Kürdəmirlilər İlhamlı gələcəyə səs verəcəklər

2018-ci ilin 11 aprel tarixində Azərbaycanda çox əhəmiyyətli siyasi kampaniya – prezident seçkiləri keçiriləcək. Yeni Azərbaycan Partiyasının (YAP) tədbirlər planına uyğun olaraq bütün yerli strukturlar bu kampaniyaya səfərbər edilib. Yeni Azərbaycan Partiyası Mərkəzi Seçki Qərargahının Kürdəmir rayon şöbəsinin təbliğat-təşviqat qrupunun üzvləri martın 20-də Kürdəmirdə Novruz bayramı və ilaxır çərşənbə münasibətilə təşkil olunan şənliklə «İlhamla irəli» şüarı ilə təbliğat kampaniyasına start verib. Tədbirdə ağsaqqallar və ziyalılar, gənclər, rayon ictimaiyyətinin nümayəndələri iştirak ediblər. «Qələbə» parkında təşkil olunan tədbirdə son 15 ildə cənab İlham Əliyevin rəhbərliyi ilə qazanılan möhtəşəm uğurları və qarşıdakı illərdə yeni hədəfləri özündə əks etdirən bukletlər seçicilərə paylanılıb. Bayram mərasimi incəsənət ustalarının ifasında maraqlı konsert proqramı ilə davam edib.Sonra rayonun Cəyli kəndində də seçicilərlə görüş keçirilib.Tədbirlərdə çıxış edən YAP Mərkəzi Seçki Qərargahı Kürdəmir rayon şöbəsinin və rayon təşkilatının sədri Ağali Kərimli bildirib ki, son 15 ildə Azərbaycanda çox sürətlə və yüksək səviyyədə aparılan siyasət artıq öz bəhrələrini verib. Bu gün Azərbaycan regionda ən güclü orduya malik olan dövlətə çevrilib. Sabitlik, dinamik iqtisadi inkişafla yanaşı, güclü ordu quruculuğu müasir Azərbaycanı xarakterizə edən əsas amillərdən biridir. Son illər ölkəmizin iqtisadi qüdrətinin artması sosial məsələlərin həllinə və milli ordumuzun möhkəmlənməsinə geniş imkan yaradıb.A.Kərimli hər bir dövlətdə seçki prosesinin mühüm kampaniya olduğunu bildirib. Qeyd edib ki, partiyamızın bu günə kimi seçicilərlə keçirilən görüşləri onu deməyə əsas verir ki, 11 apreldə xalqımız hamılıqla prezidentliyə namizəd cənab İlham Əliyevə səs verəcək. Kürdəmir rayon təşkilatının sədri ümummilli lider Heydər Əliyev zəngin siyasi kursunun layiqli davamçısı, praqmatik siyasəti ilə xalqın inam və etimadını qazanmış cənab İlham Əliyevin ölkəmizdə alternativsiz lider olduğunu bir daha vurğulayıb. Kürdəmirlilərin hər zaman dövlətə və dövlətçiliyə sadiq olduğunu cənab İlham Əliyevə böyük dəstək nümayiş etdirərək prezident seçkilərində aktiv iştirakları ilə sübüt edəcəklərini söyləyib: «Ölkəmizin sosial-iqtisadi, mədəni sahələrdə qazandığı böyük uğurları, hüquqi dövlət və vətəndaş cəmiyyətnin demokratik dəyərlər əsasında inkişafı Yeni Azərbaycan Partiyasının Sədri cənab İlham Əliyevin ümummilli maraqlara söykənən məqsədyönlü siyasətinin məntiqi nəticəsidir.»«Ötən 15 ildə ölkəmizin qazandığı uğurlara diqqət yetirsək bu gun Azərbaycanın iqtisadi inkişafının hansı mərhələdə olduğunu görərik. Cənab İlham Əliyevin son illərdə gördüyü işlər prezident seçkilərində qələbəsini şəksiz edib.» deyən YAP Kürdəmir rayon təşkilatının sədri kəndlərdə insanların rifah halının yaxşılaşdırılması istiqamətində atlımış addımlardan söhbət açıb.YAP Mərkəzi Seçki Qərargahı Kürdəmir rayon şöbəsinin təbliğat-təşviqat qrupunun üzvləri Yaqut Əşrəfova, Sabir Novruzov, Tarix İslamov, Elmira Süleymanova və digərləri vurğulayıblar ki, bu gün cəmiyyətimizdə haqlı bir düşüncə formalaşıb ki, müasir Azərbaycan ulu öndər Heydər Əliyevin şah əsəridir. Azərbaycanın əldə etdiyi böyük nailiyyətlər Heydər Əliyev siyasi kursunun uğurla davam etdirilməsinin məntiqi nəticəsidir. Çıxış edənlər bildiriblər ki, cənab İlham Əliyevin rəhbərliyi ilə Azərbaycanda çox mükəmməl bir siyasət həyata keçirilir, mükəmməl dövlət idarəçiliyi modeli formalaşıb. Azərbaycan bu gün bütün dünyanın hesablaşdığı güclü bir dövlətdir”. Natiqlər bu uğurların davamlılığı üçün kürdəmirliləri cənab İlham Əliyevə səs verməyə çağırıblar.

Sonra çağırışçı şüarlar səsləndirilib.

Görüşdə Cəyli kəndinin sakinlərindən Ayyət Nəsirov, Vidadi Dəmirov, Sabir Rüstəmov və digərləri çıxış edərək cənab İlham Əliyevin həyata keçirdiyi uğurlu siyasətdən, əhalinin sosial rifah halının yaxşılaşdırılmasından, ölkəmizdə və eləcə də rayonda görülən işlərdən danışıblar. Seçicilər seçkilərdə Yeni Azərbaycan Partiyasının namizədi cənab İlham Əliyevə səs verəcəklərini vurğulayıblar.

Orxan Vahidoğlu

İki sahil.- 2018.-22 mart.- S.11.