Azərbaycan elminin yeni inkişaf mərhələsi ümummilli lider Heydər Əliyevin adı ilə bağlıdır

Dekabrın 11-də Azərbaycan Milli Elmlər Akademiyasının (AMEA) Rəyasət Heyətində ümummilli lider Heydər Əliyevin vəfatının 14-cü ildönümü münasibətilə tədbir keçirilib.

AZƏRTAC xəbər verir ki, tədbirdə AMEA-nın prezidenti, akademik Akif Əlizadə müstəqil Azərbaycanın qurulmasında, inkişafında və dünyaya tanıdılmasında ümummilli lider Heydər Əliyevin tarixi xidmətlərindən, respublikamız dövlət müstəqilliyini bərpa etdikdən sonra Ulu Öndərin ölkəmizdə elmin inkişafına göstərdiyi diqqət və qayğıdan söz açıb.

Akademik A.Əlizadə ulu öndər Heydər Əliyevin XX əsrin Azərbaycana, xalqımıza, dünyaya bəxş etdiyi ən böyük vətəndaş, dahi şəxsiyyət, müdrik siyasi xadim, əbədi lider olduğunu vurğulayıb, Ümummilli Liderin respublikamızın gələcəyi naminə göstərdiyi böyük fəaliyyətin nəticələrinin zaman keçdikcə daha aydın göründüyünü söyləyib. Qeyd edilib ki, bu fəaliyyət xalqın gələcəyi üçün uzaqgörənliklə düşünülüb, ən yüksək dəyərlər səviyyəsində qiymətləndirilib və milli inkişafın strateji proqramı kimi qəbul olunub. Hazırda Ulu Öndərin milli quruculuq proqramı zamana və şəraitə uyğun olaraq uğurla həyata keçir.

AMEA-nın rəhbəri tarixə ekskursiya edərək ulu öndər Heydər Əliyevin Azərbaycan Kommunist Partiyası Mərkəzi Komitəsinin 1969-cu ilin avqust plenumundakı çıxışını xatırladıb: “Ümummilli lider Heydər Əliyevin plenumda qaldırdığı məsələlər, çıxışı zamanı söylədiyi fikirlər onun strategiyasını, uzaqgörənliyini o vaxtdan müəyyənləşdirdi. Həmin plenumda Azərbaycanın bugünkü inkişafının təməli qoyuldu”.

Ümummilli lider Heydər Əliyevin iştirak etdiyi, neftlə bağlı iclaslara Geologiya İnstitutunun direktoru kimi qatıldığını deyən akademik A.Əlizadə hələ o zamanlar Ulu Öndər tərəfindən Azərbaycan neftinin idarəedilməsinə dair səsləndirilən fikirlərin düşünülmüş addım olduğunu bildirib.

AMEA-nın rəhbəri Ulu Öndərin hər zaman ölkəmizdə elmin, təhsilin, akademiyanın inkişafına göstərdiyi diqqət və qayğıdan söz açıb, görkəmli dövlət xadiminin daim alimlərimizin, ziyalılarımızın əməyini yüksək qiymətləndirdiyini söyləyib. Qeyd edilib ki, Azərbaycan elminin yeni inkişaf mərhələsi ümummilli lider Heydər Əliyevin adı ilə bağlıdır.

AMEA-nın vitse-prezidenti, akademik İsa Həbibbəyli ümummilli lider Heydər Əliyevin ölkəmizə rəhbərlik etdiyi hər iki dövrdə bütün sahələrdə müdrik və məqsədyönlü siyasətindən, respublikamızın sürətli inkişafında həyata keçirdiyi islahatlardan söz açıb.

Ulu Öndərin elmi-ideoloji mühitlə bağlı gördüyü işlərdən danışan akademik İ.Həbibbəyli azərbaycançılıq ideologiyasının, bu konseptual vəzifənin məhz ümummilli lider Heydər Əliyevin adı ilə bağlı olduğunu qeyd edib. Azərbaycançılığın milli ideyadan dövlət ideologiyası səviyyəsinə qaldırılmasında Ulu Öndərin əvəzsiz xidmətlərinin olduğunu bildirib. Qeyd edilib ki, Azərbaycanın çoxəsrlik tarixində ilk dəfə azərbaycançılıq müstəqil Azərbaycan dövlətinin ideologiyası səviyyəsinə qaldırılıb. Ölkəmiz bütün sahələrdə sürətli inkişafa məhz bu müdrik siyasi xadimin böyük səyləri sayəsində müvəffəq olub. Dahi şəxsiyyətin Azərbaycanın dövlətçilik tarixində müstəsna yeri olduğunu söyləyən İ.Həbibbəyli azərbaycançılıq məfkurəsinin parlaq daşıyıcısı kimi ulu öndər Heydər Əliyevin müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsi, müasir Azərbaycan dövlətinin qurulması və xalqımızın müstəqillik arzusuna çatmasına nail olduğunu söyləyib.

