Qəhvənin insan orqanizminə faydaları

Tropik isti iqlimlərdə yetişən qəhvə ağacı əkildikdən 3 il sonra meyvə verməyə başlayır və 30 il fasiləsiz meyvə verir. Dünyada qəhvə istehsalında Braziliya öndə olsa da, onun ardından Vietnam və Kolumbiya gəlir. Bu gün artıq qəhvə dünyada neftdən sonra ən böyük ticarət qolunu təşkil edir.

Qəhvənin sağlamlığa faydaları

Bir stəkan qəhvə baş ağrısına ,qaraciyər və mədə narahatlıqlarına yaxşı təsir edir. Tərkibində olan antioksid maddələrlə xərçəng hüceyrələrinin yayılmasının qarşısını alır. Sinir sistemini xəbərdar edərək bədənə qüvvət və enerji verir. Öd daşlarının əmələ gəlməsini böyük nisbətdə əngəlləyir. Son araşdırmalar nəticəsində qəhvənin selüloitləri aradan qaldırdığı ortaya çıxmışdır. Hamiləlik dövründə isə 300 mq-dan çox qəhvə içmək ana bətnindəki körpəyə zərər verdiyi mövzusunda mütəxəssislər həmfikirdir.

Zehinə faydaları:

Qəhvə zehnin oyaq qalmasını təmin edir. Zehnin müqavimətli və oyanıq olmasına köməkçi olur. Eyni zamanda, hər səhər içilən bir fincan qəhvə günə daha gümrah və enerjili başlamaq imkanı verir. Stresi yox edir və qan təzyiqini yüksəldir.

Arıqlamağa kömək edir:

Qəhvənin tərkibindəki kafein artıq yağların əriməsi üçün ideal bir maddədir. Mövzu ilə bağlı aparılan araşdırmalar nəticəsində qəhvənin maddələr mübadiləsini sürətləndirdiyi məlum olmuşdur.

Fiziki performansı artırır:

Qəhvədə olan kafein bədəndəki yağ hüceyrələrini hərəkətə gətirir. Bu proses bədənin müxtəlif yerlərinə siqnallar göndərir və nəticədə qanda adrenalinin səviyyəsi artır. Bu vəziyyət sıx fiziki efor üçün bədəni hazır hala gətirmək üçün faydalıdır. Bu xüsusiyyətinə görə, idmançılar məşqə başlamazdan əvvəl qəhvədən istifadə edirlər.

Alzheymer xəstəliyinin qarşısını alır:

Alzheymer xəstəliyi dünyada ən çox yayılmış xəstəliklərdən biridir. Bu xəstəlik ümumiyyətlə 65 yaşdan yuxarı insanlarda müşahidə edilir. Təəssüf ki, bir müalicə metodu yoxdur. Ancaq bəlli başlanğıc mərhələsindən təsbit edilməsi nəticəsində bəzi tədbirlər görülə bilər. Aparılan araşdırmalar nəticəsində məlum olub ki, qəhvə, sağlam qidalanma və idman kimi bəzi tədbirlər xəstəliyin qarşısını alır.

Parkinson xəstəliyinə tutulma riskini azaldır:

Parkinson xəstəliyi Alzheymerdən sonra dünya səviyyəsində ən çox yayılan ikinci xəstəlikdir. Bu xəstəliyə beynin dopamin istehsal edən neytronların ölümü səbəb olur. Alzheymer xəstəliyində olduğu kimi bu xəstəliyin də bəlli bir müalicəsi yoxdur. Bu xəstəlik üzərində aparılan araşdırmalar qəhvənin ehtiva etdiyi kafeinin xəstəliyə tutulma riskini azaltdığını göstərir. Bəzi araşdırmalar nəticəsində qəhvə istifadə edən insanların, etməyənlərə 60% nisbətində Parkinson xəstəliyinə daha az tutulduğu məlum olmuşdur.

Qaraciyərin sağlamlığını qoruyur:

Qaraciyər insan bədənində ən əhəmiyyətli orqanlardandır. Qaraciyər xəstəlikləri arasında xüsusilə keçmişdə müalicəsi çətin olan serroz xəstəliyinə çox tez-tez rast gəlirik.

Bununla əlaqəli aparılan araşdırmalar gündə 4 fincan qəhvə içənlərin qaraciyər xəstəliklərinə, xüsusilə serroz xəstəliyinə tutulma riskinin azaldığını göstərir.

Depressiya ilə mübarizəyə kömək edir:

Depressiya həyat keyfiyyətinin əhəmiyyətli dərəcədə azalmasına səbəb olan ciddi bir ruhi pozuntulardır. ABŞ-da aparılan elmi araşdırmalar gündə 3-4 stəkan qəhvə istehlakının depressiya ilə mübarizədə ciddi əhəmiyyət kəsb etdiyini isbat etmişdir. Mütəmadi olaraq qəhvə istehlakı depressiyaya uğrama riskini 50% nisbətində azalda bilər.

Xərçəng xəstəliyindən qoruya bilər:

Qəhvə qaraciyər xərçəngi, kolorektal xərçəngə qarşı qoruyucu olaraq göstərilir. Elmi araşdırmalar qəhvə içən insanların qaraciyər xərçənginə tutulma riskini 40% nisbətində azaltdığını göstərir. Kolorektal xərçənginə tutulma riskini də 15% nisbətində azaldır.

Ürəyin sağlamlığını qoruyur və infarkt riskini azaldır:

Ümumiyyətlə, kafeinin qan təzyiqini artırdığı iddia edilir. Bu, doğrudur, ancaq nizamlı və az miqdarda qəhvə istifadəsi buna səbəb olmaz. Lakin ciddi qan təzyiqi problemi yaşayanlar qəhvədən istifadə etməsi məsləhətdir. Bir çox elmi araşdırmalar nəticəsində məlum olub ki, qəhvə içən insanlar, xüsusilə qadınların ürək xəstəliklərinə tutulma riski içməyənlərlə müqayisədə 20% azdır.

İki sahil.- 2017.- 9 fevral.- S.16.