Azərbaycan Silahlı Qüvvələrinin gücünə şübhə yoxdur

Azərbaycan-Ermənistan sərhədində uzun fasilədən sonra yenidən atəş və minomyot mərmilərinin partlaması səsləri eşidilir. Rusiya Dövlət Dumasının deputatı, Rusiya-Azərbaycan Parlamentlərarası Dostluq Qrupunun rəhbəri Dmitri Savelyev AZƏRTAC-ın müxbiri ilə söhbətində Azərbaycan-Ermənistan münasibətlərinin sabitliyinin növbəti dəfə pozulmasının kimdən ötrü sərfəli ola bilməsi barədə öz mülahizələrini bölüşüb.

- Dmitri İvanoviç, son günlərdə Azərbaycan-Ermənistan sərhədində baş verən hadisələri siz necə qiymətləndirirsiniz?

-Aşkardır ki, baş verən hadisələrin təqsirkarı heç də Azərbaycan deyil. Azərbaycanın Ermənistanı nəyəsə təhrik etməyə ehtiyacı yox idi, suveren dövlətin ərazi bütövlüyünə qəsb edən Azərbaycan olmayıb, başqa ölkənin ərazisinin 20 faizini də o işğal etməyib. Azərbaycan öz qarşısına yalnız öz dövlət sərhədinin təhlükəsizliyinin təmin edilməsi vəzifəsini qoyur.

Qarabağ münaqişəsində beynəlxalq hüquq tamamilə Azərbaycanın tərəfindədir. Buna görə də Bakının öz əsas məqsədinə çatması – respublikanın müəyyən olunmuş sərhədləri daxilində onun ərazi bütövlüyünün bərpa edilməsinə nail olmaq üçün provokasiyaya ehtiyacı yoxdur. Azərbaycan Silahlı Qüvvələrinin gücünə şübhə yoxdur: bu yaxınlarda, mayın axırlarında keçirilmiş manevrlərdə təqribən 10 min hərbi qulluqçu, 120 tank və zirehli texnika, habelə 30 vahid ordu və cəbhə aviasiyası cəlb edilmişdi. Buna baxmayaraq, Azərbaycan rəhbərliyi 30 ilə yaxındır ki, sülh yolunun tərəfdarıdır, yalnız öz ünvanına provokasiyalara adekvat cavab verməklə kifayətlənir. Azərbaycan Prezidenti İlham Əliyev dəfələrlə bəyan edib ki, Qarabağ münaqişəsi yalnız dinc yolla - Azərbaycanın ərazi bütövlüyü çərçivəsində öz həllini tapmalıdır.

-Sizin fikrinizcə, Azərbaycan erməni tərəfinin provokasiyasına nə dərəcədə layiqincə cavab verib?

-Azərbaycan ordusu provokasiyaya qarşı sərt cavab tədbirləri görüb. Hesab edirəm ki, erməni tərəfin “köpünü yatırmaq” üçün bu cür cavab tamamilə kifayətdir. Əlbəttə, çox kədərli haldır ki, artilleriya atəşi və bunun ardınca hərbi əməliyyatlar nəticəsində Azərbaycanın bir neçə hərbi qulluqçusu həlak olub və yaralanıb. Çox əlamətdar haldır ki, Ağdam kəndinin administrasiyasının və KİV-lərin verdiyi məlumata görə, bu kəndin kişiləri döyüş səslərini eşidəndə hərbçilərə öz köməyini təklif etmək üçün sərhədə tərəf yola düşməyə hazırlaşıblar.

-Sizin fikrinizcə, Ermənistan bu hərəkətləri ilə hansı məqsədlər güdə bilər?

