiz Qaz” xidməti ilə müqavilənin bağlanmasıdır. “Təmiz Qaz” xidmətinin fəaliyyət göstərdiyi qısa müddət ərzində ən cüzi qaz sızmaları barədə vaxtaşırı olaraq məlumatların verilməsi bu sahədə baş verə biləcək arzuolunmaz hadisələrin qarşısının vaxtında alınmasına imkan verir.

Hazırda istehlakçıların “Azəriqaz” İB-ə olan ehtimadının artırılması və müştəri məmnuniyyətinin qazanılması məqsədilə 104 qaz qəza xidməti və 185 qaynar xəttində “Callcenter” adlı xidmətin yaradılması istiqamətində intensiv işlər aparılır. Yaxın günlərdə bu işlərin başa çatması istehlakçıların lazımi məlumatların qeyd edilən telefonlar vasitəsi ilə daha etibarlı və operativ şəkildə Birliyə verməsinə imkan yaradacaqdır ki, bu da öz növbəsində işlərin günün tələbləri səviyyəsində qurulmasına şərait yaradacaqdır. Təbii qazın istifadəsi ilə əlaqədar baş verə biləcək arzuolunmaz hadisələrin qarşısının alınması ilə bağlı həyata keçirilən tədbirlərdən biri də yaşayış evlərində və ictimai binalarda daxili qaz avadanlıqlarına texniki baxış və profilaktik xidmət işlərinin vaxtında və yüksək keçirilməsidir. Məhz bunu nəzərə alaraq sentyabr ayından başlayaraq Abşeron yarımadasında yerləşən qaz istismar sahələrinin baş mühəndislərinin, rəis müavinlərinin, texniki istismar şöbələrinin və yaşayış yerlərində qaz xətlərinə və məişət qaz cihazlarına nəzarət xidmətlərinin rəislərinin, əməyin mühafizəsi və təhlükəsizlik texnikası üzrə mühəndislərin və Birliyin idarəetmə aparatının aidiyyəti əməkdaşlarının iştirakı ilə geniş iclas keçirilmiş və bu sahə birlik rəhbərliyinin ciddi nəzarətinə götürülmüşdür. Belə ki, Birliyin idarəetmə aparatının aidiyyəti şöbələrinin mütəxəssisləri tərəfindən yerlərdə texniki baxış və profilaktik xidmət işlərinin yerinə yetirilmə vəziyyətinin mütəmadi olaraq araşdırılması və aşkar edilmiş çatışmazlıqların dərhal aradan qaldırılması təmin olunmuşdur.

Bundan əlavə təbii qazla əlaqədar baş verə biləcək hadisələrin qarşısının alınmasında istehlakçıların maarifləndirilməsinin və abonentlər tərəfindən təhlükəsizlik qydalarına riayət olunması xüsusi əhəmiyyət kəsb edir. Məhz bunu nəzərə alaraq cari lin noyabr ayı təhlükəsizlik aylığı elan edilmiş və onun lazımi səviyyədə keçirilməsi üçün Tədbirlər Planı hazırlanmışdır. Tədbirlər planına uyğun olaraq istehlakçıların növbənkənar təlimatlarılmasına və maarifləndirmə məqsədilə çap olunmuş 1 milyon ədəd qazdan istifadə qaydarını əks etdirən bukletlərin paylanılmasına başlanılmış, QİS-lərdə mühəndis texniki işçilərdən ibarət növbətçilik təşkil olunmuş və gücləndirilmiş iş rejiminə keçirilmişdir.

R.Əliyev qeyd etdi ki, “Azəriqaz” İB-nin müvafiq əmri əsasında Birliyin idarəetmə aparatının mühəndis texniki işçilərinin biliklərinin yoxlanılması məqsədilə müəyyən hazırlıq işləri görülmüş, imtahan sualları tərtib və təsdiq edilərək aidiyyəti struktur bölmələrə çatdırılmışdır. Test qaydasında keçirilmiş bu imtahanlarda plan üzrə nəzərdə tutulmuş işçi personalın biliyi yoxlanılmışdır. Hazırda imtahan zamanı biliyi qeyri-kafi qiymətləndirilmiş və müəyyən səbəblərdən imtahanlarda iştirak etməmiş və tabeli təşkilatların aidiyyəti işçilərin biliklərinin yoxlanılması üçün yenidən imtahanlar keçiriləcəkdir.

Sonda R. Əliyev bildirdi ki, Birliyin kollektivi ölkə prezidenti İlham Əliyev cənablarının yaşayış məntəqələrinin qazlaşdırılması barədə tapşırığının layiqincə icra olunması, istehlakçıların təhlükəsiz və etibarlı qaydada təbii qazla təchiz olunması ilə bağlı üzərinə düşən vəzifələrin yüksək keyfiyyətlə yerinə yetirilməsi üçün bundan sonra da var qüvvəsi ilə çalışacaqdır.

Elçin Zaman

İki sahil.- 2014.- 20 noyabr.- S.12.