AMEA-nın vitse-prezidenti dahi liderin xidmətləri və qayğısı sayəsində müxtəlif sahələrdə yeni məktəblərin formalaşdığını, dünya azərbaycanlıları anlayışının yarandığını və eyniadlı qurultayın keçirildiyini, Azərbaycan dilinin qorunması və təkmilləşdirilməsinə başlanıldığını, milli dövlətçiliyimizə göstərilən qayğının bariz nümunəsi olaraq mədəniyyət, ədəbiyyat və incəsənət alimlərinə, ədiblərimizə verilən qiymətin dəyişdiyini vurğulayıb.

Sonra Azərbaycan Respublikası Milli Məclisinin ictimai birliklər və dini qurumlar komitəsinin sədri, Yeni Azərbaycan Partiyası (YAP) icra katibinin müavini Siyavuş Novruzov “Heydər Əliyev və Yeni Azərbaycan Partiyası” mövzusunda məruzə ilə çıxış edib.

S.Novruzov Azərbaycan dövlətinin həyatında həlledici rolu olan dahi şəxsiyyət Heydər Əliyevin xalqımız qarşısında xidmətlərindən bəhs edib. Ümummilli Liderin Azərbaycanın çətin dönəmlərində bütün maneələrə baxmayaraq xalqı bu vəziyyətdən çıxara bildiyini deyib.

Qeyd edilib ki, Azərbaycanın çoxəsrlik dövlətçilik tarixində özünün müstəsna əhəmiyyəti, xalqımızın nəinki bu günü, həm də gələcək taleyinin müəyyənləşdirilməsi baxımından Heydər Əliyev epoxası bənzərsizdir. Əsl vətəndaş, tarixi şəxsiyyət və ümummilli lider kimi Heydər Əliyev millətini, torpağını fəlakətdən qurtarıb, onu çevriliş, qiyam cəhdlərindən hifz edərək dirçəliş və inkişafa doğru yönəldib, cəmiyyətdə özünəinam hissini bərpa edib, ölkəmizdə sabitlik və firavanlığa təminat yaradıb.

S.Novruzov YAP-ın yaranması və inkişafı tarixindən söz açıb, ümummilli lider Heydər Əliyevin siyasi kursunun bu gün ölkəmizdə Prezident İlham Əliyev tərəfindən uğurla davam etdirildiyini bildirib. Qeyd olunub ki, Ulu Öndərin əsasını qoyduğu YAP dünənin, bu günün və gələcəyin partiyasıdır və xalqın ali maraqlarını, üstün siyasi iradəsini ləyaqətlə öz fəaliyyətində əks etdirir. YAP Azərbaycan dövlətçiliyinin qorunub saxlanması, onun ərazi bütövlüyünün qorunması, sosial-iqtisadi inkişaf, sosial problemlərin həlli, islahatların həyata keçirilməsi istiqamətində xeyli uğurlu addımlar atıb və bundan sonra da atacaq.

Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı “Heydər Əliyev və İslam həmrəyliyi” mövzusunda məruzəsində görkəmli dövlət xadiminin dünyanın hər yerində yad edilən böyük şəxsiyyət olduğunu bildirib. M.Qurbanlı Ulu Öndərin xatirəsini anma gününün bir çox ölkələrdə qeyd edildiyini bildirib. Dövlətimizin söykənəcəyi ideoloji prinsipləri əvvəlcədən müəyyənləşdirən Ümummilli Liderin yaratdığı bu prinsiplərin əbədi olduğunu vurğulayan natiq dahi şəxsiyyətin Azərbaycan xalqı üçün çox böyük irs qoyduğunu diqqətə çatdırıb.

Komitə sədri ulu öndər Heydər Əliyevin zəngin həyat və fəaliyyətindən, müasir müstəqil dövlətimizin yaranmasında və möhkəmlənməsində tarixi xidmətlərindən söz açıb, dahi rəhbərin siyasətinin Prezident İlham Əliyev tərəfindən qətiyyətlə davam etdirildiyini diqqətə çatdırıb. Bildirilib ki, müasir müstəqil dövlətimizin yaranmasında .

İki sahil.- 2017.- 12 dekabr.- S.15.