-İstisna edilmir ki, Ermənistan rəhbərliyi provokasiyanın köməyi ilə ölkə daxilində sosial-iqtisadi vəziyyətdən diqqəti yayındırmağa çalışır. Bu gün Ermənistanda koronavirus pandemiyası tüğyan edir: 600-ə yaxın adam ölüb, 32 minə yaxın COVID-19-a yoluxma faktı qeydə alınıb. Nəticədə vətəndaşların yerdəyişmə imkanları məhdudlaşır, onlar işsiz qalırlar, çünki ölkədə iqtisadi fəallıq dondurulub. Sosial problemlər ölkədəki siyasi böhrana əlavə olunur, bu isə ümumi vəziyyəti olduqca kəskinləşdirir.

Yerevanın bu cür addımları onun Dağlıq Qarabağda münaqişəni sülh danışıqları yolu ilə nizamlamaq arzusu olmamasını göstərir, buna görə də məsələn, Ermənistanın baş naziri Nikol Paşinyan növbəti dəfə Dağlıq Qarabağın erməni icmasının təyini-müqəddəratının vacibliyindən danışmağa başlayıb.

-Siz necə hesab edirsiniz, sərhəd insidenti Azərbaycan ilə Ermənistan arasında hərbi əməliyyatlar dərəcəsinə çata bilərmi?

-Güman edirəm ki, Cənubi Qafqazda gərginliyin növbəti dəfə genişlənməsini nə bu ölkələr istəyir, nə ATƏT-in Minsk qrupu, nə də dünya birliyi. Lakin vəziyyətin sabitləşməsi üçün Ermənistan bu təhlükəli provokasiya taktikasından əl çəkməlidir. Mənim fikrimcə, dünya birliyi heç şübhəsiz, beynəlxalq hüququ əsas götürərək bu təcavüz faktını pisləyəcək, çünki o, Qarabağ probleminin dinc danışıqlar yolu ilə həll edilməsinin və Azərbaycanın ərazi bütövlüyünün qorunub saxlanmasının tərəfdarıdır.

Şəxsən mən əminəm ki, belə adlandırılan “Kazan formulu”nun reallaşdırılması danışıqların mərhələli şəkildə irəliləməsinin yeganə düzgün üsuludur: Ermənistan Azərbaycanın işğal edilmiş rayonlarını ona verir, cavabında Azərbaycan Ermənistanın iqtisadi blokadasını götürür, qaçqınlar Dağlıq Qarabağa qayıdır, bundan sonra mübahisəli ərazinin statusu barədə referendum keçirilir. Bu, ən ağlabatan və hüquqi yoldur, məhz bu yol seçilməlidir.

Sərhəddə baş vermiş insidentə mənim münasibətimə gəldikdə isə, mən Rusiyaya dost Azərbaycanın mövqeyinə bütünlüklə şərikəm, həlak olmuş azərbaycanlı döyüşçülərin ailələrinə dərin hüznlə başsağlığı verirəm və çox ümid edirəm ki, münaqişənin gedişində yaralananlar tezliklə sağalacaqlar.

Tədbirdə Əmək və Əhalinin Sosial Müdafiəsi nazirinin müavini Hidayət Abdullayev, Şirvan Şəhər İcra Hakimiyyətinin başçısı İlqar Abbasov və “Kapital Bank”ın rəsmisi Tural Ayvazlı iştirak ediblər.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, H.Abdullayev Prezident İlham Əliyevin tapşırığına əsasən 2020-ci ildə də ölkəmizdə heç bir sosial proqramın təxirə salınmadığını, əksinə həmin proqramların uğurla davam etdirilərək daha da genişləndirildiyini vurğulayıb.

Nazir müavini bildirib ki, dövlət başçısının çağırışına uyğun olaraq ölkəmizdə özəl sektorun sosial məsuliyyət və həmrəylik prinsipinə əsaslanan fəaliyyəti getdikcə genişlənir. Məcburi köçkünlər üçün “Qobu-1”, “Qobu-2” və “Qobu-3” yaşayış komplekslərinin özəl sektorun hesabına salınması da bunun əyani təzahürlərindən biridir. Bu il mayın 28-də “Qobu Park-3” yaşayış kompleksinin açılışında özəl sektorun əhəmiyyətli sosial layihələrə qoşulduğunu diqqətə çatdıran Prezident İlham Əliyev yaşayış kompleksinin salınmasında xüsusilə “Paşa Holdinq” şirkətinin fəaliyyətini qeyd edib. Dövlət başçısı bütün Azərbaycan şirkətlərinə müraciət edərək həmrəylik göstərməli və sosial məsuliyyət daşımalı olduqlarını bildirib.

