Saatlının bu günü
Ulu öndər Heydər Əliyev demişdir: “Azərbaycan dünyaya Günəş kimi doğacaq”. Doğrudan da Azərbaycan
bu gün dünyaya Günəş
kimi doğmuş, inkişafda olan bir ölkəyə çevrilmişdir. Onun bütün
bölgələrində olduğu
kimi, Saatlıda da aparılan abadlıq, quruculuq işləri göz oxşayır.
Saatlının ərazisi 1180,5 kv.km-dir. Onun 1 şəhəri, 43 kəndi, 36 inzibati ərazi dairəsi, 36 bələdiyyəsi, 103212 nəfər
əhalisi var. Müasir
müstəqil Azərbaycanın
bütün rayonları
kimi, Saatlı rayonu da bütün
sahələr üzrə
sürətlə inkişaf
edir. Bu inkişafın
təməlində ulu
öndər Heydər
Əliyevin əsasını
qoyduğu, bu gün Azərbaycan Prezidenti cənab İlham Əliyevin uğurla davam etdirdiyi siyasət dayanır. Son illər baş verən iqtisadi yüksəliş, sosial tərəqqi müasir Saatlının reallıqlarıdır.
Saatlılılar bu yüksəlişə dövlətimizin
başçısı İlham
Əliyevin yüksək
diqqət və qayğısı sayəsində
nail olmuşlar. Son 10 il
müddətində cənab
İlham Əliyev Saatlıya 6 dəfə səfər etmiş, rayonun sosial-iqtisadi inkişafının sürətlənməsinə
Prezident Fondundan milyonlarla manat pul vəsaiti ayrılmış, sosial-iqtisadi
inkişafı ilə
bağlı əlavə
tədbirlər haqqında
10-dan artıq Sərəncam
imzalanmışdır.
2015-ci ildə rayonda ümumi məhsul istehsalı 2,8 faiz artaraq 217839,6 min manat olmuşdur. Ümumi məhsul istehsalının
həcmində qeyri-dövlət
sektorunun xüsusi çəkisi 84 faiz təşkil etmişdir.
Məhsul buraxılışının
həcmində kənd
təsərrüfatı üzrə
6 faiz, rabitə üzrə 7 faiz, ticarət üzrə 9,4 faiz, nəqliyyat üzrə 4,3 faiz artım olmuşdur. Ötən il
rayonda 2329 kv.m-dən çox olan yaşayış evləri
tikilib istifadəyə
verilmişdir. Bunun 8517 kv.m-i
əhalinin öz vəsaitləri hesabına
olmuşdur. 2015-ci ildə Saatlı şəhərinin Nizami küçəsi boyunca
150 kv.m sahədə səkilər yüksək
keyfiyyətli beton piltələrlə yenilənmiş,
100 kv.m səki daşı düzülmüşdür.
Heydər Əliyev prospektində
30 000 kv.m sahədə
asfaltlaşdırma işləri
görülmüşdür. Şəhərin H.Aslanov küçəsində
4 ədəd müasir
işıq dirəyi quraşdırılmışdır.
Rayonda idman-sağlamlıq
obyektlərinin əsaslı
təmiri və tikintisi sahəsində yüksək səviyyədə
keyfiyyətli işlər
görülmüşdür. Olimpiya İdman
Kompleksinin 800 tamaşaçı
yerlik üzgüçülük
hovuzunun və 5 ədəd kottec binasının tikintisi başa çatmışdır.
Olimpiya İdman Kompleksinin əsas korpusunun zirzəmisində mərmər
tavanların döşənməsi,
müxtəlif ventilyasiya
avadanlıqlarının və
kondinsionerlərin quraşdırılması,
50 m3-lik su anbarının
tikintiləri yekunlaşmışdır.
Rayonda
son illərdə tikilmiş
mərkəzi xəstəxana
müasir tələblərə
cavab verir. Bu xəstəxana ölkə başçısının
Sərəncamı ilə
tikilmişdir. Yeni xəstəxanada
126 çarpayılıq, müasir
tibbi avadanlıqlarla təchiz edilmiş cərrahiyyə, doğum,
pediatriya, reanimasiya, terapiya, ginekologiya, təcili yardım, uşaq və böyüklər üçün
infeksiya xəstəlikləri
şöbəsi fəaliyyət
göstərir. Xəstəxananın
açılışında möhtərəm Prezidentimiz
İlham Əliyev demişdir: “Şadam ki, az müddət
ərzində yüksək
səviyyəli təmir
işləri aparılmışdır.
Hazırda bütün lazımi
tibbi avadanlıqlar
var. Şərait gözəldir.
İndi bu xəstəxana ən yüksək standartlara cavab verir”.
Son illərdə Prezident İlham Əliyevin Sərəncamı və şəxsi tapşırığı
ilə 2872 şagirdlik
14 məktəb, o cümlədən
Heydər Əliyev Fondunun “Yeniləşən
Azərbaycanın yeni
məktəb layihəsi”
çərçivəsində 200 şagird yerlik 1 məktəb binası tikilmişdir. 7560 şagird yerlik 11 məktəb binası əsaslı təmir edilmişdir. Azərbaycan Prezidentinin Sərəncamı
və ayırdığı
pul vəsaiti ilə Saatlı Gənclər Mərkəzi
inşa edilmişdir.
Prezident İlham Əliyevin Sərəncamı
və ayırdığı
pul vəsaiti hesabına Şahmat məktəbi, Olimpiya İdman Kompleksi, Heydər Əliyev Mərkəzi, Tarix-diyarşünaslıq
muzeyi istifadəyə
verilmiş, evlərini
sel suları basmış Novruzlu kəndində 178 evdən
ibarət böyük
bir qəsəbə salınmışdır. Zərər
çəkmiş ailələrə
558 fərdi ev
tikilmişdir. 18 evdə təmir-bərpa işləri görülmüş,
3 məktəb binası,
Nərimankənd qonaq
evi və həkim ambulatoriyası, 2
kənd məscidi əsaslı təmir edilmişdir. Su daşqını
zamanı yararsız hala düşən Saatlı-Musalı Mərkəzi
avtomobil yolu Prezident İlham Əliyevin Sərəncamı
və ayırdığı
pul vəsaiti hesabına tam təmir edilib yenidən çəkilib, 8 mindən
artıq insanların istifadəsinə verilmişdir.
Smadakənd-Qarayevka yolu da əhalinin istifadəsinə
verilmişdir.
Saatlı şəhərində Bayraq
meydanı və Şəhidlər xiyabanı
müasir inkişaf etmiş Azərbaycana uyğun olaraq yenidən qurulmuşdur.
Saatlı rayonunda aparılan abadlıq-quruculuq işlərinə
uyğun olaraq bütün sahələrdə
insanlara yüksək xidmət göstərilir. Mənim şəxsi
müşahidələrim bu
nəticəyə gəlməyimə
əsas verir. Əhaliyə yüksək
səviyyədə xidmət
göstərilməsi son vaxtlar
Saatlı rayonunda
kadrların düzgün
seçilib yerləşdirilməsi
ilə birbaşa əlaqəlidir.
Əlifağa Türkelli,
“Qızıl qələm” mükafatı
laureatı
İki sahil.- 2016.- 23 iyun.- S.15.