Mixək əkdim ləyəndə...

Şifahi xalq ədəbiyyatında da insan sağlamlığına faydaları haqqında yazılan mixəyin ədviyyatlar arasında ilk sıralarda dayanması təsadüfi deyil

Mixəkdən çay kimi istifadə ilə yanaşı həm də yeməklərə xüsusi bir dad vermək üçün istifadə edilir.. Çox güclü bir aromaya sahib olan mıxəkdən tibbdə də istifadə olunur. Mixəyin qoxusu kimi onun fayda və zərəri də kəskindir. Bir çox qorxulu xəstəlikdən qorunmaq üçün mıixəkdən kömək istəmək olar. Düzgün və mütəmadi istifadə edildikdə çox faydalıdır. Mixək çox qədim zamanlardan bəri insanlar tərəfindən qəbul edilən və xəstəliklərin müalicəsində stifadə olunan bir bitkidir. B6, omeqa 3, omeqa 6 vitaminləri ilə zəngin olmaqla yanaşı, yaxşı kalsium, magnezium kimi maddələri özündə toplayır.

Mixəyin sağlamlığa faydaları

Bildiyimiz kimi, mixəyin ağrıkəsici xüsusiyyəti var. Çox kəskin diş ağrıları zamanı tez bir zamanda ağrını aradan qaldırır. Buna görə məhz diş məcunlarının tərkibində mixək olur. Bununla yanaşı, antioksid maddəsinin bolluğuna görə xərçəngin müalicəsində, nəfəs yolu xəstəliklərində istifadə edilir, saçların və dırnaqların möhkəmlənməsinə kömək edir.

Mixək sinuzitə (haymorit) müalicə edir

Xüsusilə haymorit problemi olan insanlar qış aylarında kəskin baş ağrıları ilə qarşılaşırlar. Mütəxəssislər mixəyin haymoriti təmizləmək qabiliyyətinə sahib olduğunu qeyd edirlər. Belə ki, haymoritə qarşı mixək tozunu burnunuza çəkməyi məsləhət görürlər. Lakin bunu edərkən diqqətli olmalısınız. Çünki mixəyin tozu da özü qədər güclüdür.

Mixəyin köpə faydası

Mixək su ilə qarışdırılaraq və ya çay kimi hazırlanıb istifadə edilir. Bu şəkildə istifadə olunduqda qarın bölgəsindəki köpü aradan qaldırır.

Mixəyin soyuqdəyməyə faydası

Soyuqdəymə zamanı mixək yağını balla qarışdırıb içsəniz tez bir zamanda şəfa taparsınız. Bunu hazırlamaq üçün ilıq suya bir qədər mixək yağı əlavə edilib qarışdırılır və bir miqdar da bal əlavə olunaraq istifadə edilir. Gündə 2-3 dəfə istifadə edildikdə öskürəyi azaldır.

Yorğunluğu aradan qaldırır

Mixəyin yorğunluğu aradan qaldırmaq kimi bir xüsusiyyəti də mövcuddur. Xüsusilə də sinir sisteminə çox faydası vardır. Yorğunluğun əmələ gətirdiyi neqativ düşüncələrdən sizi uzaqlaşdırır və rahatlıq hissi bəxş edir. Mixəyin rahatladıcı xüsusiyyəti sizi stresdən uzaq tutacaq. İçdiyiniz çaya bir az nanə və mixək əlavə etsəniz stresə qarşı güclü bir qalxan əmələ gətirərsiniz.

Mixəyin dəriyə faydası

Mixək tozunun dəriyə çox faydası vardır. Bu məqsədlə əsasən mixək yağından daha çox istifadə olunur. Lakin dəriyə şox miqdarda mixək yağı əlavə etmək zərərli ola bilər. Mixək yağı dəri xəstəliklərinin müalicəsində istifadə olunur. Mixək yağının sızanaqların müalicəsindəki faydası elmi yolla isbat olunub. Əsasən əl və üz üçün istifadə edilir. Dəriyə vurduqda xəfif uyuşma hissi verir. Tərkibindəki antibiotik sayəsində sızanaqları yox edir. Sızanaqlarla yanaşı, həm də dəridə əmələ gələn qara nöqtələri də aradan qaldırır. Eyni zamanda intihablı yaralarada güclü təsiri vardır. Mixək yağını birbaşa dəriyə vurmaq olmaz. Kreminizə qarışdıraraq istifadə etsəniz daha gözəl nəticə əldə edərsiniz.

Mixəyin saça faydaları

Sağlam saçlara sahib olmaq hər kəsin arzusudur. Elə isə mixəkdən istifadə etməyiniz məsləhətdir. Mixək saç köklərini qidalandırır, möhkəmləndirir və tökülməsinin qarşısını alır. Bununla yanaşı, saç rəngini tündləşdirir, təbii və onun sağlam görünməsinə kömək edir.

Röya Şahbazi

İki sahil.- 2016.- 2 noyabr.- S.16.