H.Abdullayev vurğulayıb ki, “Kapital Bank” tərəfindən korporativ sosial məsuliyyət çərçivəsində şəhid ailələri və Qarabağ müharibəsi əlilləri üçün 4 mərtəbəli, 3 bloklu yaşayış binasının inşa etdirilməsi də özəl sektorun sosial layihələrə fəal şəkildə qoşulmasının növbəti uğurlu nümunəsidir. Bu, həmçinin şəhid ailələrinin, müharibə əlillərinin rifahı üçün dövlətin apardığı ardıcıl işlərə özəl sektorun yaxından dəstək verdiyinin göstəricisidir.

Nazir müavini bütün sosial proqramlar kimi, şəhid ailələri və Qarabağ müharibəsi əlillərinin mənzillə təminat proqramının da geniş miqyas aldığını deyib. O, nazirlik tərəfindən şəhid ailələrinə və müharibə əlillərinə 2018-ci ildə 626 ədəd, 2019-cu ildə bundan 50 faiz çox olmaqla 934 mənzil və fərdi ev verildiyini qeyd edib. O, dövlət başçısının tapşırığına əsasən 2020-ci ildə şəhid ailələri və müharibə əlillərinə azı 1500 mənzil və fərdi ev verilməsinin nəzərdə tutulduğunu bildirib. Hazırda təqdim edilən mənzillər də daxil olmaqla, bu il artıq 370-dək mənzilin, ümumilikdə ötən dövrdə şəhid ailələrinə və müharibə əlillərinə 7970 mənzil və fərdi ev verildiyini diqqətə çatdırıb.

İ.Abbasov Prezident İlham Əliyevin həssas əhali qruplarına diqqət və qayğısından bəhs edib, şəhid ailələri və Qarabağ müharibəsi əlillərinin mənzillə təmin olunmalarının da bunun bir əyani ifadəsi olduğunu vurğulayıb.

T.Ayvazlı dövlət başçısının çağırışına qoşulan “Kapital Bank”ın da sosial layihələrdə fəal iştirak etdiyini vurğulayıb. Bildirib ki, “Kapital Bank” korporativ sosial məsuliyyət strategiyasına uyğun olaraq, işsiz və əlilliyi olan şəxslər, məcburi köçkün və aztəminatlı ailələr üçün müxtəlif tədbirlər həyata keçirir. Budəfəki sosial aksiya Əmək və Əhalinin Sosial Müdafiəsi Nazirliyi ilə birgə keçirilib və bununla da “Kapital Bank” şəhid ailələrinin, Qarabağ müharibəsi əlillərinin mənzil-məişət şəraitinin yaxşılaşdırılması istiqamətində aparılan ardıcıl işlərə öz töhfəsini verib.

Şəhid ailələri və Qarabağ müharibəsi əlilləri onların rifahı üçün aparılan mühüm işlərə, həmçinin mənzillə təmin olunduqlarına görə Prezident İlham Əliyevə dərin minnətdarlıqlarını ifadə ediblər.

Müasir tələblərə uyğun yaşayış şəraitinin yaradıldığı binadakı mənzillərdən 16-sı birotaqlı, 44-ü ikiotaqlı, qalanları üçotaqlıdır. Mənzillər Şirvan şəhəri və ətraf rayonlardakı şəhid ailələri və Qarabağ müharibəsi əlilləri üçün nəzərdə tutulub.

İki sahil.- 2020.- 15 iyul.- S.4.